Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 14
तक्रारीत माजी आमदाराचे नाव 5सातारा, दि. 5 : जमिनीचा व्यवहार पूर्ण झाला असतानाही घरात घुसून, पुन्हा पैशाची मागणी करून माजी आमदार प्रभाकर घार्गे यांच्याविरोधातील गुन्हा मागे घे, असे सांगत मारहाण, दमदाटी, शिवीगाळ करणार्‍याच्या विरोधात शहर पोलीस ठाण्यात गुन्हा दाखल झाला आहे. गुन्हा दाखल झालेल्याचे जितेंद्र जगन्नाथ जाधव (रा.कल्याणी शाळेजवळ, गोडोली) असे नाव आहे.      या प्रकरणी खुशबू अतुल शहा (वय 27, रा. प्रिया डुप्लेक्स, नवी एमआयडीसी, सातारा) यांनी तक्रार दिली आहे. दि. 4 रोजी सकाळी दहाच्या सुमारास संशयित जितेंद्र जाधव हा तक्रारदार यांच्या घरात गेला. संशयित व तक्रारदार यांचा जमिनीचा व्यवहार झालेला आहे. त्या व्यवहारात काही देणे-घेणे नसतानाही तक्रारदार याने जमिनीच्या व्यवहारातील सुमारे 50 लाख रुपयांची मागणी केली. यावेळी संशयिताने शिवीगाळ करून कुटुंबातील इतर सदस्यांना मारहाण केली. मारहाण करताना संशयिताने शहा कुटुंबीयांना माजी आमदार प्रभाकर घार्गे यांच्याविरोधातील तक्रार मागे घेण्यासाठी दमदाटी केली तसेच पैसे न दिल्यास कुटुंबातील व्यक्ती उचलून नेण्याची धमकी दिली.
Tuesday, November 06, 2018 AT 08:39 PM (IST)
5सातारा, दि. 25 : खंडोबाचा माळ येथील रस्त्यावर मारामारी करणार्‍या उवेस अय्याज खान (रा. बुधवार पेठ, सातारा) व रोहिदास श्रीपती भंडारे (रा. लुमणेखोल, ता. सातारा) यांच्यावर सातारा शहर पोलिसांनी गुन्हा दाखल केला आहे. पोलीस कर्मचारी प्रवीण पोपटराव पवार यांनी तक्रार दिली आहे. बुधवारीरात्री 12 च्या सुमारास दोघांची मारामारी सुरू होती. पोलिसांनी दोघांनाही ताब्यात घेतले.
Friday, October 26, 2018 AT 08:53 PM (IST)
5सातारा, दि. 24 : पुणे-बंगलोर राष्ट्रीय महामार्गावर शिवराज पेट्रोल पंप तिकाटणे येथे काल (दि. 23) रात्री दुचाकी आणि ट्रॅक्टर ट्रॉलीची धडक होऊन शिवाजी सोपाना रोकडे (वय 27, रा. मुरकुटेवाडी, ता. चंदगड, जि. कोल्हापूर) हा युवक ठार झाला. शिवाजी रोकडे हा दुचाकीवरून पुण्याहून कोल्हापूरकडे निघाला असता रात्री 12 च्या    सुमारास शिवराज पेट्रोल पंप तिकाटणे येथे दुचाकी व ट्रॅक्टरची धडक होऊन तो गंभीर जखमी झाला. त्याला उपचारासाठी क्रांतिसिंह नाना पाटील जिल्हा रुग्णालयात दाखल करण्यात आले. मात्र, तेथे त्याला मृत घोषित करण्यात आले. या अपघाताची नोंद सातारा शहर पोलीस ठाण्यात दाखल झाली आहे.
Thursday, October 25, 2018 AT 08:48 PM (IST)
5सातारा, दि. 11 :  कोडोली येथील होलसेल किराणा दुकानातून 3 लाख रुपयांचे 380 किलो काजू  खरेदी करताना खोटा धनादेश देवून फसवणूक करणार्‍यावर सातारा शहर पोलीस ठाण्यात गुन्हा दाखल करण्यात आला आहे. या घटनेमुळे खळबळ उडाली आहे. याबाबत मोरया मेगा मार्टचे मालक कुमार बाळासाहेब चव्हाण (रा. कर्मवीरनगर, कोडोली) यांनी  तक्रार दिली आहे. चव्हाण यांचे होलसेल किराणा मालाचे दुकान आहे. या दुकानात दि. 5 रोजी दुपारी चारच्या सुमारास फसवणूक करणारी अनोळखी व्यक्ती आली होती. त्या व्यक्तीने चव्हाण यांना मोठ्या प्रमाणात काजू आवश्यक असल्याचे सांगितले. त्यानुसार चव्हाण यांनी त्याला दुकानात असणारे काजूचे विविध प्रकार दाखवले. यापैकी एका प्रकारच्या काजूची निवड करत त्या व्यक्तीने चव्हाण यांच्याकडून 3 लाख 2 हजार रुपये किंमतीचे 380 किलो काजू खरेदी केले. खरेदी केलेल्या काजूच्या बदल्यात पैसे देण्याऐवजी त्या व्यक्तीने दुकानदार चव्हाण यांना आयसीआयसीआय बँकेच्या नावाचा धनादेश दिला. मात्र तो धनादेश  खात्यात वटण्यासाठी भरला असता तो वटला नाही. संबंधित व्यक्तीशी संपर्क साधण्याचा प्रयत्न केला. मात्र तो होवू शकला नाही.
Friday, October 12, 2018 AT 09:05 PM (IST)
आजपासून अंमलबजावणी सुरू 5सातारा, दि. 9 : सातार्‍यात पोलिसांनी डॉल्बीविरोधात आपली मोहीम तीव्र केली आहे. गणेशोत्सवात डॉल्बी वाजू न देण्यात पोलीस यशस्वीझाले होते. गणेशोत्सवाप्रमाणेच पोलिसांनी नवरात्रीतही डीजेबंदी यशस्वी करण्यासाठी ठोस पावले टाकली आहेत. याबाबत जिल्हाधिकारी कार्यालयातून 144 प्रमाणे पोलिसांना डीजेबाबत अधिकार देण्यात आले आहेत. त्यामुळे पोलिसांना सर्व डीजे जागीच सील करण्याचे अधिकार मिळाले आहेत. त्यामुळे नवरात्रातही सातारा जिल्ह्यात डॉल्बी वाजणार नसल्याचे स्पष्ट झाले आहे. विशेष म्हणजे घटस्थापनेपासून म्हणजे बुधवारपासून या निर्णयाची अंमलबजावणी होणार आहे. याबाबत अधिक माहिती अशी, डॉल्बी वाजू द्यायची नाही, असा निर्धार पोलिसांनी गणेशोत्सवात केला होता आणि तो यशस्वीही करुन दाखवला होता. आता तसाच निर्धार त्यांनी नवरात्रोत्सवासाठी केला असून त्यासाठी ठोस पावले टाकली आहे. नवरात्रीनिमित्त  नऊ दिवस देवीचा जागर होत आहेे. नवरात्रीनिमित्त दांडियाच्या माध्यमातून व दुर्गादेवीच्या  मिरवणुकीत डॉल्बीचा वापर  होण्याची शक्यता  असते.
Wednesday, October 10, 2018 AT 08:41 PM (IST)
1 2 3
 
© Copyrights 2010 Dainik Aikya.com - All rights reserved.
of
Powered By: