Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 29
5सातारा, दि. 20 : फडतरवाडी, ता. फलटण येथील दोघांना मारहाण करून, त्यांच्यावर तलवारीने वार करून त्यांचा खून करण्याचा प्रयत्न केल्या प्रकरणी प्रमुख जिल्हा न्यायाधीश आर. डी. सावंत यांनी पाच जणांना 7 वर्षाची सक्तमजुरीची शिक्षा आणि प्रत्येकी 12 हजार रुपयांच्या दंडाची शिक्षा ठोठावली. याबाबत अधिक माहिती अशी, राजेंद्र पांडुरंग फडतरे हे आपले बंधू रमेश पांडुरंग फडतरे, दोघे रा. फडतरवाडी, ता. फलटण यांच्यासमवेत 24 ऑगस्ट 2013 रोजी दुचाकीवरून शेतात जात असताना सामायिक जागेत विजेचा खांब रोवण्याच्या कारणावरून दत्तात्रय शंकर फडतरे, बाळू दत्तात्रय फडतरे, नितीन प्रकाश जाधव, विनोद प्रकाश जाधव, संतोष दत्तात्रय फडतरे यांनी राजेंद्र फडतरे आणि रमेश फडतरे यांना दमदाटी करून मारहाण केली तर राजेंद्र फडतरे यांच्यावर तलवारीने वार केले. या हल्ल्यात राजेंद्र फडतरे जखमी झाल्याने त्यांना प्रथम फलटण येथील ग्रामीण रुग्णालयात दाखल करण्यात आले मात्र त्यांची प्रकृती गंभीर असल्याने येथील वैद्यकीय अधिकार्‍यांनी राजेंद्र फडतरे यांना खाजगी रुग्णालयात दाखल करावे अशा सूचना केल्या.
Thursday, February 21, 2019 AT 09:00 PM (IST)
घंटागाडी चालकांच्या प्रश्‍नी बैठकीत आरोप-प्रत्यारोप 5सातारा, दि. 19 : छत्रपती शिवरायांच्या जयंतीमध्ये सातारा मशगूल असताना पालिकेत मात्र साशा कंपनी व संपकरी घंटागाडी चालक यांच्यात थकीत रकमेच्या विषयावरून जोरदार वादावादी झाली. मुख्याधिकारी शंकर गोरे यांनी केलेला शिष्टाईचा प्रयत्न सफल झाला नाही. चर्चेचे गुर्‍हाळ दीड तास चालले. मात्र तोडगा काहीच निघाला नाही. साशाचे भागीदार संचालक एस. आर. शिंदे , कर्मचारी युनियनचे सचिव गणेश भिसे, पालिका मुख्याधिकारी शंकर गोरे या त्रयींची बैठक मुख्याधिकार्‍यांच्या दालनात झाली, मात्र प्रत्यक्ष चर्चेत आरोप- प्रत्यारोपच झाल्याने तोडग्यापेक्षा वादच होत राहिले. साशा कंपनीने 20 हजार वेतनाचे नियम ठरवून प्रत्यक्षात 8 हजार रुपये कमी वेतन दिले, प्रत्यक्ष कामाच्या वेळी घंटागाडी चालकांना दंड करण्यात आला, तसेच वेतनात न राखलेले सातत्य यासारख्या विविध विषयांची बाजू कामगार संघटनेचे सचिव गणेश भिसे यांनी मांडत थकीत वेतनासह बोनसची मागणी केली. तब्बल 4 महिने पगारच न मिळाल्याने घंटागाडी चालकांची प्रचंड आर्थिक कोंडी झाली.
Wednesday, February 20, 2019 AT 09:15 PM (IST)
5सातारा, दि. 13 : दोन कोटी युवक-युवतींना रोजगार देऊ अशी घोषणा करणारे भाजप सरकार सपशेल अपयशी ठरले आहे. देशात वाढत चाललेल्या बेरोजगारीबद्दल केंद्र व राज्य सरकारचा निषेध करण्यासाठी राष्ट्रवादी युवक काँग्रेस, विद्यार्थी काँग्रेस व महिला आघाडीतर्फे आज येथील जिल्हाधिकारी कार्यालयासमोर धरणे आंदोलन करण्यात आले. केंद्र सरकारच्या नियोजनशून्य व निष्क्रिय कारभारामुळे देशात व राज्यात बेरोजगारीचा उच्चांक झाला आहे. बेरोजगारांची टक्केवारी इतिहासात नोंद होईल इतकी झाली आहे. दोन कोटी युवकांना रोजगार देऊ अशी घोषणा मोदी सरकारने त्यांना दिली होती. हे आश्‍वासन पूर्ण करण्यात राज्यातील व केंद्रातील सरकार पूर्णपणे अपयशी ठरले आहे, त्यामुळे या दोन्ही सरकारचा निषेध केला. यावेळी राष्ट्रवादी काँग्रेसचे जिल्हाध्यक्ष सुनील माने प्रसिद्धी माध्यमांशी बोलताना म्हणाले,  देशा-मध्ये भाजपचे सरकार सत्तेवर आल्यानंतर पंतप्रधान नरेंद्र मोदी यांनी दोन कोटी युवकांना नोकर्‍या देण्याचे आश्‍वासन दिले होते. आज प्रत्यक्षात आयोगाने दिलेल्या अहवालात देशात बेरोज-गारी इतिहासात नोंद होईल अशी स्थिती निर्माण झाली असल्याचे म्हटले आहे.
Thursday, February 14, 2019 AT 09:02 PM (IST)
5सातारा, दि. 12 : खाजगी सावकारीतून अर्जुन धर्मराज जगताप (वय 39), मूळ रा. प्रतापगंज पेठ, सातारा, सध्या सर्वोदय कॉलनी, कराड याला दोन दिवसापूर्वी गाडीतून अपहरण करून पाटण परिसरामध्ये फिरवून कराड येथे एका खोलीत डांबून त्याला बेदम मारहाण करण्यात आली. स्वतःची सुटका करून घेत जगताप आज सकाळी येथील जिल्हा रुग्णालयात उपचारासाठी दाखल झाला. याबाबत मिळालेली माहिती अशी, अर्जुन धर्मराज जगताप यांनी 2018 साली आगाशिवनगर, कराड येथील एका खासगी सावकाराकडून 30 टक्के व्याज दराने 10 हजार रुपये घेतले होते.काही दिवसांनी हे पैसे संबंधित खासगी सावकाराच्या बँक अकाउंटवर ऑनलाइन भरले होते. मात्र व्याजाचे 3 हजार रुपये द्यायचे राहिले होते. त्यासाठी त्याचा तगादा सुरू होता. दि. 10 रोजी अर्जुन जगताप आपली पत्नी श्‍वेता हिच्यासह खाजगी सावकाराच्या घरी व्याजाचे 3000 हजार रुपये देण्यास गेला असता त्या ठिकाणी त्याने 55 हजार रुपयांची मागणी केली. आमच्याकडे एवढे पैसे नसल्याचे सांगितले असता जबरदस्तीने दुचाकीची चावी काढून घेतली. याबाबतची तक्रार देण्यासाठी श्‍वेता कराड तालुका पोलीस स्टेशनला गेली होती. पोलिसांच्या मध्यस्थीनंतर दुचाकी परत मिळाली.
Wednesday, February 13, 2019 AT 09:08 PM (IST)
निकृष्ट दर्जाच्या कामांचा आरोप विशेष बैठकीचे गाजर 5सातारा, दि. 23 : सातारा शहरात सध्या सुरू असलेल्या भुयारी गटार योजनेचे काम अत्यंत रटाळपणे सुरू असून ते निकृष्ट दर्जाचे आहे. संथपणे सुरू असलेल्या या कामामुळे पाणी आणि रस्ते या नागरी सुविधांवर मोठ्या प्रमाणावर परिणाम झाला आहे. चेंबरची कामे अत्यंत वाईट पद्धतीने सुरू आहेत, अशा आरोपांच्या फैरी झाडत नगरविकास आघाडी व भाजपच्या नगरसेवकांनी सातारा विकास आघाडीची आज चांगलीच कोंडी केली. दरम्यान, साविआचे पक्षप्रतोद डी. जे बनकर यांनी या विषयावर स्वतंत्र बैठक घेऊन त्यामध्ये चर्चा करून पुढील निर्णय घेऊ, असे सांगत विरोधकांना गाजर दाखवले. सातारा नगरपालिकेच्या छत्रपती शिवाजी सभागृहामध्ये आज सकाळी 11 वाजता नगराध्यक्षा सौ. माधवी कदम यांच्या अध्यक्षतेखाली, मुख्याधिकारी शंकर गोरे यांच्या उपस्थितीत सभा झाली. राष्ट्रगीताने सभेला प्रारंभ झाला. राष्ट्रगीतानंतर दुखवट्याचे 6 ठराव मांडण्यात आले. तद्नंतर नगरसेवक वसंत लेवे यांनी सातारा पालिकेचे गॅजेट आले आहे का? ज्या सदस्यांचे गॅजेट नसेल त्यांना सभागृहात उपस्थित राहता येते का असा प्रश्‍न उपस्थित केला.
Thursday, January 24, 2019 AT 08:50 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: