Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 183
5मुंबई, दि.10 (प्रतिनिधी) पीएमसी बँक बुडाल्याने लाखो ठेवीदार अडचणीत आले असून, भविष्यात असे प्रकार होऊ नये यासाठी बहुराज्यीय सहकारी बँकांबाबत काही कठोर पावलं टाकण्याची गरज आहे. आगामी हिवाळी अधिवेशनात यासाठी कायद्यात दुरुस्ती करण्याचा विचार असल्याचे केंद्रीय अर्थमंत्री निर्मला सीतारामन यांनी गुरुवारी मुंबईत पत्रकारांशी बोलताना सांगितले. विधानसभा निवडणुकीच्या प्रचारासाठी केंद्रीय नेत्यांची फौजच भाजपने मैदानात उतरवली आहे. काही नेते जाहीर सभांचा फड रंगवत आहेत, तर काही नेत्यांवर पत्रकार परिषदांमधून पक्षाची भूमिका व केंद्र आणि राज्य सरकारच्या कामगिरीचा लेखाजोखा मांडण्याची जबाबदारी सोपवण्यात आली आहे. याचाच एक भाग म्हणून केंद्रीय अर्थमंत्री निर्मला सीतारामन यांची भाजप प्रदेश मुख्यालयात पत्रकार परिषद झाली. केंद्रीय अर्थमंत्री येत असल्याची खबर लागल्याने दिवाळ-खोरीत निघालेल्या पंजाब महाराष्ट्र सहकारी बँकेच्या खातेधारकांनी भाजप कार्यालया-समोर मोठी गर्दी केली होती. बँकेत आमची आयुष्याची पुंजी अडकली असून आम्हाला न्याय मिळावा अशी घोषणाबाजी करत त्यांनी ठिय्या आंदोलन केले.
Friday, October 11, 2019 AT 08:49 PM (IST)
5नवी दिल्ली, दि. 10 (वृत्तसंस्था) : देशाचे राष्ट्रपती, उपराष्ट्रपती आणि पंतप्रधानांसाठी असलेल्या विमानांमध्ये आता अत्याधुनिक ‘मिसाइल डिफेन्स सिस्टिम’ असणार आहे. या विमानांचे उड्डाण एअर इंडियाचे वैमानिक नव्हे तर हवाई दलाचे वैमानिक करतील. एअर इंडियाकडून हवाई दलाच्या वैमानिकांना बोईंग 777 विमानांच्या उड्डाणाचे प्रशिक्षण दिले जात आहे. पंतप्रधान नरेंद्र मोदींसह देशातील दिग्गज नेते जुलै 2020 पासून बोईंग 777 या विमानातून प्रवास करतील. देशाच्या पंतप्रधानांसाठी पहिल्यांदाच अत्याधुनिक क्षेपणास्त्र सज्ज विमाने असतील. या विमानांचे उड्डाण हवाई दलाचे वैमानिक करणार आहेत. एअर इंडियाकडून हवाई दलाच्या वैमानिकांना प्रशिक्षण दिले जात आहे. जुलै 2020 पासून पंतप्रधान नरेंद्र मोदींसह राष्ट्रपती आणि उपराष्ट्रपती या विमानातून प्रवास करणार आहेत. अमेरिकी प्लांटमध्ये या विमानांची निर्मिती होत आहे. अमेरिकी बी 777 विमानात लार्ज एअरक्राफ्ट इन्फ्रारेड काऊंटर मेजर्स (एलएआयआरसीएम) आणि सेल्फ प्रोटेक्शन सुट्स (एसपीएस) असणार आहेत. ही विमाने जुलै 2020 मध्ये भारतात आणली जाणार आहेत.
Friday, October 11, 2019 AT 08:44 PM (IST)
5नवी दिल्ली, दि. 10 (वृत्तसंस्था) : भारताचे नंदनवन अशी ओळख असलेल्या जम्मू-काश्मीरमध्ये गेल्या दोन महिन्यांपासून असलेली पर्यटकबंदी अखेर उठवण्यात आली आहे. गृह विभागाने 2 ऑगस्ट 2019 रोजी पर्यटकांसाठी काढलेला मनाई आदेश मागे घेण्यात आला असून पर्यटक आता जम्मू-काश्मीरमध्ये पर्यटनासाठी येऊ शकतात. त्यांना आवश्यक ते सर्व सहकार्य व मदत राज्य सरकारकडून मिळेल, असे आदेशात नमूद करण्यात आले आहे. दरम्यान, राज्यपाल सत्यपाल मलिक यांनी 8 ऑगस्ट रोजी काश्मीरमधील सुरक्षेचा आढावा घेतला होता. याच बैठकीत पर्यटकांसाठीचा प्रतिबंधात्मक आदेश मागे घेण्यात यावा, अशी सूचना राज्यपालांनी गृह विभागाला केली होती. त्यानुसारच हा आदेश काढण्यात आला आहे.              जम्मू-काश्मीरच्या गृह विभागाने बुधवारी एक आदेश काढून काश्मीर खोर्‍यात पर्यटकांसाठी घातलेले निर्बंध मागे घेतले आहेत. या आदेशाची प्रत राज्यपालांसह पुढील कार्यवाहीसाठी सर्व संबंधित विभागांना पाठवण्यात आली आहे. जम्मू-काश्मीरला विशेष राज्याचा दर्जा देणारे कलम 370 हटवण्याचा ऐतिहासिक निर्णय केंद्र सरकारने 5 ऑगस्ट रोजी घेतला.
Friday, October 11, 2019 AT 08:42 PM (IST)
5सिंधुदुर्ग, दि. 10 (वृत्तसंस्था) : नारायण राणे यांचा महाराष्ट्र स्वाभिमान पक्ष येत्या 15 ऑक्टोबर रोजी मुख्यमंत्र्यांच्या उपस्थितीत भाजपमध्ये विलीन करण्यात येणार असल्याची माहिती स्वत: नारायण राणे यांनी आज दिली. काही महिन्यांपासून भाजपमध्ये ’मेगा भरती’ सुरू आहे. इतर पक्षाच्या अनेक नेत्यांनी भाजपमध्ये प्रवेश केला. मात्र, नारायण राणे यांचा भाजप प्रवेश निश्‍चित होत नव्हता. काँग्रेसमधून बाहेर पडल्यानंतर नारायण राणे यांनी महाराष्ट्र स्वाभिमान पक्षाची स्थापना केली. त्यानंतर राणे यांच्या भाजप प्रवेशाबाबत अनेक चर्चा सुरू होत्या. अखेर नारायण राणे यांनीच आपल्या भाजप प्रवेशाची तारीख जाहीर केली आहे. राजन तेली यांच्या प्रचारासाठी सावंतवाडी येथे आले असताना नारायण राणे यांनी ही माहिती दिली.  राणे म्हणाले,  कोकणात भाजप दिवसें-दिवस मजबूत होत आहे.    यापूर्वीच नितेश राणे आणि त्यांच्या काही कार्यकर्त्यांचा भाजपमध्ये प्रवेश झाला आहे. नारायण राणे भाजपचे सहयोगी खासदार असले तरी त्यांचा अद्याप भाजप प्रवेश झालेला नाही. हा  प्रवेश येत्या 15 ऑक्टोबर रोजी होणार आहे.
Friday, October 11, 2019 AT 08:32 PM (IST)
5नवी दिल्ली, दि. 9 (वृत्तसंस्था) :  केंद्र सरकारी कर्मचार्‍यांना मोदी सरकारने दिवाळी भेट दिली आहे. केंद्रीय कर्मचार्‍यांच्या महागाई भत्त्यात 5 टक्क्यांची वाढ करण्याचा निर्णय सरकारने घेतला आहे. सरकारच्या या निर्णयाचा फायदा 50 लाख कर्मचारी व 65 लाख निवृत्ती वेतनधारकांना मिळणार आहे. पंतप्रधान नरेंद्र मोदी यांच्या नेतृत्वाखाली झालेल्या केंद्रीय मंत्रिमंडळाच्या बैठकीत हा निर्णय घेण्यात आला. केंद्रीय माहिती व प्रसारणमंत्री प्रकाश जावडेकर यांनी याबाबतची माहिती दिली. नव्या निर्णयामुळे केंद्रीय कर्मचार्‍यांचा भत्ता 12 टक्क्यांवरून 17 टक्के झाला आहे. वाढीव भत्ता जुलै 2019 पर्यंत कर्मचार्‍यांना मिळणार आहे. सातव्या वेतन आयोगाच्या शिफारसीनुसार ही वाढ करण्यात आली असून या निर्णयामुळे सरकारच्या तिजोरीवर 16 हजार कोटी रुपयांचा अतिरिक्त बोजा पडणार आहे. ‘पीओके’च्या विस्थापितांना मदत पाकव्याप्त काश्मीरमधून आलेल्या विस्थापितांना साडेपाच लाख रुपयांची आर्थिक मदत देण्याचा निर्णयही सरकारने घेतल्याचे जावडेकर यांनी सांगितले.
Thursday, October 10, 2019 AT 08:47 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: