Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 50
5सातारा, दि. 20 : पक्ष कोणताही असो नेहमीच आपल्या अनोख्या अंदाजाने देशभर चर्चेत असलेल्या उदयनराजे भोसले यांनी भाजपमध्ये प्रवेश करुन बालेकिल्ल्यात राष्ट्रवादीला पोरके केल्याची भावना कार्यकर्त्यांमध्ये बळावत असतानाच आता छत्रपतींना लढत देण्यासाठी राष्ट्रवादी पक्षाचे सर्वेसर्वा  आणि जाणता राजा अशी ओळख असलेले शरद पवार हे स्वत: मैदानात उतरणार असल्याच्या चर्चेला सध्या जिल्ह्यात उधाण आले आहे. अपवाद वगळता पराभवाचे तोंडही न पाहिलेले उदयनराजे आणि कधीच पराभूत न झालेले शरद पवार अशी लढत झालीच तर ती संपूर्ण भारतातील मोठी लढत ठरणार यात शंका नाही. उदयनराजेंना सातार्‍यात पराभूत करेल असा एकही उमेदवार सध्या तरी राष्ट्रवादी आणि काँग्रेस पक्षाकडे नाही अशी चर्चा सुरु असताना याआधी त्यांच्या विरोधात उभ्या केेलेल्या पर्यायाची ताकद किती आहे  याचा विचार करावा लागेल. रामराजे नाईक-निंबाळकर हा पर्याय बरा होता मात्र, त्यांनीही राष्ट्रवादीला रामराम ठोकत सेनेत सामील होण्याचे संकेत दिल्याने हा पर्याय सध्यातरी बारगळला आहे. दुसरा पर्याय आहे पृथ्वीराज चव्हाण यांचा मात्र, त्यांनी या प्रस्तावाला स्पष्ट नकार दिला आहे.
Saturday, September 21, 2019 AT 08:52 PM (IST)
5सातारा, दि. 16 : येथील गजानन मंगल कार्यालयात मालक व कामगारात झालेल्या पगार व कामाच्या वादातून दोन्ही बाजूने परस्परविरोधी तक्रारी दाखल झाल्यानंतर शाहूपुरी पोलीस ठाण्याचे हवालदार माने यांनी चार जणांवर प्रतिबंधक कारवाई केल्याची माहिती पोलिसांनी दिली. याबाबत अधिक माहिती अशी, दि. 15 रोजी सायं. 7.30 वाजण्याच्या सुमारास गजानन मंगल कार्यालयात रुक्साना राजू शेख (वय 40), रा. कब्रस्थानसमोर, गेंडामाळ, सातारा या त्यांचा दोन महिन्यापासून राहिलेला पगार मागण्यासाठी गेल्या असता तिथे कार्यालयाचे मालक कौशिक कुलकर्णी (वय 35) व अभिषेक कुलकर्णी (वय 30), दोघे रा. गजानन मंगल कार्यालयाशेजारी, सातारा यांनी शेख यांना शिवीगाळ व दमदाटी केल्याची तक्रार दिली. तर पल्लवी संजीव कुलकर्णी (वय 50), रा.
Tuesday, September 17, 2019 AT 08:25 PM (IST)
5सातारा, दि. 13 : पुणे-बंगलोर महामार्गावर सातारा तालुका पोलीस ठाण्याच्या हद्दीत पहाटे 5 वाजता डीमार्ट मॉलजवळ मुंबईकडून बेळगावकडे जाणार्‍या ट्रॅव्हल्सने दुभाजकाला धडकून या अपघातग्रस्त झालेल्या ट्रकला पाठीमागून जोरदार धडक दिली. या भीषण अपघातात सहा जणांचा मृत्यू तर 20 जण जखमी झाले. मृतांमध्ये बेळगावमधील तिघांचा समावेश आहे. अब्बास अली (वय 42), रा. अनगोळ, विश्‍वनाथ गड्डी (वय 55), रा. हुक्केरी, रवींद्र अशी त्यांची नावे आहेत. अनंत चतुर्दशी दिवशी घडलेल्या अपघाताने सातार्‍यात हळहळ व्यक्त झाली. याबाबत अपघात स्थळावरून मिळालेली माहिती अशी, की पहाटे पाच वाजण्याच्या सुमारास एस आर एस कंपनीची ्रॅव्हल्स (केए 01- एएफ- 9506) मुंबईहून बेळगावकडे निघाली होती. ही ट्रॅव्हल्स सातारा नजीक असणार्‍या डीमार्ट जवळ आली असता टायर फुटून दुभाजकाला धडकलेल्या ट्रकला जाऊन धडकली. हा अपघात एवढा भीषण होता, की ट्रॅव्हल्सच्या पुढच्या बाजूचा चक्काचूर झाला. या अपघातात विश्‍वनाथ विरुप्पाकशी गड्डी (वय 55), रा. हुक्केरी, अब्बास अली (वय 42), रा. अनगोळ, अशोक रामचंद्र जुनघरे (वय 50), रा. दिवदेववाडी, ता. जावली, डॉ.
Saturday, September 14, 2019 AT 08:55 PM (IST)
5सातारा, दि. 10 : गुरुवार दि. 12 रोजी अनंत चतुर्दशीच्या पार्श्‍वभूमीवर घरगुती व सार्वजनिक गणेश मंडळांच्या मूर्तींच्या विसर्जनासाठी सातारा जिल्हा प्रशासन सज्ज झाले असून शहरात त्यावर लक्ष ठेवण्यासाठी सीसीटीव्ही कॅमेरे कार्यान्वित करण्यात आले आहेत. विसर्जनाच्या पार्श्‍वभूमीवर दि. 11 व 12 सप्टेंबर रोजी सातारा शहरातील वाहतुकीत तात्पुरता बदल करण्यात आला आहे, अशी माहिती  वाहतूक नियंत्रण शाखेचे सहाय्यक पोलीस निरीक्षक व्ही. एन. शेलार यांनी दिली.सातारा नगरपालिकेत सातारा शहर व परिसरातील 120 मंडळांनी नगरपालिकेकडे नोंदणी केली होती. घरगुती गणपतींसह सार्वजनिक गणेश मंडळांच्या मूर्तींचे दि. 2 सप्टेंबर रोजी मोठ्या उत्साहात आगमन झाले होते. सातारा, सांगली व कोल्हापूर जिल्ह्यात गेल्या महिन्यात पावसामुळे निर्माण झालेल्या परिस्थितीमुळे अनेक गणेश मंडळांनी देखावे न करता अत्यंत साधेपणाने गणेशाच्या मूर्तीची प्रतिष्ठापना केली होती. दीड दिवसाचा, पाच दिवसांच्या घरगुती गणेशमूर्तींचे विसर्जन झाल्यानंतर आता अनंत चतुर्दशीकडे सर्वांचे लक्ष लागले आहे.
Wednesday, September 11, 2019 AT 08:45 PM (IST)
5सातारा, दि. 9 : येथील मतकर कॉलनीत झालेल्या घरफोडीतील अट्टल गुन्हेगारास शाहूपुरी पोलिसांनी सापळा रचून अटक केली होती. त्याच्याकडून सुमारे 50 हजार रुपयांचे दागिने व टीव्ही जप्त करण्यात शाहूपुरी पोलिसांना यश आले आहे. या संशयिताकडून आणखी काही घरफोड्या उघडकीस येतील, असा विश्‍वास पो.नि. मुगुटराव पाटील यांनी व्यक्त केला. दशरथ रामदास कोळी, (वय 25) रा. भवानी पेठ, घोंगदे वस्ती, सोलापूर असे अटक केलेल्या संशयित आरोपीचे नाव आहे.    याबाबत पोलिसांनी दिलेली माहिती अशी, जून महिन्यात मतकर कॉलनीत झालेल्या घरफोडीत टीव्ही, सोन्याचे दागिने व इतर ऐवज चोरीस गेला होता. यामध्ये तिघांचा सहभाग असल्याचे निष्पन्न झाले होते. या गुन्ह्यातील दशरथ कोळी हा पोलिसांना मिळून येत नव्हता. सहाय्यक पोलीस अधीक्षक समीर शेख, शाहूपुरी पोलीस ठाण्याचे पोलीस निरीक्षक मुगुटराव पाटील यांच्या मार्गदर्शनाखाली हवालदार तडवी, फडतरे, कुंभार, माने,  पवार, अजित माने, काशीद यांनी कोळी यास ताब्यात घेतले. त्याच्याकडून टीव्ही, सुमारे 50 हजार रुपयांचे सोन्याचे दागिने जप्त करण्यात आले आहेत. कोळी याच्याकडून आणखी काही गुन्हे उघडकीस येण्याची शक्यता पो.नि.
Tuesday, September 10, 2019 AT 08:49 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: