Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 15
5सातारा, दि. 16 : सातार्‍यात गाजलेल्या सम्राट चौकानजीक परिसरातील सम्राट निकम या युवकाच्या खून प्रकरणी अखेर दोषारोपपत्र दाखल झाले. मोक्का न्यायालय पुणे येथे तिघांविरुध्द तर चिथावणी दिल्या प्रकरणी एका विरुध्द सातारा न्यायालयात दोषारोपपत्र दाखल झाले. यातील एक जण अल्पवयीन मुलगा असून एकूण 5 जणांविरुध्द पुरावा न सापडल्याने त्यांना गुन्ह्यातून वगळण्यात आले आहे. याबाबत अधिक माहिती अशी, सम्राट निकम (वय 28, रा. कोडोली) या युवकाचा दि. 15 जानेवारी 2019 रोजी सम्राट चौकनजीक काळोशी फाट्यावर बेसबॉलची दांडकी, धारदार शस्त्रांनी खून केला होता. भरदिवसा मुख्य रस्त्यालगत खुनाची घटना घडल्याने सातारा हादरुन गेले होते. या घटनेनंतर परिसरात तणावाचे वातावरण निर्माण झाले. मृतदेह सातारा सिव्हिलमध्ये नेल्यानंतर त्या ठिकाणीही तणावाचे वातावरण निर्माण होवून हल्लेखोरांना जोपर्यंत अटक होत नाही तोपर्यंत मृतदेह ताब्यात घेणार नसल्याचा पवित्रा कुटुंबीयांनी घेतला. पोलिसांनी निकम कुटुंबीयांची समजूत काढल्यानंतर कुटुंबीयांनी मृतदेह ताब्यात घेतला.
Wednesday, July 17, 2019 AT 08:55 PM (IST)
5सातारा, दि. 8 : पोवई नाक्यावर असणार्‍या चर्चबाहेर रस्त्याकडेला परिसरातील प्रतिष्ठित व्यापार्‍यांनी काल रात्री तब्बल 1 टन कचरा टाकल्याची घटना आज सकाळी उघडकीस आली. चर्चच्या विश्‍वस्तांनी ही बाब पाणीपुरवठा सभापती श्रीकांत आंबेकर यांच्या निदर्शनास आणून दिल्यानंतर आंबेकर यांनी संबंधित व्यापार्‍यांना कचरा उचलण्यास भाग पाडले. यापुढे पुन्हा कचरा टाकल्यास व्यापार्‍यांवर दंडात्मक कारवाई करणार असल्याची माहिती त्यांनी प्रसिद्धी माध्यमांशी बोलताना दिली. याबाबत मिळालेली माहिती अशी, की काल रात्री येथील चर्च बाहेर रस्त्याकडेला परिसरातील काही प्रतिष्ठित व्यापार्‍यांनी जेंट्स वेअर, लेडिज वेअर, पंख्याचे मोकळे बॉक्स, थर्माकोल आदी साहित्य असलेला सुमारे एक टन कचरा टाकला होता. आज सकाळी चर्चच्या विश्‍वस्तांच्या निदर्शनास ही बाब आल्यानंतर त्यांनी प्रभागातील पाणीपुरवठा सभापती श्रीकांत आंबेकर यांना सांगितली. श्रीकांत आंबेकर यांनी घटनास्थळी जाऊन हा कचरा कोणी टाकला याबाबतची माहिती घेण्याचा प्रयत्न केला. मात्र एकाही व्यापार्‍याने तोंड उघडले नाही. तोपर्यंत रस्त्याकडेला कचरा टाकल्याने नागरिकांमध्ये संतप्त पडसाद उमटले होते.
Tuesday, July 09, 2019 AT 08:51 PM (IST)
छोटा धबधबा नजीक उपाययोजना करण्याच्या सूचना 5सातारा, दि. 8 : पोलीस अधीक्षक पदाचा कार्यभार स्वीकारल्यानंतर तेजस्वी सातपुते यांनी प्रथमच ठोसेघर, ता. सातारा येथील धबधबा परिसराची पाहणी केली. पाहणी केल्यानंतर वन विभागाच्या कामाचे कौतुक करून छोटा धबधबा पडतो त्या ठिकाणी पाण्यातून दगड खाली येण्याची अथवा त्या ठिकाणी दरड पडण्याची शक्यता नाकारता येत नसल्याने त्या ठिकाणी वन विभागाने उपाययोजना कराव्यात अशा सूचना त्यांनी केली. रविवार, दि. 7 रोजी दुपारी 3 वाजण्याच्या सुमारास पोलीस अधीक्षक तेजस्वी सातपुते यांनी ठोसेघर धबधबा परिसराची पाहणी केली. प्रथम मोठ्या धबधब्याची पाहणी केली. या परिसरामध्ये ज्या - ज्या ठिकाणी संभाव्य धोके निदर्शनास आले, त्याचे फोटो काढण्याच्या सूचना त्यांनी पोलिसांना केल्या. संभाव्य धोक्यांचा अहवाल तयार करून तो वन विभागाला पाठवावा, असेही त्यांनी यावेळी स्पष्ट केले. छोटा धबधबा येथे पाहणी केली असता छोटा धबधबा कोसळतो तेथून पाण्यासोबत दगड खाली येण्याची शक्यता नाकारता येत नाही. तेथे दरड पडण्याची भीती व्यक्त करून त्या ठिकाणी वन विभागाने उपाय योजना कराव्यात अशी सूचनाही त्यांनी यावेळी केली.
Tuesday, July 09, 2019 AT 08:49 PM (IST)
प्राजक्ता गायकवाड यांनी उलगडले मालिकेतील अनुभव 5सातारा, दि. 4 : ध्येय गाठण्यासाठी जिद्द हवी. जिद्द येण्यासाठी स्फुरण हवे, नेतृत्व हवे. नेतृत्वासाठी कर्तव्य हवे. कर्तव्यासाठी पराक्रम हवा. पराक्रमासाठी देशभक्ती हवी. देशभक्तीसाठी स्वाभिमान हवा. अभिमान, संस्कृती, परंपरा हवी. मराठी माणसाला हे सगळे एकाच नावात मिळते, ते नाव म्हणजे छत्रपती संभाजी महाराज. आता खरी सुरुवात झाली आहे, खरा इतिहास उलगडायला असे प्रतिपादन स्वराज्य रक्षक संभाजी महाराज मालिकेतील येसूबाईंची भूमिका बजावणार्‍या अभिनेत्री प्राजक्ता गायकवाड यांनी केले. दरम्यान, केवळ चाणाक्षच नव्हे तर एक कणखर महिला म्हणून येसूबाई यांची ओळख होती, असेही त्यांनी यावेळी स्पष्ट केले. महाराणी येसूबाई राजधानी सातारा आगमन त्रिशताब्दी सोहळ्यानिमित्त येथील शाहू कलामंदिरमध्ये बुधवारी सायंकाळी येसूबाई फेम प्राजक्ता गायकवाड यांची प्रदीर्घ मुलाखत डॉ. ज्योत्स्ना कोल्हटकर, प्रदीप कांबळे यांनी घेतली. त्यावेळी त्या बोलत होत्या.
Friday, July 05, 2019 AT 08:57 PM (IST)
पावणे दोन लाखांचा महसूल जमा 863 जण तंबाखूपासून परावृत्त 5सातारा, दि. 3 : येथील जिल्हा रुग्णालयातील राष्ट्रीय तंबाखू नियंत्रण कक्षाच्या माध्यमातून गतवर्षी 2018-19 या वर्षामध्ये जिल्हा रुग्णालयामध्ये आणि आवारामध्ये तंबाखू खाणार्‍या, मिसरी घासणार्‍या एकूण 1187 जणांवर 1 लाख 71 हजार 691 रुपये दंडात्मक कारवाई केली. दरम्यान दंडात्मक कारवाई, समुपदेशन केल्याने जिल्ह्यातील 863 जणांनी कायमची तंबाखू सोडली असल्याची माहिती वैद्यकीय सूत्रांनी दिली. येथील जिल्हा रुग्णालयात प्रतिदिन जिल्ह्यातून मोठ्या प्रमाणावर रुग्ण व त्यांचे नातेवाईक येत असतात. नातेवाइकांपैकी काहीजणांना तंबाखू खाण्याचे तर महिलांना मिसरी घासण्याचे व्यसन असल्याने ते रुग्णालयाच्या कोपर्‍यांमध्ये थुकत असल्याने रुग्णालयात दाखल केलेल्या रुग्णांना त्याचा प्रादुर्भाव होत होता. रुग्णालयात व रुग्णालय परिसरात कारवाई करण्याचे फलक लावून, तोंडी सूचना देऊनही नातेवाइकांमध्ये फरक पडत नसल्याने ही बाब जिल्हा रुग्णालयाच्या प्रशासनाने गांभीर्याने घेऊन आपल्या वरिष्ठ कार्यालयाला त्याची माहिती दिली.
Thursday, July 04, 2019 AT 08:56 PM (IST)
1 2 3
 
© Copyrights 2010 Dainik Aikya.com - All rights reserved.
of
Powered By: