Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 62
5सातारा, दि. 18 : फलटणचे उपविभागीय पोलीस अधिकारी डॉ. अभिजित पाटील यांना लाच मागितल्या प्रकरणी येथील जिल्हा न्यायालयातील न्यायाधीशांपुढे उभे केले असता त्यांना 30 एप्रिल पर्यंत न्यायालयीन कोठडी ठोठावली. याबाबत अधिक माहिती अशी की, खंडाळा येथील एका फसवणुकीच्या प्रकरणात भादंवि कलम 420 अन्वये गुन्हा दाखल झाला होता. या गुन्ह्यात फिर्यादी आणि संशयित आरोपी यांच्यामध्ये तडजोड करण्याचे ठरले. या तडजोडीसाठी फलटणचे उपविभागीय पोलीस अधिकारी अभिजित पाटील यांनी अडीच लाख रुपयांची मागणी केली होती. याबाबतची तक्रार दाखल झाल्यानंतर लाचलुचपत प्रतिबंधक विभागाने सापळा रचला मात्र संशय आल्याने अभिजित पाटील यांनी लाचेची रक्कम स्वीकारली नाही. परंतु त्यांनी लाचेची मागणी केल्याचे निष्पन्न झाल्याने लाचलुचपत प्रतिबंधक विभागाच्या पुणे आणि सातारा येथील पथकांनी संयुक्त कारवाई करत त्यांना काल ताब्यात घेतले होते. अभिजित पाटील यांना आज येथील जिल्हा न्यायालयापुढे उभे केले असता न्यायालयाने त्यांची 30 एप्रिल पर्यंत न्यायालयीन कोठडीत रवानगी केली.
Friday, April 19, 2019 AT 08:37 PM (IST)
खंडाळा येथील लाचेचे प्रकरण 5सातारा, दि. 17 : फलटणचे उपविभागीय पोलीस अधिकारी डॉ. अभिजित पाटील यांना लाचलुचपत प्रतिबंधक विभागाने बुधवारी ताब्यात घेतले. खंडाळा येथील फसवणुकीच्या प्रकरणात अडीच लाख रुपयांच्या लाचेची मागणी करून पावणेदोन लाख रुपयांवर तडजोड केल्याबद्दल ही कारवाई करण्यात आल्याचे समजते. कोरेगाव येथे आज मुख्यमंत्री देवेंद्र फडणवीस यांची प्रचार सभा होती. या सभेसाठी डॉ. अभिजित पाटील हे बंदोबस्तासाठी तैनात होते. ही सभा संपल्यानंतर लगेचच लाचलुचपत प्रतिबंधक विभागाच्या पुणे आणि सातारा येथील पथकांनी संयुक्त कारवाई करत    डॉ. पाटील यांना ताब्यात घेतल्याने जिल्हा पोलीस दलात खळबळ उडाली आहे. खंडाळा येथील एका फसवणुकीच्या प्रकरणात भादंवि कलम 420 अन्वये गुन्हा दाखल आहे. या गुन्ह्यात फिर्यादी आणि संशयित आरोपी यांनी तडजोड करण्याचे ठरवले होते. या तडजोडीसाठी डॉ. अभिजित पाटील यांनी अडीच लाख रुपयांची मागणी केली होती. त्यानंतर तडजोडीअंती पावणेदोन लाख रुपयांची मागणी त्यांनी केली होती. याबाबतची तक्रार दाखल झाल्यानंतर लाचलुचपत प्रतिबंधक विभागाने सापळा रचला. मात्र, संशय आल्याने डॉ.
Thursday, April 18, 2019 AT 08:47 PM (IST)
राज ठाकरे, देवेंद्र फडणवीस, शरद पवार, धनंजय मुंडे यांच्या प्रचार सभा 5सातारा, दि. 16 : सातारा लोकसभा निवडणुकीची रणधुमाळी आता अंतिम टप्प्यात आली असून शेवटच्या टप्प्यामध्ये जिल्ह्यात स्टार प्रचारकांची मांदियाळी पाहायला मिळणार आहे. उद्या दि.17 रोजी महाराष्ट्र नवनिर्माण सेनेचे अध्यक्ष राज ठाकरे यांची सातार्‍यात सभा होणार असून ते खा. श्री. छ. उदयनराजे भोसले यांना पाठिंबा देणार की गेल्या पाच वर्षातील केंद्र शासनाच्या धोरणांचा बुरखा फाडणार  याकडे सर्वांचे लक्ष लागून राहिले आहे. राज ठाकरे यांच्या सभे पाठोपाठ मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे, राष्ट्रवादीचे अध्यक्ष शरद पवार, विरोधी पक्षनेते धनंजय मुंडे हे सुद्धा जिल्ह्यातील प्रचार सभांमध्ये सहभागी होणार असल्याने सातारा लोकसभा मतदारसंघातील निवडणुकीकडे राज्याचे लक्ष लागून राहिले आहे. सातारा लोकसभा मतदार-संघामध्ये काँग्रेस-राष्ट्रवादी आणि मित्रपक्ष आघाडीकडून खा. श्री. छ. उदयनराजे भोसले आणि शिवसेना-भाजप-आरपीआय युतीकडून नरेंद्र पाटील यांच्यामध्ये थेट लढत होत आहे.
Wednesday, April 17, 2019 AT 08:53 PM (IST)
5सातारा, दि. 14 : चंद्रकांतदादा आम्ही मनाने राजे आहोत. मी मनाने किती मोठा आहे, ते तुम्हाला ठाऊक आहे. पदवीधर निवडणुकीत आम्ही किती मदत केली होती. ते तुम्ही आठवा म्हणजे कोणामुळे निवडून आला ते कळेल. आता मला यावर अधिक काही बोलायचे नाही. असा सूचक इशारा खा. उदयनराजे भोसले यांनी दिला. दरम्यान, मिशा पिळत माथाडींकडून मिळवायचे नंतर गिळायचे असा टोला उदयनराजेंनी नरेंद्र पाटील यांना लगावला. गाठायचंच ठरवलं तर कुठंही गाठू शकतो, असा इशाराही त्यांनी दिला. खा. श्री. छ. उदयनराजे भोसले यांनी विकास कामाचा निर्धारनामा प्रसिद्ध केला त्याची माहिती देण्यासाठी पत्रकार परिषदेचे आयोजन केले होते. यावेळी नगराध्यक्षा सौ. माधवी कदम, नगरसेवक डी. जी. बनकर, जिल्हा परिषदेचे माजी शिक्षण सभापती सुनील काटकर, शिरीष चिटणीस, अशोक सावंत याची उपस्थिती होती.              खा. उदयनराजे भोसले म्हणाले, पुढील पाच वर्षातील कामाचे नियोजन आम्ही केले आहे. नियोजित वेळेत प्रकल्प पूर्ण करण्यासाठी प्रयत्न केले जाणार आहेत. अनेक मोठी विकास कामे मार्गी लावली. यापुढे कमी पडणार नाही.
Monday, April 15, 2019 AT 09:07 PM (IST)
5सातारा, दि. 11 : कोडोली, ता. सातारा येथील हॉटेल व्यावसायिकाचा मुलगा सम्राट विजय निकम (वय 27) याच्या खून प्रकरणातील फरार संशयित धीरज शेळके याला आज अटक करण्यात आली. जकातवाडी येथील एका हाफ मर्डर केसमध्येही त्याचा सहभाग होता. दरम्यान 307 मधील बंटी जाधव यालाही आज जेरबंद करण्यात आले. सातारा तालुका पोलीस ठाण्यातील पोलिसांनी ही कारवाई केली. याबाबत अधिक माहिती अशी की, हॉटेल सम्राट ढाब्याच्या मालकाचा मुलगा सम्राट निकम (वय 27) हा दि.15 जानेवारी 2019 रोजी दुपारी 4 वाजण्याच्या सुमारास कोडोली येथील पेट्रोल पंपावरून दुचाकीवरून कोडोलीकडे निघाला असता सातारा- रहिमतपूर मार्गावर दत्त चौका नजीक एका टोळक्याने त्याची दुचाकी अडवून त्याच्यावर हॉकी स्टिकने जोरदार हल्ला केला होता. सम्राट याने प्रतिकार करण्याचा प्रयत्न केला मात्र हल्लेखोर एकामागोमाग वार करत होते. या हल्ल्यात सम्राट याचा मोठ्या प्रमाणात रक्तस्राव झाला व तो जागीच कोसळला. हल्ल्यानंतर हल्लेखोर हॉकी स्टिक तेथेच टाकून पळून गेले. सातारा पोलिसांना या घटनेची माहिती मिळाल्यानंतर त्यांनी घटनास्थळी धाव घेऊन सम्राट याला जिल्हा रुग्णालयात दाखल केले.
Friday, April 12, 2019 AT 08:35 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: