Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 21
सातारा व शाहूपुरी पोलिसांच्या वाहतूक शाखेची कामगिरी 5सातारा, दि. 18 : सातारा शहर आणि शाहूपुरी पोलिसांच्या वाहतूक शाखांनी अवघ्या सहा दिवसांमध्ये शहर परिसरात बेदरकार वाहने चालवणे, प्रवेश निषिद्ध असलेल्या ठिकाणी प्रवेश करणे आदी प्रकरणी बडगा उगारून दोन लाख 23 हजार 800 रुपयांचा दंड वसूल केला आहे. वाहतूक नियमांचे उल्लंघन करणार्‍या वाहनधारकांकडून गेल्या दीड महिन्यात तब्बल 53 लाख रुपयांचा विक्रमी दंड वसूल करण्यात आला आहेे. यापुढेही कारवाई सुरूच राहणार असून वाहनधारकांनी वाहतूक नियमांचे पालन करावे, असे आवाहन वाहतूक पोलिसांनी केाले आहे. गणेशोत्सवात कायदा व सुव्यवस्थेचा प्रश्‍न निर्माण होऊ नये आणि ग्रेड सेपरेटरचे काम व बाजारपेठेतील गर्दीमुळे वाहतूक कोंडी व अन्य समस्या उद्भवू नयेत यासाठी पोलीस उपअधीक्षक गजानन राजमाने यांनी खबरदारी घेत वाहतूक पोलिसांना कारवाईच्या सूचना दिल्या आहेत. त्यानुसार सातारा शहर व शाहूपुरी पोलिसांच्या वाहतूक शाखेच्या कर्मचार्‍यांनी नियमांचे उल्लंघन करणार्‍या वाहनधारकांवर दररोज कारवाईचा धडाका लावला आहे. दहा दिवसांपूर्वी पोलिसांनी बुलेटचालकांवर अशीच कारवाई केली होती.
Wednesday, September 19, 2018 AT 08:56 PM (IST)
मिरवणुकीचा मार्गही पोलिसांकडून जाहीर बंदोबस्तासाठी तीन हजार जणांची टिम 5सातारा, दि. 13 : गणेशोत्सवासाठी सातारा जिल्हा पोलीस दल सज्ज झाले आहे. गणेशोत्सवासाठी तब्बल 3 हजार जणांची फौज तैनात ठेवण्यात आली आहे. दरम्यान, सातारा शहरातील विसर्जनाची व्यवस्थाही पोलिसांनी सात ठिकाणी केली असून विसर्जन मार्गही जाहीर केला आहे. मोठ्या गणपतींच्या विसर्जनासाठी कण्हेर खाण तलाव आणि गोडोली तळे येथे व्यवस्था करण्यात आली आहे. गणेशोत्सवाच्या पार्श्‍वभूमीवर सातारा जिल्हा पोलीस दल अलर्ट असून सातारा जिल्ह्यासह इतर जिल्ह्यातूनही पोलीस बंदोबस्त तैनात झाला आहे. गणेश विसर्जनापर्यंत पोलीस अधीक्षक व अप्पर पोलीस अधीक्षक यांच्या मार्गदर्शनाखाली 8 पोलीस उपअधीक्षक, 13 पोलीस निरीक्षक, 89 सहाय्यक पोलीस निरीक्षक व फौजदार, 2161 पोलीस कर्मचारी, 700 होमगार्ड असा तगडा पोलीस बंदोबस्त आहेे. याशिवाय 4 आरसीपीच्या तुकड्या, 2 एसआरपीएफच्या तुकड्या, 2 क्युआरटीच्या तुकड्या व 1 स्पेशल स्ट्रायकिंग फोर्सही तैनात राहणार आहे.
Friday, September 14, 2018 AT 08:51 PM (IST)
राज्य आदर्श शिक्षक पुरस्कार सोहळ्यात मुख्यमंत्र्यांचा शिक्षकांना दृकश्राव्य संदेश 5सातारा, दि. 5 :    शिक्षकांनी गुणवत्तापूर्ण शिक्षण देण्यावर भर द्यावा. त्यांच्याकडील शिक्षणबाह्य कामे कमी करण्यासाठी शासन स्तरावर प्रयत्न केले जातील. जिल्हा परिषद शाळांची गुणवत्ता वाढली असून आता इंग्रजी माध्यमातील विद्यार्थीही या शाळांमध्ये येत असून डिजिटल शाळा, शिक्षणवारी या उपक्रमाचा सकारात्मक परिणाम झाल्याचे चित्र राज्यात दिसत असल्याचे शिक्षणमंत्री विनोद तावडे यांनी आदर्श शिक्षक पुरस्कारार्थी शिक्षकांबरोबर चर्चा करताना सांगितले.   भारताचे माजे राष्ट्रपती  डॉ. सर्वपल्ली राधाकृष्णन यांची जयंती शिक्षक दिन म्हणून साजरी केली जाते. या निमित्ताने सातारा जिल्हा परिषदेच्या यशवंतराव चव्हाण सभागृहात झालेल्या शिक्षकांच्या राज्यस्तरीय पुरस्कार सोहळ्यापूर्वी  शिक्षकांशी चर्चा करत असताना ही माहिती दिली. त्यानंतर पुरस्कार वितरण कार्यक्रमाला सुरुवात झाली. यावेळी पशुसंवर्धन मंत्री महादेव जानकर, जिल्हा परिषद अध्यक्ष संजीवराजे नाईक-निंबाळकर, आ. शिवेंद्रसिंहराजे भोसले, आ.
Thursday, September 06, 2018 AT 08:46 PM (IST)
5सातारा, 26 सातारा विकास आघाडीने शहराच्या विकास आराखड्याला सातत्याने प्राधान्य दिले आहे. शहर अधिक सुंदर आणि स्वच्छ करण्याबरोबरच रस्ते- वाहतूकही व्यवस्थित करण्यावर या आघाडीने भर दिला आहे. सातारा विकास आघाडी ही शहर विकास आराखड्याच्या पूर्ततेसाठी कायम वचनबध्द असून सातारा शहराचा कायापालट असा करु की सातारा हे रोल मॉडेल म्हणून नावारुपास येईल आणि आदर्श, सुंदर शहर म्हणून सर्वत्र झळकेल, असा विश्‍वास खा. श्रीमंत छत्रपती उदयनराजे भोसले यांनी व्यक्त केला. सदरबझार परिसरातील श्रीमंत छत्रपती सुमित्राराजे भोसले उद्यान ते चर्च या रस्त्यावर बांधण्यात आलेल्या पुलाचा लोकार्पण सोहळा मोठ्या उत्साहात पार पडला. या सोहळ्यात खा. उदयनराजे भोसले बोलत होते. यावेळी सातारा नगरपरिषदेचे उपनगराध्यक्ष सुहास राजेशिर्के, मुख्याधिकारी शंकर गोरे, अ‍ॅड. दत्ता बनकर, माजी नगराध्यक्ष निशांत पाटील, माजी नगराध्यक्षा स्मिता घोडके, सुनील काटकर, माजी उपनगराध्यक्ष राजू भोसले, नियोजन सभापती स्नेहा नलावडे, बांधकाम सभापती मनोज शेंडे, नगरसेवक विशाल जाधव, रजनी जेधे, मिलिंद काकडे, बाळासाहेब ढेकणे, धनंजय जांभळे, रामभाऊ हादगे यांची प्रमुख उपस्थिती होती.
Monday, August 27, 2018 AT 08:47 PM (IST)
एकमेकांच्या अंगावर धावून जाण्याचा प्रकार नगराध्यक्षांसमोरच उणीदुणी निघाली 5सातारा, दि. 2 : कचर्‍याच्या प्रश्‍नावरुन सातारा पालिकेत पुन्हा एकदा रणकंदन झाले. सत्ताधारी आघाडीच्याच एका नगरसेवकाने आपल्या प्रभागातील कचरा एका ट्रॅक्टर ट्रॉलीत भरुन आणला आणि नगरपालिकेच्या प्रवेशद्वारासमोर आणून लावला. त्यानंतर नगराध्यक्षांच्या केबिनमध्ये नगराध्यक्षांच्या समोरच आरोग्य  समितीचे सभापती आणि माजी सभापती भिडले. आरोग्य समितीच्या सभापतींनी माजींची खरडपट्टी काढत त्यांना खडे बोल सुनावले. दोघे एकमेकांच्या अंगावर धावून गेले. त्यामुळे सगळे वातावरण तणावपूर्ण झाले होते. नगराध्यक्षांना तर काय करावे हेच पाच मिनिटे समजले नाही. मात्र गेल्या दहा वर्षांत अशी घटना घडली नाही. त्यामुळे याबद्दल पालिकेत उलट-सुलट चर्चा सुरु होती. सातारा शहरात कचरा गोळा करण्याचे काम साशा कंपनीने घेतले आहे. या कंपनीने उपठेकेदारांच्या घंटागाड्या नेमून कचरा गोळा करण्याचे काम सुरु ठेवले आहे. मात्र सदरबझार भागातील कचरा उचलला जात नव्हता.
Friday, August 03, 2018 AT 09:03 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: