Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 8
प्रशासन दक्ष : जिल्हाधिकारी 5सातारा, दि. 20 : देशातील वाहतूकदारांच्या विविध मागण्यांसाठी ऑल इंडिया मोटार ट्रान्स्पोर्ट काँग्रेसच्यावतीने शुक्रवारपासून बेमुदत देशव्यापी ‘चक्का जाम’ आंदोलन सुरू करण्यात आले आहे. सातारा जिल्ह्यातही हे आंदोलन सुरू करण्यात आले असून याला उत्स्फूर्त प्रतिसाद मिळाल्याची माहिती संघटनेच्या व्यवस्थापन समितीचे सदस्य प्रकाश गवळी यांनी दिली. दरम्यान, आंदोलनाच्या पार्श्‍वभूमीवर जिल्हा प्रशासनाने योग्य ती खबरदारी घेतली असून जनतेची कोणत्याही प्रकारची गैरसोय होणार नाही, याची काळजी घेण्यासाठी जिल्हा प्रशासन दक्ष आहे, अशी माहिती जिल्हाधिकारी श्‍वेता सिंघल यांनी दिली. वाहतूकदारांच्या समस्यांकडे केंद्र व राज्य सरकारचे दुर्लक्ष आहे. गेल्या दोन वर्षांपासून आम्ही सरकारसमोर मागण्या मांडत असूनही ठोस कार्यवाही होत नाही. महसूल विभागानंतर देशाला सर्वाधिक महसूल वाहतूकदारांकडून मिळतो. या व्यवसायाशी 20 कोटी लोक निगडीत आहेत. नोटाबंदी, जीएसटी, ई-वे बिल या निर्णयांमध्ये आम्ही सरकारबरोबर राहिलो तरी आमच्या मागण्यांकडे सरकारने दुर्लक्ष केले आहे. डिझेलचे दर कमी करावेत, या दरात संपूर्ण देशात समानता हवी.
Saturday, July 21, 2018 AT 08:47 PM (IST)
नोकरीसाठी 4 लाखांचा दर : अ‍ॅडव्हान्स घेवून फसवणूक 5सातारा, दि. 21 : सातारा नगरपालिकेच्या आरोग्य विभागात नोकरी लावण्याचे आमिष दाखवून कोडोली येथील एकाची फसवणूक करणार्‍या प्रतीक्षा बाळकृष्ण भोसले (रा. गुरुवार पेठ, सातारा) या महिलेविरुध्द सातारा शहर पोलीस ठाण्यात गुन्हा दाखल करण्यात आला आहे. ही नोकरी विकण्यासाठी 4 लाखांचा दर काढला होता. त्यापैकी व्यवहार ठरल्यानंतर त्यातील 85 हजार रुपये संशयित महिलेला दिले होते. याबाबत मुरलीधर कृष्णा जावळे (रा. कोडोली) यांनी तक्रार दिली. प्रतीक्षा भोसले यांच्या आई सातारा नगरपालिकेच्या आरोग्य विभागात कार्यरत होत्या. मात्र नोकरीवर असतानाच त्यांच्या आईचा मृत्यू झाल्याने अनुकंपा तत्त्वावर प्रतीक्षा भोसले यांनी पालिकेत नोकरीचा दावा केला. त्यानुसार प्रतीक्षा यांचा दावा मंजूर करण्यात आला. मात्र पालिकेची नोकरी करण्यास प्रतीक्षा भोसले यांची तयारी नव्हती. याचदरम्यान प्रतीक्षा यांना कोडोली येथे राहणारे मुरलीधर जावळे हे भेटले. या भेटीत जावळे यांनी तुमच्या जागेवर माझ्या पत्नीला नोकरी लावा, असे प्रतीक्षा यांना सांगितले.
Friday, June 22, 2018 AT 08:49 PM (IST)
मीही उमेदवाराचा शोध घेतोय खा. उदयनराजेंचे प्रेम कधी कधी उतू जाते 5सातारा, दि. 13 : दिल्लीत जाण्यापेक्षा मी माझ्या सातारा-जावली मतदारसंघातच ठीक आहे. त्यापेक्षा सातार्‍यातील शुक्रवार पेठेतून  मी नगरसेवक होईल. लोकसभेच्या उमेदवारीबाबत शरद पवार सर्व आमदारांना विश्‍वासात घेवून योग्य निर्णय घेतील. जो निर्णय घेतील तो आम्हाला मान्य असेल. मात्र तरीही मी उमेदवार कोण असावा याचा शोध घेतोय आणि अभ्यास करतोय, अशी माहिती आ. श्रीमंत शिवेंद्रसिंहराजे भोसले यांनी पत्रकार परिषदेत दिली. दरम्यान खा. उदयनराजेंचे प्रेम कधी कधी उतू जाते. मात्र त्यांची भूमिका ही ओठात एक अन् पोटात एक अशी असते, अशी टीकाही त्यांनी यावेळी केली. आ. शिवेंद्रसिंहराजे म्हणाले, आम्ही आपले सातार्‍यातच बरे आहोत.      सातार्‍यातूनच मी आमदार होईन, मला खासदार होण्याची इच्छाही नाही. राष्ट्रवादीचे अध्यक्ष शरद पवार यांच्यावर आमचा विश्‍वास आहे. ते सर्व आमदारांचे मत घेऊन योग्य वेळी योग्य निर्णय घेतील. पवारसाहेब जो निर्णय घेतील तो आम्हाला मान्य असेल.    राजकारणातील ते अभ्यासू व्यक्तिमत्त्व  असल्यामुळे ते योग्य निर्णय घेतील.
Thursday, June 14, 2018 AT 08:34 PM (IST)
खरीप हंगामासाठी खते आणि बियाण्यांचा पुरेसा साठा 5सातारा, दि. 13 : सातारा जिल्ह्यात जलयुक्त शिवार अभियानाच्या माध्यमातून जलसंधारणाची चांगली कामे झाली, मात्र त्या कामांमुळे त्या गावातील कृषिक्षेत्रात काय परिवर्तन झाले, पीक पद्धती बदलली का, उत्पादनात वाढ झाली का, पाण्याची पातळी किती वाढली या सर्व बाबींचा गाव पातळीवर अभ्यास करून हे ऑडिट पुढच्या बैठकीत सादर करा, असे आदेश पालकमंत्री विजय शिवतारे यांनी शुक्रवारी दिले. या खरीप हंगामात जिल्ह्याला खते आणि बियाण्यांची पुरेशी उपलब्धता असल्याचेही पालकमंत्र्यांनी यावेळी सांगितले. सातारा जिल्हा मध्यवर्ती बँकेच्या सभागृहात आयोजित केलेल्या खरीप हंगाम पूर्वतयारीच्या आढावा बैठकीत ते बोलत होते. यावेळी आ. शशिकांत शिंदे, आ. बाळासाहेब पाटील, जिल्हाधिकारी श्‍वेता सिंघल, जिल्हा परिषद कृषी सभापती मनोज पवार, कोल्हापूर विभागाचे विभागीय सह संचालक महावीर जुंगटे, जिल्हा अधीक्षक कृषी सुनील बोरकर, जिल्ह्यातील पंचायत समित्यांचे सभापती, सर्व तालुक्यांचे कृषी अधिकारी आणि संबंधित विभागांचे अधिकारी उपस्थित होते.
Saturday, April 14, 2018 AT 08:41 PM (IST)
5सातारा, दि. 9 : दि.2 सप्टेंबर रोजी होणार्‍या पीएनबी मेटलाईफ सातारा हिल हाफ मॅरेथॉन स्पर्धेच्या 7 व्या आवृत्तीची बाहेरगावच्या स्पर्धकांसाठी असणारी ऑनलाइन नोंदणी जागतिक आरोग्य दिनाचे औचित्य साधून दि. 7 एप्रिल रोजी पहाटे 5  वाजता सुरू झाली अन अवघ्या तीन तासात तब्बल 4 हजार धावपटूंनी नोंदणी केली. इतक्या कमी वेळेत एवढ्या मोठ्या संख्येने स्पर्धकांनी नाव नोंदणी केली यावरून या स्पर्धेची लोकप्रियता किती आहे हे दिसून येते. सातारा शहराला लाभलेले नैसर्गिक वरदान तसेच स्पर्धेचे केले जाणारे शिस्तबद्ध आणि सुयोग्य नियोजन, सातारकर नागरिकांचा स्पर्धेला असणारा भक्कम पाठिंबा आणि वाढता सहभाग ही या मागची मुख्य कारणे आहेत. शूरवीरांचा जिल्हा म्हणून सातारचे नाव गर्वाने घेतले जाते. शैक्षणिक, क्रीडा व इतर क्षेत्रात अनेकांनी सातारा जिल्ह्याचा नावलौकिक उंचावला आहे. कोणत्या ना कोणत्या माध्यमातून सातारा जिल्ह्याचे नाव अटकेपार पोहोचत असताना आता आपल्या सातारची ओळख नुसत्या देशातच नव्हे तर आंतरराष्ट्रीय नकाशावर मॅरेथॉन सातारा अशी झाली आहे.  पहिल्या वर्षी सातारा हिल हाफ मॅरेथॉन 21 कि.मी.
Tuesday, April 10, 2018 AT 08:55 PM (IST)
 
© Copyrights 2010 Dainik Aikya.com - All rights reserved.
of
Powered By: