Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 64
सुरुची राडा प्रकरण : उच्च न्यायालयाकडून तात्पुरता जामीन मंजूर 5सातारा, दि. 22 : सुरुची राडा प्रकरणात आमदार गटाच्या सात समर्थकांना मुंबई उच्च न्यायायलाने तात्पुरता दिलासा बुधवारी दिला आहे. तब्बल दीड महिन्यांनंतर सात जणांना तात्पुरता अटकपूर्व जामीन अर्ज मंजूर झाला असून पुढील सुनावणी दि. 29 रोजी होणार आहे. तात्पुरता अटकपूर्व जामीन मिळालेल्यांमध्ये आमदार गटाच्या राजू भोसले, फिरोज पठाण, अ‍ॅड. विक्रम पवार, जयेंद्र चव्हाण, अन्सार आत्तार, मुख्तार पालकर व मयूर बल्लाळ यांचा  समावेश आहे. याबाबत अधिक माहिती अशी, कोजागिरी पौर्णिमेच्या रात्री आमदारांचे निवासस्थान असलेल्या सुरुची बंगल्यासमोर आमदार व खासदार गटामध्ये टोल नाक्याच्या कारणावरून राडा झाला होता. यामध्ये फायरिंग, गाड्यांची तोडफोड झाली. या  राड्या प्रकरणी शाहूपुरी पोलीस ठाण्यात एकूण तीन गुन्हे दाखल झाले आहेत. तीन गुन्ह्यामध्ये राजे गटाची परस्परविरोधी व पोलिसांकडून दोन्ही गटाविरुद्ध जीवघेणा हल्लाप्रकरणी सुमारे 300 जणांविरुध्द तक्रारी दाखल आहेत. या प्रकरणी आजअखेर दोन्ही राजे गटातील 27 समर्थकांना अटक केली आहे. हे सर्वजण न्यायालयीन कोठडीत आहेत.
Thursday, November 23, 2017 AT 08:35 PM (IST)
अकार्यक्षम अधिकार्‍याच्या कामावर ग्राहक नाराज 5सातारा, दि. 21 :  महाराष्ट्र राज्य वीज वितरण कंपनीच्या भोंगळ कारभाराचा फटका मोठ्या प्रमाणावर ग्राहकांना बसत आहे. अतिशय अकार्यक्षम अधिकारी येथे असल्याने जनतेची गैरसोय होत आहे. या अधिकार्‍याच्या कामावर ग्राहक नाराज आहेत. कारभार सुधारला नाही तर अधिकार्‍याच्या विरोधात तीव्र आंदोलन करण्याची तयारी ग्राहकांनी केली आहे. याबाबत अधिक माहिती अशी, करंजे उपविभागात तामजाईनगर, शाहूपुरी, कोंडवे, दिव्यनगरी, गेंडामाळ परिसराचा पूर्ण भाग येतो. त्याशिवाय प्रतापगंज पेठ, बुधवार पेठेतील काही भाग येतो.  या भागात सात हजारांहून अधिक ग्राहक आहेत. त्यापैकी सुमारे अडीच हजार ग्राहक व्यावसायिक आहेत. या सर्व ग्राहकांच्या व्यवसायासाठी विजेची गरज सातत्याने लागत असते. मात्र येथील अधिकारी त्यांची गरज भागवण्याकडे दुर्लक्ष करतात. करंजे उपविभागातील कामाचा मेंटेन्स वेळेवर केला जात नाही. वीज प्रवाहाला अडथळा ठरणारी झाडे तोडली जात नाहीत. त्यामुळे वारंवार वीजपुरवठा खंडित होतो. मंगळवारी मेंटेनन्सच्या नावाखाली वीजपुरवठा खंडित ठेवला जातो. मात्र मेंटेनन्स केला जात नाही.
Wednesday, November 22, 2017 AT 08:46 PM (IST)
घराची कडी काढून चोरट्याचा दागिन्यांवर डल्ला 5सातारा, दि. 20 : शाहूपुरीतील सिद्धीविनायक हौसिंग सोसायटीतील घराच्या सुरक्षा दरवाजाची कडी काढून चोरट्याने रविवारी भरदुपारी 20 तोळ्यांचे सोन्याचे दागिने आणि 30 हजार रुपयांची रोकड, असा सुमारे साडेचार लाख रुपयांचा ऐवज लंपास केला. या प्रकरणी शाहूपुरी पोलीस ठाण्यात गुन्हा नोंदवण्यात आला आहे. याबाबत माहिती अशी, कामिनी राजीव पाटील (वय 45, रा. सिद्धीविनायक हौसिंग सोसायटी, शाहूपुरी) या रविवारी दुपारच्या सुमारास बाहेर गेल्या असता, चोरट्याने घराच्या मागील बाजूच्या लोखंडी सुरक्षा दरवाजाची कडी काढून घरात प्रवेश केला. चोरट्याने पाटील यांच्या घरातून 20 तोळ्यांचे सोन्या-चांदीचे दागिने आणि 30 हजार रुपयांची रोकड, असा एकूण साडेचार लाख रुपयांच्या ऐवजावर डल्ला मारला. या चोरीत पाटील यांचे 12, 8 आणि एक तोळे वजनाचे तीन गंठण, सव्वा तोळे वजनाच्या अंगठ्या, एक तोळ्याची दोन वेढणी, कानातील रिंग, फुलांची जोडी, झुबे, चांदीची 15 नाणी, तीन राशींची रत्ने व कॅमेरा असा ऐवज गेला आहे. पोलिसांनी घटनास्थळी श्‍वानपथकाला पाचारण  केले होते. श्‍वानाने चोरट्याचा माग काढण्याचा प्रयत्न केला.
Tuesday, November 21, 2017 AT 08:32 PM (IST)
सातारा बसस्थानकात चोरट्यांचा हिसका 5सातारा, दि. 19 : सातारा मध्यवर्ती बसस्थानकामध्ये कोल्हापूर-पाथर्डी एस. टी. बसमधून मंगळवारी (दि. 14) एक लाख 55 हजार रुपये किमतीचे 12 तोळे वजनाचे दागिने चोरट्यांनी लांबवल्याची घटना घडली. तक्रारदार महिला बबूबाई भागचंद आव्हाड या जिल्हाधिकारी कार्यालयातील तहसीलदार जयश्री आव्हाड यांच्या मातोश्री असल्याचे समोर आले आहे. याबाबत पोलिसांनी दिलेली माहिती अशी, बबूबाई भागचंद आव्हाड (वय 55, रा. पाथर्डी, जि. अहमदनगर) या त्यांची  मुलगी आणि जिल्हाधिकारी कार्यालात कार्यरत असलेल्या तहसीलदार जयश्री आव्हाड यांच्याकडे दि. 12 रोजी आल्या होत्या. दोन दिवस राहून त्या मंगळवारी (दि. 14) पाथर्डीला जाण्यासाठी निघाल्या. त्या दुपारी सातारा मध्यवर्ती बसस्थानकात कोल्हापूर-पाथर्डी एस. टी. बसमध्ये बसल्या. त्यानंतर बॅग सीटवर ठेवून त्या पाण्याची बाटली आणण्यासाठी खाली उतरल्या. त्यावेळी चोरट्यांनी त्यांच्या बॅगेतील एक लाख 55 हजारांचे दागिने चोरले.
Monday, November 20, 2017 AT 09:06 PM (IST)
5सातारा, दि. 17 : गेल्या महिन्यात कोजागिरी पौर्णिमेच्या मध्यरात्री सुरुची बंगल्यावर झालेल्या राडा प्रकरणात पुणे येथील कुख्यात गुंड टिपू याला सातारा तालुका पोलिसांनी दुसर्‍या गुन्ह्यात अटक केल्यानंतर त्याच्या तीन साथीदारांनाही दुसर्‍या गुन्ह्यात अटक करण्यात आली. सुमित सोपान पवार (रा. हडपसर, पुणे), शंकर औदुंबर पखाले (रा. लोणी काळभोर, जि. पुणे व मोहसीन जब्बार सय्यद (रा. हडपसर) अशी अटक करण्यात आलेल्यांची नावे आहेत. त्यांना येथील न्यायालयात शुक्रवारी हजर करण्यात आले असता त्यांना दि. 20 पर्यंत पोलीस कोठडीत ठेवण्याचे आदेश न्यायालयाने दिले. पोलीस निरीक्षक जाधव तपास करत आहेत.
Saturday, November 18, 2017 AT 08:49 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: