Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 246
5पळशी, दि. 22  : राज्यात सुरू असलेल्या वॉटर कप स्पर्धेत माण तालुक्यातील सर्वाधिक गावांनी सहभाग घेतला आहे. या गावात श्रमदानाचे काम हे अतिशय वेगाने सुरू आहे. श्रमदानाच्या कामामुळे माण तालुक्याचा पाण्याचा दुष्काळ निश्‍चित हटणार आहे. याचे तुम्ही सर्वजण साक्षीदार बनाल. माण तालुक्यात सुरू असलेल्या जलसंधारणाच्या कामामुळे श्रमदानाला गती मिळाली आहे. श्रमदानाची कामे पाहिली असल्याने येथील दुष्काळ नक्कीच हटेल, असा विश्‍वास माजी केंद्रीय कृषिमंत्री शरद पवार यांनी व्यक्त केला. वॉटर कप स्पर्धेत सहभागी झालेल्या माण तालुक्यातील विविध गावातील श्रमदानाच्या पाहणी दौर्‍यादरम्यान खा. शरद पवार यांनी लोधवडे या आदर्श गावाला भेट दिली. लोधवडे गावचे सुपुत्र माजी सनदी अधिकारी प्रभाकर देशमुख यांच्या निवासस्थानी झालेल्या छोटेखानी कार्यक्रमात ते बोलत होते. यावेळी जिल्हा परिषदेचे अध्यक्ष श्रीमंत संजीवराजे नाईक-निंबाळकर, जिल्हा बँकेचे अध्यक्ष आ. शिवेंद्रसिंहराजे भोसले, माजी खा. रणजितसिंह मोहिते-पाटील, माजी आ.
Monday, April 23, 2018 AT 09:20 PM (IST)
5सणबूर, दि. 22 :  वांग-मराठवाडी प्रकल्पामध्ये ज्यांच्या जमिनी गेल्या त्यांना जमिनींच्या बदल्यात जमीन मिळत नसेल तर चांगली रक्कम मिळावी. त्या माध्यमातून ते भविष्यात जमिनी घेऊन व्यवसाय करू शकतील अशी कल्पना मांडली. आपण पुनर्वसन मंत्रिपदाचा कार्यभार स्वीकारला तेव्हा असे लक्षात आले की गेल्या 65-70 वर्षांपासून धरणग्रस्तांचे पुनर्वसनासह अनेक प्रश्‍न आजही प्रलंबित आहेत. त्यामुळे आमच्या शासनाने प्रकल्पग्रस्तांचे पुनर्वसन या विषयाला प्रथम प्राधान्यक्रम देवून अनेक निर्णय घेतले. वांग-मराठवाडी प्रकल्पग्रस्तांना जमिनीच्या बदल्यात बागायती दराने मोबदला हा महाराष्ट्रात पहिलाच ऐतिहासिक निर्णय आहे, असे प्रतिपादन राज्याचे मदत व पुनर्वसनमंत्री ना. चंद्रकांत पाटील यांनी केले. वांग-मराठवाडी प्रकल्पातील बुडीत ज्या धरणग्रस्तांना जमिनी देता आल्या नाहीत त्यांनी मागणी केल्यानुसार त्यांना जमिनीच्या बदल्यात रोख रक्कम देण्याचा निर्णय शासनाने घेतला. त्या रकमेच्या धनादेशाच्या वितरणाचा कार्यक्रम वांग-मराठवाडी धरणस्थळी आयोजित केला होता. त्याप्रसंगी ना. पाटील बोलत होते. यावेळी भाजपाचे प्रवक्ते माधव भंडारी, आ. नरेंद्र पाटील, आ.
Monday, April 23, 2018 AT 09:13 PM (IST)
5सातारा/कराड, दि. 18 : सोने खरेदी हा भारतीयांचा आवडता विषय. विविध सण-समारंभाच्या निमित्ताने सोने खरेदी केली जाते. त्यातील एक सण म्हणजे अक्षय तृतीया. हा अक्षय तृतीयेचा मुहूर्त साधत आज (बुधवारी) नागरिकांनी सोन्याची मोठी खरेदी केली. सराफ बाजार दिवसभर गर्दीने फुलून गेला होता. गुढीपाडव्यापेक्षा आज जास्त खरेदी झाल्याचे सराफांनी सांगितले. अक्षय तृतीयेला खरेदी वा कार्यारंभ केल्यास उत्तरोत्तर प्रगती होते, असे मानले जाते. या दिवशी सोने-चांदी खरेदीचाही मुहूर्त साधला जातो. लग्नसराईच्या पार्श्‍वभूमीवर देखील वधू-वरांसाठी दागिने खरेदी करण्यासाठी या दिवसाची खास निवड केली जाते. त्यामुळे यंदाही सोने खरेदीला उधाण आले होते. सकाळी नऊपासून सराफी दुकानांमध्ये नागरिकांची सोने खरेदीला गर्दी दिसत होती. दुपारपर्यंत सुवर्णपेढ्या गजबजून गेल्या होत्या. एकूण ग्राहकांमध्ये बहुतांश ग्राहकांनी गुंतवणुकीचा विचार ठेवून सोन्याची वेढणी, नाण्यांची खरेदी करताना दिसले तर अन्य ग्राहकांनी दागिन्यांना पसंती दिली.
Thursday, April 19, 2018 AT 09:01 PM (IST)
5देशमुखनगर, दि. 18 : अपशिंगे-वर्णे रस्त्यावर मंगळवारी रात्री नऊच्या सुमारास दुचाकी क्रमांक ए. एच.-12 ए. डब्ल्यू 4202 गाडीला अज्ञात वाहनाने ठोकरल्याने दुचाकी चालक संतोष मारुती साळुंखे, वय- 40, रा. गणेशवाडी, ता. सातारा हे जागीच ठार झाले. बामणवाडी गावच्या यात्रेसाठी ते निघाले असताना अपशिंगे-वर्णे रोडवरती वर्णे गावच्या हद्दीत समोरून येणार्‍या अज्ञात वाहनाने धडक दिल्याने त्या़चा जागीच मृत्यू झाला. याबाबत बोरगाव पोलीस ठाण्यात शिवाजी साळुंखे यांनी निर्याद दिली असून तपास सपोनि. संतोष चौधरी यांच्या मार्गदर्शनाखाली खान करत आहेत.
Thursday, April 19, 2018 AT 08:51 PM (IST)
5नाटोशी, दि. 18 : पाटण तालुक्यात गेले दोन दिवस वादळी वार्‍यासह जोरदार गारांचा पाऊस झाला. मोरणा विभागातही पावसाने कहर केला. विभागातील कुसरुंड येथील मोरणा नदीलगत असणार्‍या मळीचा शिवार येथील वीज पुरवठा करणारे चार विजेचे खांब काल झालेल्या वादळी वार्‍याने उन्मळून जमीनदोस्त झाले. या विद्युत खांबांच्या तारांमध्ये अडकल्याने 40 हजार रुपये किंमतीची म्हैस विजेच्या धक्क्याने मृत्युमुखी पडली तर तिला सोडवण्यास गेलेली वृद्ध महिला गंभीररीत्या जखमी झाली असून त्यांना कराड येथील खाजगी रुग्णालयात दाखल करण्यात आले आहे. याबाबत माहिती अशी, सोमवार व मंगळवारी सलग दोन दिवस मोरणा विभागात दुपारनंतर वादळी वार्‍यासह जोरदार पाऊस झाला. मंगळवारी वादळी पावसामुळे  मोरणा विभागातील पूर्वेकडे असणार्‍या व कुसरुंड येथील मोरणा नदीलगत असणार्‍या मळीच्या शिवारात वीजपुरवठा करणारे चार खांब उन्मळून जमीनदोस्त झाले होते. रात्री उशिरापर्यंत पावसाची रिपरिप सुरू असल्याने या शिवारामध्ये कोणीही फिरकले नाही. बुधवार, दि.
Thursday, April 19, 2018 AT 08:51 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: