Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 218
5मुंबई, दि. 19 (प्रतिनिधी) : राज्य शासनाच्या मत्स्यव्यवसाय खात्याने 1 जून ते 31 जुलै या पावसाळी काळात मासेमारीला बंदी घातली आहे. या काळात समुद्र खवळलेला असतो आणि माशांच्या प्रजोत्पादनाचा काळही असल्याने मासे या काळात मोठ्या प्रमाणात अंडी घालतात. या बंदीचे राज्यातील मच्छिमारही कसोशीने पालन करतात. त्यामुळे राज्यातील मासेमारी संपूर्ण बंद असते. या आदेशाचे उल्लंघन करून मासेमारी केल्यास बंदर खाते मासेमारी करणार्‍या बोटींवर कारवाई करते. मात्र, पावसाळी मासेमारी बंदी कालावधीत रत्नागिरीच्या समुद्रात 10 चिनी बोटी मासेमारी करत असून देशाची राष्ट्रीय सुरक्षा धोक्यात आली असल्याचा आरोप पर्ससेईन असोसिएशनचे अध्यक्ष गणेश नखवा यांनी केला आहे. मुख्यमंत्री देवेंद्र फडणवीस व मत्स्यव्यवसाय मंत्री महादेव जानकर यांनी या प्रकरणी लक्ष घालावे, अशी मागणी गणेश नखवा यांनी केली आहे. चिनी आणि परदेशी मासेमारी बोटींच्या अवैध मासेमारीमुळे वर्षाला सुमारे 6 बिलियन डॉलर्स आपण गमावत असून भारतीय मासेमारी उद्योगातील हा सर्वात मोठा घोटाळा आहे, असा आरोप त्यांनी केला.
Thursday, June 20, 2019 AT 08:38 PM (IST)
मुख्यमंत्र्यांची विधानसभेत लेखी उत्तराद्वारे माहिती 5मुंबई, दि.19 (प्रतिनिधी) : शिवसेना व स्थानिकांच्या दबावामुळे रद्द केलेला रत्नागिरी जिल्ह्यातील प्रस्तावित नाणार रिफायनरी प्रकल्प आता रायगड जिल्ह्यात होणार आहे. प्रश्‍नोत्तराच्या तासात उपस्थित केलेल्या नाणार प्रकल्पाबाबतच्या तारांकित प्रश्‍नाला दिलेल्या लेखी उत्तरात मुख्यमंत्री देवेंद्र फडणवीस यांनी रायगड जिल्ह्यातील अलिबाग-रोहा परिसरात तेल शुद्धीकरण प्रकल्प उभारण्यात येणार असल्याचे सूतोवाच केले आहे. नाणार प्रकल्पाला शिवसेनेने व तेथील स्थानिक लोकांनी प्रखर विरोध केला होता. हा प्रदूषणकारी प्रकल्प कोकणात नकोच, अशी मागणी लावून धरली होती. मुख्यमंत्री देवेंद्र फडणवीस यांनी सुरुवातीला प्रकल्प होणारच, अशी ठाम भूमिका घेतली होती. परंतु नंतर लोकसभेसाठी शिवसेना-भाजपची युती करण्याचा निर्णय झाल्यानंतर भाजपचीही भूमिका बदलली व नाणारचा प्रकल्प रद्द करण्यात आला. मात्र आज लेखी उत्तरद्वारे समोर आलेल्या माहितीप्रमाणे हा महत्त्वाकांक्षी तेल शुद्धीकरण प्रकल्प कोकणातच पण रायगड जिल्ह्यात करण्याचा सरकारचा मानस असल्याचे व त्यादृष्टीने कामही सुरू झाले असल्याचे स्पष्ट झाले आहे.
Thursday, June 20, 2019 AT 08:33 PM (IST)
5मुंबई, दि. 19 (प्रतिनिधी) :  आपल्यात सगळं समसमान असलं पाहिजे’, असं सूचक वक्तव्य करत शिवसेना पक्षप्रमुख उद्धव ठाकरे यांनी राज्यातील सत्तेत शिवसेना-भाजप हे दोन्ही पक्ष समान वाटेकरी असायला हवेत, अशी मागणी अप्रत्यक्षपणे मुख्यमंत्र्यांपुढे रेटली आहे. किंग्ज सर्कल येथील षण्मुखानंद सभागृहात झालेल्या शिवसेना वर्धापनदिन सोहळ्यात मुख्यमंत्री फडणवीस यांच्या भाषणानंतर उद्धव यांचे भाषण झाले. यावेळी बोलताना उद्धव ठाकरे यांनी युती भक्कम असल्याचा विश्‍वास व्यक्त केला. ‘ज्या एका भावनेतून पूर्वी युती झाली होती, त्याच भावनेने पुन्हा युती झाली आहे’, असे उद्धव म्हणाले. ‘एका युतीची पुढची गोष्ट’ आता सुरू करू, असे आवाहन करत ‘तुटणार नाही, फुटणार नाही.      हाती घेतलेला हिंदुत्वाचा वसा प्राण गेला तरी सोडणार नाही’, अशी शपथही उद्धव ठाकरे यांनी उपस्थित शिवसैनिकांना दिली. आमचं पण आता ठरलंय! शिवसेना-भाजपमधील वाद आता संपला आहे, असे नमूद करत संजयकाका पाटलांच्या कोल्हापुरातल्या सभेतील वाक्याचा उद्धव ठाकरे यांनी दाखला दिला.
Thursday, June 20, 2019 AT 08:31 PM (IST)
5मुंबई, दि. 19 (प्रतिनिधी) : आम्हाला सत्ता खुर्ची पदांकरिता नको आहे. मंत्री कोण? मुख्यमंत्री कोण? या चर्चा मीडियाला करू द्या. मुख्यमंत्री कोण हा विषय आमच्यासाठी गौण आहे. आम्ही सर्व काही ठरवले आहे. योग्यवेळी योग्य निर्णय सांगू, असे मुख्यमंत्री देवेंद्र फडणवीस शिवसेनेच्या 53 व्या वर्धापनदिन कार्यक्रमात बोलताना म्हणाले. माटुंग्याच्या षण्मुखानंद सभागृहात हा कार्यक्रम आयोजित करण्यात आला होता. लोकसभेप्रमाणे ऑक्टोबर महिन्यात होणार्‍या विधानसभा निवडणुकीत शिवसेना-भाजप युती अभूतपूर्व विजय मिळवेल, असा दावा मुख्यमंत्र्यांनी केला. शिवसेना-भाजप युती वाघ-सिंहाची जोडी असून वाघ-सिंह एकत्र येतात तेव्हा जंगलात कोणाचे राज्य येणार हे सांगावे लागत नाही. वाघ-सिंह एकत्र आल्यावर जनता कोणाला कौल देणार हे स्पष्ट होते, असे मुख्यमंत्री देवेंद्र फडणवीस म्हणाले. शिवसेनेच्या मेळाव्याला जातो तेव्हा माझ्या घरी येतोय, असे मला वाटते. दिवंगत शिवसेनाप्रमुख बाळासाहेब ठाकरेंचा आशीर्वाद आणि शिवसैनिकांची ऊर्जा घेण्यासाठी कार्यक्रमाला आलो आहे.
Thursday, June 20, 2019 AT 08:28 PM (IST)
5पुणे, दि. 19 (प्रतिनिधी) : चातकाप्रमाणे पावसाची वाट पाहणार्‍या नागरिकांना दिलासा मिळण्याची चिन्हं आहेत. मान्सूनच्या आगमनाची प्रतीक्षा संपली असून मान्सून महाराष्ट्राच्या वेशीवर दाखल झाला आहे. वायू चक्रीवादळाचा जोर ओसरल्यामुळे मान्सून येत्या दोन ते तीन दिवसात (21 अथवा 22 रोजी)  महाराष्ट्रात सक्रिय होईल,  अशी माहिती वरिष्ठ हवामान तज्ज्ञ अनुपम कश्यपी यांनी दिली. वायू आणि फणी या चक्रीवादळामुळे अरबी समुद्रात निर्माण झालेल्या परिस्थितीमुळे महाराष्ट्रात दाखल होण्याच्या तयारीत असलेला मान्सून 12 दिवसांनी लांबणीवर गेला. यापूर्वी मान्सूनपूर्व पावसाच्या सरी पुण्या-मुंबईसह महाराष्ट्र अनेक ठिकाणी कोसळल्या होत्या. त्यामुळे वातावरणात गारवा निर्माण झाला होता. तरीही  मान्सून मात्र 12 दिवसांनी लांबणीवर पडला होता. अखेर ही प्रतीक्षा संपली असून मान्सून महाराष्ट्राच्या वेशीवर दाखल झाला आहे. येत्या दोन ते तीन दिवसात मान्सून महाराष्ट्रात सक्रिय होणार असल्याचा अंदाज हवामान विभागाने वर्तवला. मान्सून 1 जून रोजी केरळात तर 7 जूनला तळकोकणात दाखल होतो. मात्र, यंदा मान्सूनच्या वाटचालीत अडथळे निर्माण झाले.
Thursday, June 20, 2019 AT 08:27 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: