Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 89
उमेदवारीवरुन थेट पवारांनाच उदयनराजेंचा इशारा शरद पवारांची भूमिकाही गुलदस्त्यात पवार साहेबांचा उमेदवारीचा निर्णय आ. शिवेंद्रसिंहराजेंना मान्य 5सातारा, दि. 22 :  लोकसभा निवडणुकीच्या निमित्ताने सातारा मतदारसंघावरुन राष्ट्रवादीचे अध्यक्ष खा. शरद पवार यांच्या दौर्‍यात शासकीय विश्रामधामावर राजकारण चांगलेच तापले. सिक्कीमचे माजी राज्यपाल श्रीनिवास पाटील यांनी पक्षाने आदेश दिल्यास लोकसभा लढवणार असल्याचे जाहीर करुन आपल्या उमेदवारीचे संकेत दिले. खा.श्री. छ. उदयनराजे भोसले यांनी पवार साहेबांची भेट घेतल्यानंतर पत्रकारांशी बोलताना ते म्हणाले, पवारसाहेबांनी मला कडकडून मिठी मारली. तुम्ही आमचेच आहात, असे सांगून त्यांनी नंतर बोलू, त्यांनी फक्त फसवाफसवी करु नये. नाही तर आपल्यालाही कळतं, अशा शब्दात खा.उदयनराजे यांनी पवार साहेबांना गंभीर इशारा दिला. त्यानंतर खा. शरद पवार यांनी खा. उदयनराजे हे आमच्याच पक्षाचे खासदार आहेत. भाकरी अजून करपलेली नाही. आम्ही अजून तव्यापर्यंत गेलोच नाही. त्यामुळे ती करपण्याचा प्रश्‍नच येत नाही, असे सांगून लोकसभेच्या निवडणुकीतील उमेदवारीचे गूढ आणखी वाढवले. आ.
Monday, September 24, 2018 AT 08:24 PM (IST)
चार गावठी पिस्तूल, तीन जिवंत काडतुसांचा समावेश चौघांना अटक 5सातारा, दि. 21 : सातार्‍यात बिहार येथून आणलेला शस्त्राचा मोठा साठा पकडण्याची कारवाई स्थानिक गुन्हे अन्वेषण विभागाच्या पथकाने केली. या पथकाने एकाचवेळी तब्बल 4 गावठी पिस्तूल, 3 जिवंत राऊंड जप्त  करुन चौघांना अटक केली असल्याची माहिती पोलीस अधीक्षक पंकज देशमुख यांनी पत्रकार परिषदेत दिली. दरम्यान, गेल्या महिन्याभरात सातारा पोलीस दलाच्यावतीने एकूण 8 पिस्तूल जप्त करण्यात आले आहेत. अटक करण्यात आलेल्या संशयितांची विक्रम उर्फ गौर्‍या रमेश जगताप (वय 26), अजय सुभाष खवळे (वय 38, दोघे रा. नेर, ता. खटाव), धनाजी  वामन मदने (वय 22, रा. आवारवाडी, ता. खटाव), शुभम राजाराम शिंदे (वय 20, रा. औंध, ता. खटाव)  अशी नावे आहेत. पोलीस अधीक्षक पंकज देशमुख म्हणाले, सातारा एलसीबीला संशयित विक्रम जगताप याच्याकडे घातक शस्त्र असल्याची माहिती मिळाली. एलसीबीने पकडल्यानंतर त्याच्याकडे पिस्तूल सापडले. पोलिसांनी प्राथमिक चौकशी केल्यानंतर त्याने आणखी तिघांना पिस्तूल विकल्याची कबुली दिली. त्यावरून पोलिसांनी सर्व घटनेची माहिती घेवून पथकाद्वारे तत्काळ कारवाई केली.
Saturday, September 22, 2018 AT 08:34 PM (IST)
दोन मित्रांवर गुन्हा एक संशयित सैन्यदलातील 5सातारा, दि. 20 : यवतेश्‍वर-कास रस्त्यावरील गणेशखिंडीच्या अडीचशे फूट खोल दरीत ढकलून देवून मनीष शिवाजी लाड (वय 28, रा. यादोगोपाळ पेठ, सातारा) याचा खून  त्याच्या दोन मित्रांनीच केल्याचे स्पष्ट झाले आहे. या  प्रकरणी सागर सुनील दळवी (रा. यादोगोपाळ पेठ) व वैभव इंगवले (रा. विकासनगर, खेड) या दोघांवर गुन्हा दाखल झाला आहे. या दोघांपैकी वैभव इंगवले हा सैन्य दलात जवान असल्याची माहिती समोर आली आहे. दरम्यान, दारु पिल्यानंतर  मित्रांमध्ये वादावादी झाली व त्यातूनच खून झाला असल्याचे मनीषच्या भावाने तक्रारीत म्हटले आहे. याबाबत अधिक माहिती अशी, दि. 14 रोजी सकाळी साडेनऊच्या सुमारास मनीष लाड हा घरातून निघून गेला, तो दोन दिवस  परत न आल्याने त्याच्या आईने शाहूपुरी पोलीस ठाण्यात तो बेपत्ता झाल्याची तक्रार दिली. लाड कुटुंबीय व पोलीस त्याचा शोध घेत असतानाच गणेशखिंड येथील दरीतून उग्र वास येत असल्याची माहिती सोमवारी काही जणांनी सातारा तालुका पोलिसांना दिली. त्यानुसार पोलीस उपनिरीक्षक शिवाजी जाधव, हवालदार उत्तम कोळी व इतरांनी त्या ठिकाणी जावून शोध घेतला.
Friday, September 21, 2018 AT 08:22 PM (IST)
उच्च न्यायालयाने निकाल राखून ठेवला 5मुंबई, दि. 19 (वृत्तसंस्था) : गणपती विसर्जनाच्या मिरवणुकीत डीजे आणि डॉल्बीच्या वापराला परवानगी द्यावी आणि त्यावर घातलेली बंदी उठवावी यासाठी दाखल झालेल्या याचिकेवरील निकाल मुंबई उच्च न्यायालयाने बुधवारी राखून ठेवला. त्यामुळे सार्वजनिक गणेश मंडळांना दिलासा मिळाला नाही. दरम्यान, या बंदीवर राज्य सरकार ठाम असल्याचेही स्पष्टझाले आहे. आवाजाच्या मर्यादेचे उल्लंघन करणार्‍या डीजे आणि डॉल्बीला परवानगी देणे अशक्यच आहे, अशी भूमिका सरकारने उच्च न्यायालयात मांडली. गणपती विसर्जनाच्या मिरवणुकीत डीजे आणि डॉल्बीच्या वापराला परवानगी द्यावी आणि त्यावर घातलेली बंदी उठवावी यासाठी दाखल झालेल्या याचिकेवर आज मुंबई उच्च न्यायालयात सुनावणी करण्यात आली. गणेशोत्सवातील गोंगाटाला आळा घालण्यासाठी पोलिसांनी डीजे व डॉल्बी वाजवण्यास परवानगी नाकारल्याच्या विरोधात ‘प्रोफेशनल ऑडिओ अँड लाइटनिंग असोसिएशन’ने ही याचिका दाखल केली आहे. याचिकाकर्त्यांच्या वकिलांनी याबाबत जोरदार युक्तिवाद केला. पोलिसांनी डॉल्बी व डीजेला परवानगी नाकारण्यापूर्वी कोणताही अभ्यास केलेला नाही.
Thursday, September 20, 2018 AT 08:20 PM (IST)
पोलिसांकडून नोटिसा दोन दिवसांत निर्णय होणार 5सातारा, दि. 18 : आनेवाडी टोलनाक्याच्या व्यवस्थापनावरून सातार्‍यात गेल्या वर्षी 5 ऑक्टोबरला कोजागिरी पौर्णिमेच्या रात्री झालेल्या ‘सुरुची राडा’ प्रकरणातील 55 संशयितांवर तात्पुरत्या तडीपारीच्या कारवाईची टांगती तलवार आहे. गणेश विसर्जनाच्या पार्श्‍वभूमीवर कायदा व सुव्यवस्थेचा प्रश्‍न निर्माण होऊ नये यासाठी पोलिसांनी तडीपारीच्या कारवाया सुरू केल्या आहेत. त्याचाच भाग म्हणून सुरुची राड्यातील या 55 संशयितांना पोलिसांनी तात्पुरत्या तडीपारीबाबत नोटिसा पाठवल्याचे विश्‍वसनीय वृत्त आहे. या प्रकरणी येत्या दोन दिवसात निर्णय घेतला जाणार असल्याचे सूत्रांनी सांगितले. त्यामुळे किती जणांवर ही कारवाई होणार याकडे सातारकरांचे लक्ष लागले आहे. खा. श्री. छ. उदयनराजे भोसले व आ. श्रीमंत शिवेंद्रसिंहराजे भोसले यांच्यात गेल्या वर्षी आनेवाडी टोलनाक्याच्या व्यवस्थापनावरून वाद सुरू होता. या वादातून सातार्‍यात आ. शिवेंद्रसिंहराजे यांच्या ‘सुरुची’ या निवासस्थानासमोर 5 ऑक्टोबरला कोजागिरी पौर्णिमेच्या रात्री तुफान राडा झाला होता. खासदार, आमदार आणि त्यांचे समर्थक एकमेकांना भिडले होते.
Wednesday, September 19, 2018 AT 08:29 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: