Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 196
आतापर्यंत या आजाराची लागण झालेल्या लहान मुलांची संख्या 60 वर पोहोचली, रोग प्रतिकारशक्ती कमी असल्याने लागण 5मुंबई, दि. 21 (प्रतिनिधी): पावसाळ्यासोबतच मुंबई व पुण्यात स्वाईन फ्लूचा प्रभाव वाढत चालला आहे. लहान मुलांमध्ये या आजाराची लागण होण्याचे प्रमाण जास्त असल्याचे निरीक्षणानंतर आढळून आले आहे. महिन्यात स्वाईन फ्लूने दगावलेल्या पाच रुग्णांमध्ये एका चार वर्षीय बालकाचा समावेश होता तर आतापर्यंत या आजाराची लागण झालेल्या लहान मुलांची संख्या 60 वर पोहोचली आहे. त्यामुळे पालकांनी आपल्या मुलांची विशेष काळजी घ्यावी व स्वाईन फ्लूची लक्षणे दिसताच तातडीने उपचार द्यावेत, असे आवाहन वैद्यकीय अधिकार्‍यांनी केले आहे. दरम्यान, मुंबई पाठोपाठ पुण्यातही स्वाईन फ्लूने डोके वर काढले आहेत. ससून रुग्णालयाबरोबरच खाजगी रुग्णालयातही स्वाईन फ्लूवर उपचार घेण्यासाठी रुग्ण दाखल झाले आहेत. परंतु त्याबाबतची निश्‍चित माहिती मिळू शकली नाही. आतापर्यंत सर्दी, खोकला, घसा दुखणे ही स्वाईन फ्लूची लक्षणे होती. मात्र या वर्षी उलटी, ताप, अतिसार ही लक्षणे असलेल्या रुग्णांच्या रक्ततपासणीच्या अहवालात स्वाईन फ्लूचे निदान होत आहे.
Saturday, July 22, 2017 AT 09:09 PM (IST)
प्राप्तिकर विभागाची पुण्यात कारवाई   विश्‍वजित कदम            अविनाश भोसले 5पुणे, दि. 21 (प्रतिनिधी) : पुण्यातील नामांकित उद्योजक अविनाश भोसले व काँग्रेस नेते पतंगराव कदम यांचे पुत्र विश्‍वजित कदम यांच्या कार्यालयांवर प्राप्तिकर विभागाने शुक्रवारी छापे टाकले. अविनाश भोसले आणि विश्‍वजित कदम या दोघांच्याही निवासस्थान आणि कार्यालयांवर छापे टाकण्यात आले आहेत. प्राप्तिकर विभागाचे अधिकारी सध्या तपासणी करत आहेत. सुरक्षेसाठी स्थानिक पोलिसांचीही मदत घेण्यात आली आहे. अविनाश भोसले यांच्या कार्यालयातील सर्व कर्मचार्‍यांचे फोन काढून घेतले आहेत. अशीच तपासणी विश्‍वजित कदम यांच्या कार्यालयातही उशिरापर्यंत सुरू होती. अविनाश भोसले आणि विश्‍वजित कदम यांच्या कोणकोणत्या कार्यालयांवर छापे टाकण्यात आले आहेत याबाबत अद्याप माहिती मिळू शकलेली नाही. हे छापे कोणत्या कारणासाठी टाकण्यात आले याबाबतही अस्पष्टता आहे. माहिती अधिकार कार्यकर्ते श्रीजित रमेशन म्हणाले, मी 2015 पासून या प्रकरणाचा पाठपुरावा घेत होतो. त्यासाठी मी राष्ट्रपतींना निवेदन दिले होते.
Saturday, July 22, 2017 AT 09:08 PM (IST)
चौकशी समितीच्या प्रश्‍नांवर टोलेबाजी 5पुणे, दि. 21 (प्रतिनिधी) : आपण आता वादाला पूर्णविराम देत असून यापुढे कोणत्याही समितीला सामोरे जाणार नाही. शेतकर्‍यांमध्ये जाऊ आणि ऑगस्टमध्ये पुढील निर्णयाची घोषणा करू, अशी भूमिका घेत कृषी राज्यमंत्री सदाभाऊ खोत यांनी स्वाभिमानी शेतकरी संघटनेला राम राम ठोकण्याचे संकेत शुक्रवारी येथे दिले. मला विचारलेल्या सर्व प्रश्‍नांची मी सविस्तर उत्तरे दिली आहेत. आता संघटनेच्या नेतृत्वाने निर्णय घ्यायचा आहे. चेंडू त्यांचा कोर्टात आहे, असेही खा. राजू शेट्टी यांचे नाव न घेता त्यांनी सांगितले. सदाभाऊंनी स्वाभिमानी शेतकरी संघटनेशी द्रोह केला, या आरोपाखाली त्यांची चौकशी करण्यासाठी संघटनेने समिती नेमली आहे. सदाभाऊंची पुण्यातील सर्किट हाऊसमध्ये चौकशी घेण्यात आली. त्यानंतर ते पत्रकारांशी बोलत होते. प्रदेशाध्यक्ष प्रा. पोपळे, रविकांत तुपकर, दशरथ सावंत, सतीश काकडे हे समितीतील सदस्य सदाभाऊंना भेटले. समितीने त्यांना 26 प्रश्‍न विचारले होते. या प्रश्‍नांची सदाभाऊंनी आधीच लिखित उत्तरे तयार ठेवली होती. त्याच्या प्रती समितीच्या सदस्यांना देण्यात आल्या.
Saturday, July 22, 2017 AT 09:03 PM (IST)
शेकडो कार्यकर्त्यांकडून स्वागत फटाक्यांची आतषबाजी 5सातारा, दि. 21 : लोणंद येथील औद्योगिक वसाहतीतील सोना अलॉईज कंपनीच्या मालकाकडून खंडणी मागितल्याच्या आणि खुनाच्या प्रयत्नाच्या आरोपावरून दाखल झालेल्या गुन्ह्यात जिल्हा न्यायालयापाठोपाठ मुंबई उच्च न्यायालयानेही अटकपूर्व जामीन नामंजूर केल्यानंतर खा. श्री. छ. उदयनराजे भोसले हे शुक्रवारी रात्री 8.30 च्या सुमारास अचानक सातार्‍यात दाखल झाले. यावेळी शेकडो कार्यकर्त्यांनी शहरात ठिकठिकाणी फटाक्यांच्या आतषबाजीत त्यांचे स्वागत केले. त्यानंतर जलमंदिरात थोडा वेळ थांबल्यानंतर ते रात्री उशिरा तेथून कार्यकर्त्यांसमवेत बाहेर पडले. लोणंद औद्योगिक वसाहतीतील सोना अलॉईज कंपनीच्या रवींद्रकुमार जैन यांच्याकडून खंडणी मागितल्याच्या आणि त्यांच्या खुनाचा प्रयत्न केल्याच्या आरोपावरून खा. उदयनराजे यांच्यासह 13 जणांवर सातारा शहर पोलीस ठाण्यात गुन्हा दाखल करण्यात आला होता. या प्रकरणी खा. उदयनराजे यांनी प्रारंभी जिल्हा न्यायालयात अटकपूर्व जामिनासाठी अर्ज केला होता. हा अर्ज जिल्हा न्यायालयाने फेटाळून लावला होता. त्यानंतर त्यांनी मुंबई उच्च न्यायालयात अटकपूर्व जामिनासाठी अर्ज केला होता.
Saturday, July 22, 2017 AT 09:01 PM (IST)
मीराकुमार यांचा मोठा पराभव विरोधकांची मते फुटली 5नवी दिल्ली, दि. 20 (वृत्तसंस्था) :राष्ट्रपतिपदाच्या निवडणुकीत अपेक्षेप्रमाणे रालोआचे उमेदवार रामनाथ कोविंद यांनी विरोधी पक्षांच्या संयुक्त उमेदवार मीराकुमार यांचा दणदणीत पराभव केला. कोविंद यांना तब्बल 65.65 टक्के म्हणजे सात लाखांहून अधिक मते मिळाली तर मीराकुमार यांना अवघी 34.35 टक्के म्हणजे साडेतीन लाखांहून थोडी अधिक मते मिळाली. या निवडणुकीत अनेक राज्यांमध्ये विरोधकांची मते फुटून ती कोविंद यांच्या पारड्यात पडली. या निवडणुकीत कोविंद यांना 63 टक्के मते मिळतील, असा अंदाज आधी वर्तविण्यात आला होता. मात्र, त्यापेक्षा दोन टक्के जास्त मते त्यांना मिळाली. कोविंद देशाचे 14 वे राष्ट्रपती म्हणजेच तिन्ही संरक्षण दलांचे प्रमुख म्हणून 25 जुलै रोजी पदभार स्वीकारणार आहेत. कोविंद हे दुसरे दलित राष्ट्रपती आहेत. के. आर. नारायणन हे भारताचे पहिले दलित राष्ट्रपती ठरले होते. या विजयामुळे भाजपचा पहिलाच नेता राष्ट्रपतिपदी विराजमान झाला आहे. या विजयानंतर कोविंद यांनी भावूक प्रतिक्रिया व्यक्त केली. हा माझ्यासाठी भावनिक क्षण आहे. माझा विजय हा आपल्या लोकशाहीच्या महानतेचे प्रतीक आहे.
Friday, July 21, 2017 AT 08:34 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: