Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 348
5नगर, दि. 13 (वृत्तसंस्था) : राज्याचे मुख्यमंत्री देवेंद्र फडणवीस यांच्यासह पंतप्रधान नरेंद्र मोदी आणि भाजप अध्यक्ष अमित शहा यांच्यावर तोफ डागणारे राष्ट्रवादी काँग्रेसचे अध्यक्ष शरद पवार यांनी मधुकर पिचड यांच्यावर नाव न घेता टीकास्त्र सोडले. आदिवासींचा विकास करण्यासाठी पक्ष सोडून गेलो असे सांगतात, मग काय चाळीस वर्षे गवत उपटत होतात काय? असा घणाघात त्यांनी केला. अहमदनगरमधील अकोले येथील प्रचारसभेत राष्ट्रवादी काँग्रेसचे अध्यक्ष शरद पवार यांनी मुख्यमंत्री देवेंद्र फडणवीस, पंतप्रधान नरेंद्र मोदी यांच्यासह अमित शहा यांच्यावर पुन्हा टीका केली. अनेक वर्षे सोबत असलेले सहकारी सोडून गेले. आदिवासींचा विकास करण्यासाठी गेलो असे ते सांगतात. मग चाळीस वर्षे काय गवत उपटत होतात काय?, असा सवाल पवार यांनी केला. पवार यांनी यावेळी मुख्यमंत्री फडणवीस यांच्यावरही हातवारे करत टीका केली. मी कुस्ती संघटनेचा अध्यक्ष आहे, त्यामुळे कुस्ती कोणाशी आणि कशी खेळतात हे मला चांगले ठाऊक आहे.  सोलापूरमधील राष्ट्रवादी काँग्रेसच्या उमेदवारांच्या प्रचारासाठी बार्शी इथं झालेल्या जाहीर सभेत आज शरद पवारांचे भाषण झाले.
Monday, October 14, 2019 AT 09:08 PM (IST)
5लातूर, दि. 13 (वृत्तसंस्था) : काँग्रेसचे माजी अध्यक्ष राहुल गांधी यांनी लातूरमधील औसा येथील प्रचारसभेची सुरूवात  बेरोजगारी आहे का?  युवकांना रोजगार मिळत आहे का? शेतकर्‍यांना योग्य दर मिळत आहे का? कर्जमाफी झाली का? अच्छे दिन आले का? असे  प्रश्‍न विचारत केली. यावेळी ते म्हणाले,  देशभरात तुम्ही कोणालाही विचारले, की जनतेची समस्या काय आहे? तर तुम्हाला उत्तर मिळेल, की शेतकर्‍यांची बिकट अवस्था व बेरोजगारी आहे. तुम्हाला शेतकरी, तरूण एकच सांगतील, की मोदींनी बरबाद केले आहे. मात्र, एवढे असूनही मीडिया तुम्हाला कधीच ही परिस्थिती दाखवणार नाहीत. बेरोजगारी, महाराष्ट्रातील शेतकरी कर्जमाफीसह जनतेच्या मुद्द्यांबद्दल मीडिया काहीच दाखवणार नाही.  कारण, मीडिया, पंतप्रधान मोदी, अमित शहा यांचे काम तुम्हाला मुख्य मुद्द्यावरून भरकटवण्याचे सुरू आहे. 40 वर्षातील सर्वाधिक बेरोजगारी भारतात  आज आहे. दोन लाख कारखाने बंद झाले आहेत, ऑटोमोबाइल सेक्टर लयास गेले, कापड उद्योग, हिरे व्यापार बंद पडला आहे.
Monday, October 14, 2019 AT 09:07 PM (IST)
5जळगाव, दि. 13 (वृत्तसंस्था) : पंतप्रधान नरेंद्र मोदी यांनी आज जळगावमध्ये झालेल्या प्रचारसभेत काँग्रेस-राष्ट्रवादीसह शरद पवार यांच्यावर निशाणा साधला. थकलेले साथीदार एकमेकांचा आधार बनू शकतात, पण महाराष्ट्राची स्वप्ने आणि येथील तरुणांच्या आशा-अपेक्षा पूर्ण करण्याचे माध्यम होऊ शकत नाहीत, असे सांगत मोदींनी काँग्रेस-राष्ट्रवादी काँग्रेसच्या विलिनीकरणाच्या मुद्द्यावरून टीकास्त्र सोडले. यावेळी त्यांनी मुख्यमंत्री देवेंद्र फडणवीस यांच्या कामाचेही कौतुक केले. महाराष्ट्र विधानसभा निवडणुकीचे प्रचार रण तापले आहे. पंतप्रधान नरेंद्र मोदींची आज जळगावमध्ये पहिलीच सभा झाली. त्यांनी मराठीतून भाषणाला सुरुवात केली. त्यांनी प्रमुख विरोधक असलेल्या काँग्रेस आणि राष्ट्रवादी काँग्रेसवर तोफ डागली. मुख्यमंत्री देवेंद्र फडणवीस यांच्या कामाचे कौतुक करताना जम्मू-काश्मीर राज्याचे विभाजन, कलम 370, तिहेरी तलाक या मुद्द्यांवरून त्यांनी विरोधकांना लक्ष्य केले. राष्ट्रवादी काँग्रेसचे अध्यक्ष शरद पवार यांच्यावरही टीकास्त्र सोडले.
Monday, October 14, 2019 AT 09:05 PM (IST)
5मुंबई, दि. 10 (प्रतिनिधी) : विधानसभा निवडणुकीत पक्षाच्या अधिकृत उमेदवारांविरुद्ध बंडखोरी करणार्‍या 4 जणांची भाजपचे प्रदेशाध्यक्ष चंद्रकांत पाटील यांनी गुरुवारी हकालपट्टी केली. मात्र, कल्याण पश्‍चिम येथील विधानसभा मतदारसंघातून शिवसेना उमेदवार विश्‍वनाथ भोईर यांच्या विरोधात लढणारे आ. नरेंद्र पवार, सावंतवाडी येथे शिवसेनेचे दीपक केसरकर यांच्याविरोधात बंडखोरी करणारे राजन तेली यांच्यावर कोणतीही कारवाई न केल्याने त्यांच्या बंडाला पक्षाची संमती असल्याचेच दिसत आहे. विधानसभा निवडणुकीत शिवसेना,भाजप व मित्रपक्षांची महायुती झाली असली तरी जवळपास पन्नास मतदारसंघात बंडखोरी झाल्याने युतीची डोकेदुखी वाढली आहे. खटाव-माण व कणकवली येथे तर शिवसेना व भाजपचे अधिकृत उमेदवार आमनेसामने असून दोन्ही पक्षांनी ही मैत्रिपूर्ण लढत मान्य केली आहे. मात्र उर्वरित मतदारसंघातील बंडखोरी शमवण्यासाठी प्रयत्न करण्याचे व त्यात यश आले नाही तर बंडखोरांवर तत्काळ कारवाई करण्याचे दोन्ही पक्षांनी मान्य केले होते. बंडखोरांनी माघार घेतली नाही तर त्यांना त्यांची जागा दाखविण्यात येईल, असा इशाराही मुख्यमंत्र्यांनी दिला होता.
Friday, October 11, 2019 AT 08:47 PM (IST)
5कोल्हापूर, दि. 10 (प्रतिनिधी) : ‘निवडणुकीत पक्षाच्या नेत्याने आपल्या उमेदवारांच्या पाठीशी ठाम राहणे गरजेचे असते. या स्थितीत काँग्रेसचे नेते राहुल गांधी मैदान सोडून बाहेर गेले आहेत. विरोधी पक्षासाठी हा प्रकार चांगला नाही,’ अशा शब्दात गृहमंत्री अमित शहा यांनी राहुल गांधी यांच्यावर टीका केली. जत येथील प्रचार सभेसाठी जाताना कोल्हापूर विमानतळावर थांबल्यानंतर ते भाजपच्या पदाधिकार्‍यांशी बोलत होते. दरम्यान, शहा यांनी सांगलीतील सभेतून भारताच्या शत्रू देशांना ठणकावले. यापुढे भारताचा एक जरी जवान शहीद झाला तर त्या बदल्यात शत्रूचे 10 सैनिक मारले जातील, असे शहा यांनी निक्षून सांगितले. केंद्रीय गृहमंत्री अमित शहा यांच्या प्रचार सभेचे आयोजन जत येथे केले होते. या सभेला जाण्यासाठी ते गुरुवारी सकाळी सव्वाअकराच्या सुमारास खास विमानाने कोल्हापूर विमानतळावर पोहोचले. भाजपचे प्रदेश उपाध्यक्ष धनंजय महाडिक, आमदार सुरेश हाळवणकर, पश्‍चिम महाराष्ट्र देवस्थान समितीचे अध्यक्ष महेश जाधव आणि राहुल चिकोडे यांनी शहा यांचे स्वागत केले. यावेळी शहा दहा मिनिटे विमानतळावरील विश्रामकक्षात थांबले.
Friday, October 11, 2019 AT 08:35 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: