Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 7
सर्वात वेगवान ‘दस हजारी’ मनसबदार 5विशाखापट्टणम, दि. 24 (वृत्तसंस्था) : भारतीय क्रिकेट संघाचा कर्णधार विराट कोहलीने आंतरराष्ट्रीय एकदिवसीय क्रिकेटमध्ये आणखी एका महाविक्रमाला गवसणी घातली आहे. दहा हजार धावांचा टप्पा सर्वात जलद ओलांडण्याचा विक्रम विराटने केला असून विंडीजविरुद्ध आज झालेल्या दुसर्‍या एकदिवसीय सामन्यात विराटने ही मजल गाठली.  विराटने सचिनपेक्षा 54 डाव कमी खेळून ‘दस हजारी’ मनसबदार होण्याचा पराक्रम केला आहे. सचिनने हा टप्पा 259 डावांमध्ये गाठला होता तर विराटने केवळ 205 डावांमध्ये हा विक्रम केला. या कामगिरीमुळे आणखी काही विक्रम विराटपुढे नतमस्तक झाले. एकदिवसीय क्रिकेटमध्ये दहा हजार धावांची मजल गाठण्यासाठी विराटला आजच्या सामन्यात 81 धावा हव्या होत्या. ही मजल त्याने सहज गाठताना कारकिर्दीतील 37 वे एकदिवसीय शतकही झळकवले. 213 एकदिवसीय सामन्यांमधील 205 डावांत 10 हजार धावा पूर्ण करण्याचा विक्रम विराटच्या नावावर लागला. विराटने एकदिवसीय क्रिकेटमध्ये 37 शतके आणि 49 अर्धशतके झळकवली आहेत. विराटने ‘मास्टर ब्लास्टर’ सचिन तेंडुलकरचा 17 वर्षांपूर्वीचा जागतिक विक्रम मोडला.
Thursday, October 25, 2018 AT 08:39 PM (IST)
5मुंबई, दि. 30 (प्रतिनिधी) : आशिया चषकात कर्णधाराला साजेशी कामगिरी करणार्‍या रोहित शर्माला बक्षिसी मिळाली आहे. आयसीसीच्या रविवारी जाहीर झालेल्या वनडे क्रमवारीत त्याने दुसर्‍या स्थानावर झेप घेतली आहे. भारतीय क्रिकेट संघाचा कर्णधार विराट कोहली अव्वल स्थानावर कायम आहे. विराट कोहलीच्या नावावर 911 गुण असून तो पहिल्या तर 844 गुणांसह रोहित शर्मा दुसर्‍या स्थानावर आहे. आयसीसीच्या वनडे क्रमवारीत भारताच्या तीन खेळाडूंचा ‘टॉप टेन’मध्ये समावेश आहे. पहिल्या स्थानावर विराट, दुसर्‍या स्थानावर रोहित तर पाचव्या स्थानावर शिखर धवन आहे. आशिया चषकात शिखर धवनला साजेसा खेळ करता आला नाही. परंतु, त्याला 802 गुण असल्याने तो पाचव्या स्थानावर आहे. आयसीसीच्या एकदिवसीय क्रमवारीत भारताचे तीन, इंग्लंड-न्यूझीलंडचे प्रत्येकी दोन, ऑस्ट्रेलिया-पाकिस्तान-दक्षिण आफ्रिका यांचे प्रत्येकी एक खेळाडू आहेत. वनडे क्रमवारीत इंग्लंडचा संघ अव्वल स्थानावर असून दुसर्‍या स्थानावर भारतीय संघ आहे. कसोटी क्रमवारीत विराट कोहली आणि भारतीय संघ अव्वल स्थानावर कायम आहे. गोलंदाजीत एकदिवसीय क्रमवारीत कुलदीप यादवने मोठी झेप घेतली आहे.
Monday, October 01, 2018 AT 09:12 PM (IST)
2022 ला चीनला भरणार कुंभमेळा 5जकार्ता, दि. 2 (वृत्तसंस्था) : पंधरा दिवस जकार्ता येथे रंगलेल्या क्रीडा कुंभमेळ्याची रविवारी उत्साहात आणि आकाशात शोभेची दारू उडवून सांगता झाली. जितक्या जल्लोषात 18 व्या आशियाई स्पर्धेची सुरूवात झाली होती, त्याच उत्साहात या स्पर्धेचा निरोप समारंभ पार पडला. भारताने आतापर्यंतची सर्वोत्तम कामगिरी करताना आशियाई स्पर्धेत आपली ताकद वाढली असल्याचे दाखवून दिले. भारताने 15 सुवर्ण, 24 रौप्य आणि 30 कांस्य अशी एकूण 69 पदकांची कमाई करताना आठवे स्थान पटकावले.  महिला हॉकी संघाची कर्णधार राणी रामपालने निरोप समारंभात भारतीय पथकाचे नेतृत्व केले. ध्वजधारकाचा मान तिला देण्यात आला होता. पदकांच्या क्रमवारीत चीनने पुन्हा एकदा आपली मक्तेदारी सिद्ध केली. चीनने 289 (132 सुवर्ण, 92 रौप्य व 65 कांस्य) पदक त्यापाठोपाठ जपान 205 (75 सुवर्ण, 56 रौप्य व  74 कांस्य) आणि दक्षिण कोरिया 177 (49 सुवर्ण, 58 रौप्य व 70 कांस्य) पदकांसह अनुक्रमे दुसरे व तिसरे स्थान पटकावले. त्यानंतर इंडोनेशिया (98 पदकं), उझ्बेकिस्तान (70), इराण (62) आणि चायनीज तैपेई (67) यांनी स्थान पटकावले आहे.
Monday, September 03, 2018 AT 09:01 PM (IST)
एशियाडमध्ये डबल धमाका 5जाकार्ता, दि. 29 (वृत्तसंस्था) : इंडोनेशियाच्या राजधानीत सुरू असलेल्या आशियाई क्रीडा स्पर्धांमध्ये 11 व्या दिवशी स्वप्ना बर्मन व अरपिंदरसिंग यांनी ‘ट्रॅक अँड फिल्ड’मध्ये भारताला दोन सुवर्णपदके मिळवून दिली. अरपिंदरसिंगने पुरुषांच्या तिहेरी उडी प्रकारात भारताला 48 वर्षांनी पहिले सुवर्णपदक मिळवून दिले तर महिलांच्या हेप्टॅथलॉन प्रकारात स्वप्ना बर्मनने आशियाई स्पर्धांच्या इतिहासात भारताचे पहिले सुवर्णपदक पटकावले. या स्पर्धेत भारताचे हे 11 वे सुवर्णपदक आहे. पंजाबमधील अमृतसरचा रहिवासी असलेल्या अरपिंदरने आपल्या तिसर्‍या प्रयत्नात 16.77 मीटरवर मारलेल्या उडीच्या बळावर सुवर्ण पटकावले. उझबेकिस्तानच्या रसलान कुरबानोव्ह (16.62 मीटर) रौप्य तर चीनच्या शुओ काओने (16.56 मीटर) कांस्यपदक मिळवले.  भारताने आशियाई स्पर्धांमध्ये तिहेरी उडीत 48 वर्षांनंतर सुवर्णपदक पटकावले आहे. यापूर्वी महिंदरसिंगने 1970 मध्ये आशियाई क्रीडा स्पर्धेत सुवर्णपदक जिंकले होते. अरपिंदरची पहिली उडी अयशस्वी ठरली. त्याने दुसर्‍या उडीत 16.58 मीटरचे अंतर कापले. त्याची तिसरी उडी मात्र 16.77 मीटरची होती. अरपिंदरची चौथी उडी 16.
Thursday, August 30, 2018 AT 08:33 PM (IST)
तिघांचे रूपेरी यश सिंधू सोनेरी यशाच्या जवळ 5जाकार्ता, दि. 27 (वृत्तसंस्था) : इंडोनेशियाची राजधानी जाकार्ता येथे सुरू असलेल्या आशियाई क्रीडा स्पर्धांमध्ये नवव्या दिवशी भारताचा भालाफेकपटू नीरज चोप्राने इतिहास रचला. 20 वर्षीय नीरजने 88.06 मीटर भाला फेकत सुवर्णपदक पटकावले. आशियाई क्रीडा स्पर्धांमध्ये भारताचे हे पहिलेच सुवर्णपदक आहे. दरम्यान, भारतीय क्रीडापटूंनी ‘ट्रॅक अँड फिल्ड’मध्ये यशोमालिका पुढे सुरूच ठेवली. धावपटू धारून अय्यासामी, सुधासिंग आणि लांब उडीत नीना वरकिल यांनी रौप्यपदकांची कमाई केली तर बॅडमिंटनमध्ये महिला एकेरीत पी. व्ही. सिंधूने अंतिम फेरी गाठण्याची ऐतिहासिक कामगिरी केली. मात्र, ‘फुलराणी’ सायना नेहवालला उपांत्य फेरीतील पराभवामुळे कांस्यपदकावर समाधान मानावे लागले. अर्थात भारताला बॅडमिंटनमध्ये तब्बल 36 वर्षांनी एकेरीचे पदक मिळाले आहे. हरयाणातील पानिपत येथे जन्मलेल्या नीरज चोप्राला यंदा आशियाई क्रीडा स्पर्धांच्या उद्घाटन समारंभात भारतीय पथकाचा ध्वजवाहक होण्याचा मान मिळाला होता. त्याने सोनेरी कामगिरी करत राष्ट्रध्वजाची शान आणखी वाढवली आहे. नीरजने तिसर्‍या प्रयत्नात 88.
Tuesday, August 28, 2018 AT 08:24 PM (IST)
 
© Copyrights 2010 Dainik Aikya.com - All rights reserved.
of
Powered By: