Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 142
5उंडाळे, दि. 10 : प्रत्येक निवडणुकीत आपणाला संघर्ष करावा लागला आहे. या निवडणुकीत सत्ता व पैसेवाल्यां विरोधात आपला लढा आहे. लेबल फक्त बदलले आहे, बाटली तीच आहे. अशा प्रवृत्तीचा जनतेने मतपेटीद्वारे पराभव करावा, असे आवाहन माजी मंत्री विलासराव पाटील-उंडाळकर यांनी केले. येळगाव, ता. कराड येथील अपक्ष उमेदवार उदयसिंह पाटील यांच्या प्रचारार्थ आयोजित जाहीर सभेत ते बोलत होते. यावेळी कराड पंचायत समितीच्या सभापती फरीदा इनामदार, माजी सभापती किसनराव जाधव, प्रा. धनाजीराव काटकर, सरपंच मन्सूर इनामदार, स्वा. से. शामराव पाटील पतसंस्थेचे चेअरमन ब. ल. पाटील व रावसाहेब शिंदे यांची प्रमुख उपस्थिती होती. उंडाळकर म्हणाले, कराड दक्षिणची विधानसभा निवडणूक ऐतिहासिक आहे. येथील लढतीकडे संपूर्ण महाराष्ट्राचे लक्ष लागून राहिले आहे.  कार्यकर्त्यांनी विचलित न होता कष्ट व चिकाटीने ही निवडणूक आपणाला जिंकायची आहे. कार्यकर्त्यांनी आपआपल्या गावात लक्ष केंद्रित करावे. कराड, मलकापूरची काळजी करू नका. आपण जनतेच्या ताकतीवर आजपर्यंत भल्याभल्यांना लोळवले आहे. आपल्या समोर वाममार्गाने पैसे मिळवलेले विरोधक आहेत.
Friday, October 11, 2019 AT 08:54 PM (IST)
जयकुमार गोरेंना मंत्री करणार 5खटाव, दि. 10  :  कृष्णा आणि कोयना नद्यांचे पावसाळ्यातील पुराचे वाहून जाणारे पाणी पश्‍चिम महाराष्ट्रातील दुष्काळी भागाला देण्याचे नियोजन करण्यात आले आहे. वर्ल्ड आणि एशियन डेव्हलपमेंट बँकेच्या आंतरराष्ट्रीय तज्ज्ञांच्या समूहाने डायव्हर्शन कॅनॉल आणि टनेलच्या माध्यमातून पाणी देण्यासाठी सर्वेक्षण हाती घेतले आहे असे प्रतिपादन मुख्यमंत्री देवेंद्र फडणवीस यांनी केले. दरम्यान, माण-खटावचे जयकुमार गोरे यांना जिल्ह्यातून सर्वाधिक मतांनी निवडून द्या, सातारा जिल्ह्याला त्यांच्या रुपाने मंत्रिपद देणार असा विश्‍वासही त्यांनी व्यक्त केला. म्हसवड येथे जयकुमार गोरे यांच्या प्रचारार्थ आयोजित महाजनादेश संकल्प सभेला संबोधित करताना ते बोलत होते. कृषी राज्यमंत्री सदाभाऊ खोत, खा. रणजितसिंह नाईक-निंबाळकर, जिल्हाध्यक्ष विक्रम पावसकर, पिंपरी प्राधिकरण अध्यक्ष सदाशिव खाडे, बाळासाहेब मासाळ,विकल्प शहा, म्हसवड, दहिवडी, वडूजचे पदाधिकारी रासप, रिपाइं, शिव-संग्राम, रयतक्रांतीचे पदाधिकारी उपस्थित होते. मुख्यमंत्री म्हणाले, सध्या सुरु असलेल्या निवडणूक रणधुमाळीत आम्हाला मजाच येत नाही.
Friday, October 11, 2019 AT 08:53 PM (IST)
5कराड, दि.10 : विधानसभा निवडणूक 2019 च्या आचारसंहिता कालावधीमध्ये व गांधी सप्ताहाच्या अनुषंगाने अवैध दारु, चोरटी वाहतूक व विक्री यावर प्रतिबंध घालण्यासाठी तसेच मतदारांना प्रलोभनाकरता दारुचा वापर होवू नये यासाठी राज्य उत्पादन शुल्क विभागामार्फत विशेष मोहीम राबविण्यात येत आहे. या मोहिमेअंतर्गत विभागीय उपआयुक्त राज्य उत्पादन शुल्क, कोल्हापूर  वाय. एम. पवार यांच्या मार्गदर्शनानुसार व राज्य उत्पादन शुल्क  सातारा अधीक्षक अनिल चासकर  यांच्या सुचनेनुसार राज्य उत्पादन शुल्क कराड विभागाच्या पथकाने गुरुवारी दि.10 कार्यक्षेत्रात अवैध दारु विक्री, वाहतूक यांचेवर छापे टाकून एका इसमावर मुंबई दारुबंदी कायदा 1949 अंतर्गत कारवाई केली. सदर छाप्यामध्ये एका चारचाकी वाहनासह 86 लिटर देशी दारु जप्त करण्यात आली आहे. तसेच एकूण 8 लाख, 34 हजार 960 किमतीचा मुद्देमाल जप्त करण्यात आला आहे. सदर कारवाई कराड राज्य उत्पादन शुल्क विभागाचे निरीक्षक आर.एस. पाटील, दुय्यम निरीक्षक एस. बी. जंगम,    पी. ए. बोडेकर, आर. एस. माने तसेच सहाय्यक दुय्यम निरीक्षक एस. टी. बावकर, जवान पी. आर. गायकवाड, व्ही. व्ही. बनसोडे, एस. आर.
Friday, October 11, 2019 AT 08:40 PM (IST)
5खटाव, दि. 9 ः आजपर्यंत झालेल्या सर्वच मुख्यमंत्र्यांच्या कार्यपद्धतीचा मी अभ्यास केला आहे. काही कार्यक्षम मुख्यमंत्र्यांचा राज्याचा कारभार दिशादर्शक व राज्याला प्रगतीच्या शिखरावर नेणारा होता. सध्याचे मुख्यमंत्री देवेंद्र फडणवीस यांनी कायदा व शासन लोकांसाठी असते, विकासकामांबाबत निर्णय घेताना कायद्याच्या अडचणी येत नाहीत हे वेळोवेळी दाखवून दिले आहे. राजकारणाच्या पलीकडे व्यक्तिगत संबंध, मैत्री जपणारा व शब्दाला जागणारा माणूस मी त्यांच्यात पाहिला. म्हणूनच आज मी त्यांच्यासोबत आहे, असे प्रतिपादन माजी आमदार जयकुमार गोरे यांनी केले. दहीवडी येथे आजच्या मुख्यमंत्र्यांच्या सभेच्या पार्श्‍वभूमीवर कार्यकर्त्यांशी संवाद साधताना ते बोलत होते. जयकुमार गोरे म्हणाले, मी मुख्यमंत्री देवेंद्र फडणवीस यांच्याकडे माझ्या मतदारसंघाचा दुष्काळ हटविण्यासाठी काही मागण्या केल्या होत्या. मुख्यमंत्र्यांनीही सगळ्या कामांसंदर्भात त्वरित सकारात्मकता दाखवली. माझ्या माण तालुक्याच्या उत्तर भागातील 32 गावांना पाण्यापासून वंचित रहावे लागत आहे.
Thursday, October 10, 2019 AT 09:00 PM (IST)
5परळी, दि. 9 :  ठोसेघरच्या धबधब्यात अडकलेल्या दोन विद्यार्थांना ट्रेकर्सच्या मदतीने मध्यरात्री बाहेर काढण्यात आले.   इंजिनियरिंग क्षेत्राशी निगडित असलेले निसर्ग शेट्टे, श्रेयस सातपुते, निहार श्रोत्री, अक्षय देशमुख हे चार विद्यार्थी सकाळी ठोसेघर फिरण्यासाठी आले होते. हे विद्यार्थी ठोसेघरच्या वरून धबधबा न पहाता त्यांनी ठोसेघर जवळील पायवाटेने दरीच्या दिशेने खाली उतरण्यास सुरवात केली. एका मध्यावर गेल्यावर त्यांना लक्षात आले, की आपण ज्या पद्धतीने खाली उतरत आहे त्या पद्धतीने आपण वरती जाऊ शकत नाही. म्हणून त्यांनी दुपारी पुन्हा वरती येण्याचा निर्णय घेतला आणि ते परतीच्या प्रवासाला निघाले. डोंगरावरील ओले गवत आणि पावसाचा जोर वाढत गेल्यावर या चौघांनाही वरती येता येत नव्हते. अंधार पडल्यावर तर त्यांना डोंगरातील पायवाटाही दिसेनाशा झाल्या.  त्यातील दोन युवक कसे बसे वर आले आणि त्यांनी फोन वरून ट्रेकर्सशी संपर्क साधून मदत मागवली. रात्री 10.30 वाजता राहुल तपासे आणि शिवेंद्रसिंहराजे भोसले ट्रेकर्स टिमने या मुलांची शोधमोहीम सुरू केली. रात्री 1 वाजता निहार श्रोत्री, अक्षय देशमुख ही मुले दरीत आढळून आली.
Thursday, October 10, 2019 AT 08:57 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: