Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 241
विनोद तावडे यांचा आरोप 5मुंबई, दि. 14 (प्रतिनिधी) : राज्यकर्ते व काही हितसंबंधी घटक मराठा आरक्षण आंदोलनाला बदनाम करून मराठा आणि अन्य बहुजन समाजामध्ये फूट पाडण्याचा प्रयत्न करत असल्याचा राष्ट्रवादी काँग्रेसचे अध्यक्ष शरद पवार यांचा आरोप मराठा आरक्षण उपसमितीचे सदस्य व शिक्षण मंत्री विनोद तावडे यांनी आज फेटाळून लावला. अनेक वर्षे सत्तेत राहूनही जे मराठा नेते समाजाचे भले करू शकले नाहीत, असे नेतेच आता मराठा आंदोलन बदनाम करण्याचा आणि हिंसा घडवून समाजात दुही माजवण्याचा प्रयत्न करत असल्याचा आरोप तावडे यांनी केला. मंत्रालयात आज झालेल्या पत्रकार परिषदेत ते बोलत होते. राज्यात मराठा आरक्षणाच्या मुद्द्यावर हिंसक आंदोलने मराठा क्रांती मोर्चाकडून केली जात नसून त्यात बाहेरील समाजकंटकांचा हात असल्याचे पुरावे हाती आल्याचे औरंगाबादचे पोलीस आयुक्त चिरंजीव प्रसाद यांनी दिलेली माहिती  खरी आहे का, असे पत्रकारांनी विचारले असता तावडे म्हणाले, मराठा मोर्चाच्या शांततापूर्ण आंदोलनाला प्रतिसाद देत फडणवीस सरकारने समाजाच्या बहुतांश मागण्या पूर्ण केल्या आहेत.
Thursday, August 16, 2018 AT 09:03 PM (IST)
एटीएम सर्व्हरवर हल्ला डेबिट कार्डांची माहिती चोरली 5पुणे, दि. 14 (प्रतिनिधी)  : कॉसमॉस बँकेच्या मुख्यालयातील अनेक खात्यांच्या डेबिट कार्डांची माहिती चोरून हॅकर्सनी तब्बल 94 कोटी रुपये हाँगकाँगच्या हांगसेंग बँकेत ऑनलाइन जमा करून ही रक्कम काढल्याचा धक्कादायक प्रकार उघडकीस आला आहे. हा प्रकार गणेश खिंड रस्त्यावरील कॉसमॉस बँकेच्या मुख्यालयात 13 ऑगस्ट रोजी दुपारी 3 ते रात्री 10 च्या दरम्यान घडला. या घटनेमुळे बँकिंग विश्‍वात खळबळ उडाली आहे. या प्रकरणी सुहास गोखले (वय 53, रा. पिनॅक पारिजात, कर्वेनगर) यांनी चतुःशृंगी पोलीस ठाण्यात फिर्याद दिली आहे. गणेश खिंड रस्त्यावर कॉसमॉस बँकेच्या मुख्यालयातील एटीएम स्विच सर्व्हरवर अज्ञात मालवेअरचा हल्ला करून हॅकर्सनी अनेक खातेधारकांच्या डेबिट कार्ड, रूपे कार्डाची माहिती चोरली. त्याद्वारे 94 कोटी रुपये हाँगकाँगच्या हान्सेन्ग बँकेत ट्रान्स्फर करून रक्कम काढल्याचे उघडकीस आले आहे. चतु:शृंगी पोलिसांनी दिलेल्या माहितीनुसार, गणेश खिंड रस्त्यावर कॉसमॉस बँकेचे भारतातील मुख्यालय आहे.
Thursday, August 16, 2018 AT 08:42 PM (IST)
वादग्रस्त मुद्दे आणि चर्चांमुळे न भरकटण्याचे आवाहन 5नवी दिल्ली, दि. 14 (वृत्तसंस्था) : वादग्रस्त मुद्दे आणि विभिन्न निरर्थक चर्चांमुळे आपले मन भरकटू देऊ नका, असे आवाहन करतानाच देशात हिंसेला स्थान नसल्याचे प्रतिपादन राष्ट्रपती रामनाथ कोविंद यांनी मंगळवारी केले. दीर्घकालीन प्रतीक्षा असलेली ध्येये गाठण्याच्या स्थितीत देश असताना अशा गोष्टींमुळे त्यापासून लक्ष विचलित होणे योग्य नाही, असेही ते म्हणाले. 72 व्या स्वातंत्र्यदिनाच्या पूर्वसंध्येला देशवासीयांना संबोधित करताना राष्ट्रपती रामनाथ कोविंद यांनी महात्मा गांधींनी दिलेल्या अहिंसेच्या मंत्राची आठवण करून दिली. अहिंसेची ताकद हिंसेच्या ताकदीपेक्षा जास्त असल्याचे मत कोविंद यांनी व्यक्त केले. देशाच्या विविध भागांमध्ये जमावाकडून हिंसक घटना व हत्यांचे प्रकार वाढत असल्याच्या पार्श्‍वभूमीवर राष्ट्रपतींनी केलेले आवाहन महत्त्वाचे आहे. आपण इतिहासाच्या एका वेगळ्या वळणावर येऊन पोहोचलो आहोत. आपण दीर्घकाळ प्रतीक्षा केलेली ध्येये गाठण्याच्या स्थितीत आहोत.
Thursday, August 16, 2018 AT 08:41 PM (IST)
सुधन्वाकडे सापडले लॅपटॉप, हार्डडिस्क, मोबाईल 5मुंबई/पुणे, दि. 13 (वृत्तसंस्था) : राज्यात ठिकठिकाणी घातपात घडवून आणण्याचा कट रचल्याचा आणि स्फोटके व बॉम्ब बाळगल्या प्रकरणी अटकेत असलेला हिंदू जनजागृती समितीचा कार्यकर्ता वैभव राऊतच्या नालासोपार्‍यातील घरातून महाराष्ट्र दहशतवादविरोधी पथकाने (एटीएस) सोमवारी आणखी शस्त्रसाठा जप्त केला आहे. त्याचा साथीदार सुधन्वा गोंधळेकर याच्या पुण्यातील घरातून एक लॅपटॉप, संगणकाच्या सहा हार्ड डिस्क, नऊ मोबाईल, अनेक सिमकार्ड, पाच पेनड्राईव्ह, एक कार आणि मोटारसायकल असा मुद्देमाल जप्त करण्यात आला आहे. महाराष्ट्र एटीएसने गेल्या आठवड्यात शुक्रवारी नालासोपारा व पुणे येथेछापे टाकून वैभव राऊत, सुधन्वा गोंधळेकर व शरद कळसकर यांना अटक केली होती. राऊतच्या घरातून मोठा शस्त्रसाठा व बॉम्ब तयार करण्याची पुस्तिका आदी साहित्य जप्त करण्यात आले होते. त्यानंतर दुसर्‍या दिवशी सुधन्वा गोंधळेकरच्या पुण्यातील घरातूनही एटीएसने मोठा शस्त्रसाठा जप्त करतानाच नालासोपारा, सोलापूर, पुणे आदी ठिकाणांहून आणखी 12 जणांना ताब्यात घेतले होते.
Tuesday, August 14, 2018 AT 08:27 PM (IST)
हल्ल्यात बोरगावमधील वृद्धाचा मृत्यू तिघे जखमी 5देशमुखनगर, दि. 13 : पुणे-बंगलोर राष्ट्रीय महामार्गावर बोरगाव, ता. सातारा येथील भराव पुलाखाली दारूच्या नशेत असलेल्या माथेफिरू विशाल प्रल्हाद शितोळे (वय 22, रा. आंबेवाडी, ता. सातारा) याने बोरगावातील चौघांवर मंगळवारी सायंकाळी उशिरा चाकूने वार केले. यामध्ये विजय तातोबा साळुंखे (वय 55) यांचा मृत्यू झाला तर अन्य तिघे जखमी झाले आहेत. या घटनेनंतर हल्लेखोर विशाल हा स्वत:हून बोरगाव पोलीस ठाण्यात हजर झाला. या प्रकरणी गुन्हा नोंद करण्याची प्रक्रिया रात्री उशिरापर्यंत सुरू होती. याबाबत पोलिसांकडून आणि घटनास्थळावरून मिळालेली माहिती अशी, संशयित विशाल शितोळे हा मंगळवारी सायंकाळी नागठाणे येथून मद्यपान करून आंबेवाडीकडे जाण्यासाठी बोरगाव येथे आला. त्याच्याकडे दारूची बाटलीदेखील होती. पुणे-बंगलोर राष्ट्रीय महामार्गावरील पुलाखाली त्याने आणखी दारू ढोसून रिकामी बाटली रस्त्यावरच फोडली. त्यावेळी तेथे असलेल्या चौघांनी त्याला याबाबत विचारणा केली असता त्याने अचानक चाकूने त्यांच्यावर हल्ला केला. ही घटना पोलीस ठाण्यापासून काही मीटरवर घडली.
Tuesday, August 14, 2018 AT 08:25 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: