Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 47
5सातारा, दि. 18 : घेतलेले पैसे परत देत नसल्याच्या कारणातून चिडून जावून 14 वर्षीय मुलाचा खून आणि अ‍ॅट्रॉसिटी अशा दोन प्रकरणात पांडुरंग राजेंद्र पवार (वय 22, रा. शिंदेवाडी, ता. फलटण) या युवकाला चौथे अतिरिक्त जिल्हा व सत्रन्यायाधीश एन. के. चव्हाण यांनी दुहेरी जन्मठेपेची शिक्षा ठोठावली असून आरोपीला एकूण 1 लाख 25 हजार रुपयांचा दंड केला आहे. दंडातील  90 हजार रुपये नुकसान भरपाई म्हणून तक्रारदाराला देण्याचे आदेशही न्यायालयाने दिले आहेत. अवघ्या दीड वर्षात या खटल्याची सुनावणी पूर्ण झाली आहे. खून झालेल्या मुलाचे अनुराग सचिन अहिवळे (वय 14, रा. शिंदेवाडी) असे  नाव आहे. या प्रकरणी त्याची आजी सावित्रा रामचंद्र बनसोडे (वय 50, रा. शिंदेवाडी) यांनी फलटण शहर पोलीस ठाण्यात तक्रार दिली आहे. याबाबतची अधिक माहिती अशी,  दि. 10 नोव्हेंबर 2015 रोजी सायंकाळी साडेपाचच्या सुमारास अनुराग अहिवळे या मुलाचा श्रीराम सहकारी साखर कारखाना परिसरातील पाठीमागे मोकळ्या जागेत मृतदेह आढळला होता. डोक्याला गंभीर दुखापत झाल्याने पोलिसांनी घटनास्थळाचा पंचनामा केला. मृताच्या आजीने याप्रकरणी अज्ञाताविरुध्द पोलीस ठाण्यात तक्रार दिली.
Saturday, August 19, 2017 AT 09:07 PM (IST)
5सातारा, दि. 17 : स्वाईन फ्ल्यूची तीव्रता वाढत चालली असून जिल्ह्यातील स्वाईन फ्ल्यू संशयित 10 रुग्णांवर क्रांतिसिंह नाना पाटील जिल्हा रुग्णालयात उपचार सुरू आहेत.  उपचार घेत असलेल्या सर्व रुग्णांच्या घशाचे व नाकाच्या स्त्रावाचे नमुने घेवून पुणे येथे तपासणीसाठी पाठवण्यात आले आहेत. सध्या स्वाईन फ्ल्यूची तीव्रता वाढत असली तरी नागरिकांनी घाबरून न जाता सर्दी, ताप, खोकल्याची लक्षणे लक्षात आल्यानंतर जिल्हा रुग्णालयात उपचार घ्यावेत, असे आवाहन करण्यात आले आहे.
Friday, August 18, 2017 AT 08:38 PM (IST)
5सातारा, दि. 11 : साताराशहर हद्दीत गंभीर स्वरुपाचे शरीराविरुध्द व मालमत्तेचे गुन्हे दाखल असलेल्या टोळीचा प्रमुख शुभम विनोद कांबळे (वय 24, रा. 263, बुधवार नाका, सातारा) आणि टोळी सदस्य अतुल राजू भोसले (वय 22, रा. 27, बुधवार नाका, सातारा) या दोघांना पाच तालुक्यातून दोन वर्षासाठी तडीपार करण्यात आले आहे. या दोघांवर जबरी चोरी, गर्दी मारामारी, आदेशाचा भंग, खुनाचा प्रयत्न असे गुन्हे दाखल आहेत. त्यांना वेळोवेळी सुधारणेची संधी देवूनही त्यांच्या वर्तनात सुधारणा झाली नव्हती. त्यांचा सर्वसामान्य जनतेस उपद्रव होत होता. जनतेमधून त्यांच्यावर कडक कारवाई करण्याकरिता मागणी होत होती. त्यामुळे त्यांच्याकडून सातारा शहर व परिसर हद्दीत हिंसक घटना घडून भीती व दहशतीचे वातावरण निर्माण होवू नये म्हणून या टोळीतील दोन इसमांना हद्दपार      करणेबाबत शाहूपुरी पोलीस ठाण्याकडून पोलीस अधीक्षक संदीप पाटील यांच्याकडे प्रस्ताव सादर करण्यात आला होता. या प्रस्तावाची सुनावणी होवून त्यांना महाराष्ट्र पोलीस अधिनियम 1951 चे कलम 55 अन्वये सातारा, कोरेगाव, जावली, वाई व कराड तालुका हद्दीतून दोन वर्षासाठी तडीपार करण्यात आले आहे.
Saturday, August 12, 2017 AT 09:04 PM (IST)
5सातारा, दि. 10 (विनोद कुलकर्णी) : राष्ट्रवादीची कोंडी करण्यासाठी विरोधकांनी आखलेल्या चक्रव्यूहातून राष्ट्रवादी सहिसलामत बाहेर पडली. पण त्याच चक्रव्यूहात अडकून विरोधकांचा अभिमन्यू झाला. खा. श्री. छ. उदयनराजे भोसले, आ. शंभूराज देसाई, अ‍ॅड. उदयसिंह पाटील यांच्या वाट्याला मोठे अपयश आले असून जिल्ह्याचे नियोजन राष्ट्रवादीच्या ताब्यात गेले आहे. राष्ट्रवादीच्या खेळीचा अंदाज न आल्याने काँग्रेस, भाजप वगळता सर्वच विरोधक तोंडावर आपटले आहेत.  जिल्हा नियोजन समितीच्या 40 पैकी 30 जागा जिंकून सातारा जिल्हा हा राष्ट्रवादीचाच बालेकिल्ला आहे, हे पुन्हा एकदा सिध्द झाले. राष्ट्रवादीच्या विरोधात पहिल्यांदा जिल्हास्तरावर आ. शंभूराज देसाई यांनी आघाडी उभी करण्याची घोषणा केली. त्यासाठी त्यांनी खा. उदयनराजे यांच्याशी हातमिळवणी केली. ही हातमिळवणी करताना राजकारण बेरजेचे होतेय का वजाबाकीचे होतेय हेही त्यांनी तपासून बघितले नाही. खरे तर राजकारणाचा तीन पिढ्यांचा वारसा त्यांच्याकडे आहे. त्यामुळे राजकारणातील डाव-प्रतिडाव त्यांना चांगलेच माहिती आहेत. राजकारणात कोण कोठे आणि कधी फसवेल हे सांगता येत नाही.
Friday, August 11, 2017 AT 09:07 PM (IST)
साविआमध्ये उभी फूट : अतिक्रमण काढत नाही तोपर्यंत माघार नाही : लेवे 5सातारा, दि. 9 : श्रीमंत अभयसिंहराजे संकुलाच्या पार्किंगमधील अतिक्रमण काढ-ण्याच्या मुद्यावर सातारा विकास आघाडीमध्ये उभी फूट पडली आहे. साविआचे नगरसेवक व आरोग्य समितीचे सभापती वसंत लेवे यांनी अतिक्रमण काढले जात नसल्याच्या निषेधार्थ बुधवारी  पालिकेच्या दारात धरणे आंदोलन करत सत्ताधार्‍यांनाघरचा आहेर दिला. साविआच्या गटनेत्या स्मिता घोडके यांच्या मध्यस्थीचा प्रस्तावही त्यांनी फेटाळून लावला. अतिक्रमण काढण्याची ठोस कारवाई जोपर्यंत होत नाही तोपर्यंत धरणे आंदोलन सुुरूच ठेवणयचा इशारा लेवे यांनी दिला. त्यामुळे सातारा पालिकेत आणि सत्ताधार्‍यांमध्ये खळबळ उडाली आहे. याबाबत अधिक माहिती अशी, श्री. छ. प्रतापसिंह महाराज(थोरले) नगर वाचनालयासमोर असलेल्या श्रीमंत अभयसिंहराजे भोसले व्यापारी संकुलामधील पार्किंगच्या जागेत व्यावसायिकांचे अतिक्रमण होऊ देऊ नये, अशी मागणी शनिवारी वसंत लेवे यांनी केली होती. त्या प्रकरणी ठोस कारवाई न झाल्यास उपोषणाचा इशाराही त्यांनी दिला होता. त्यामुळे शनिवारी  अतिक्रमण हटवण्याची कार्यवाही सुरू झाली होती.
Thursday, August 10, 2017 AT 08:37 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: