Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 88
खा. शरद पवारांचा इशारा 5कराड, दि. 24 : ‘न खाऊंगा, ना खाने दुँगा’ या घोषणेसह सब का साथ, सबका विकास असे आश्‍वासन देत सत्तेवर आलेल्या मोदी सरकारने देशातील जनतेला फसवले आहे. भ्रष्टाचारावर बोलणार्‍यांचा राफेल गैरव्यवहार चव्हाट्यावर आला आहे. हवाई दलाचा पायलट अभिनंदनची सुटका जिनिव्हा कराराप्रमाणे झाली. छप्पन इंचाची छाती असणारे मोदी कुलभूषण जाधवला न सोडवता पुलवामामधील अतिरेक्यांच्या कारवाईनंतर  झालेल्या सर्जिकल स्ट्राईकचे श्रेय घेत आहेत. सैनिकांचे शौर्य अतुलनीय आहे. भारतमातेच्या सैनिकांच्या बलिदानाचेराजकारण करु नका, असा इशारा राष्ट्रवादीचे अध्यक्ष खा. शरद पवार यांनी दिला. राष्ट्रवादी काँग्रेस व राष्ट्रीय काँग्रेस आणि मित्रपक्षांच्या लोकसभा निवडणुकीच्या प्रचाराचा शुभारंभ व सातारा जिल्ह्यातील उमेदवार खा. श्री. छ. उदयनराजे भोसले यांच्या प्रचारार्थ आयोजित सभेत ते बोलत होते. यावेळी सिक्कीमचे माजी राज्यपाल श्रीनिवास पाटील, माजी मुख्यमंत्री आ. पृथ्वीराज चव्हाण, राष्ट्रवादीचे प्रदेशाध्यक्ष अध्यक्ष आ. जयंत पाटील, खा. राजू शेट्टी, प्रा. जोगेंद्र कवाडे, विधानपरिषदेचे सभापती रामराजे नाईक-निंबाळकर, आ. हसन मुश्रीफ, आ.
Monday, March 25, 2019 AT 09:05 PM (IST)
भाजपची पहिली यादी जाहीर अडवाणींचा पत्ता कट? 5नवी दिल्ली, दि. 21 (वृत्तसंस्था) : लोकसभा निवडणुकीसाठी भाजपने गुरुवारी 184 उमेदवारांची पहिली यादी जाहीर केली. पंतप्रधान नरेंद्र मोदी पुन्हा एकदा वाराणसी मतदारसंघातून निवडणूक लढवणार आहेत. भाजपचे ज्येष्ठ नेते लालकृष्ण अडवाणी यांचा पारंपरिक मतदारसंघ असलेल्या गांधीनगरमधून भाजप अध्यक्ष अमित शहांना उमेदवारी देण्यात आली आहे. त्यामुळे अडवाणींचा पत्ता या निवडणुकीत कापल्याचे संकेत मिळत आहेत. मात्र, भाजपकडून याबाबत अधिकृतरीत्या काहीही सांगण्यात न आल्याने संभ्रम निर्माण झाला आहे. दरम्यान, बहुतांश केंद्रीय मंत्र्यांना पुन्हा उमेदवारी देण्यात आली आहे. गृहमंत्री राजनाथसिंग पुन्हा लखनौमधून, स्मृती इराणी यांना पुन्हा अमेठीतून तर नागपूरमधून पुन्हा नितीन गडकरी यांना उमेदवारी देण्यात आली आहे. केंद्रीय मंत्री जे. पी. नड्डा यांनी नवी दिल्लीत घेतलेल्या पत्रकार परिषदेत भाजपची पहिली यादी जाहीर केली. पंतप्रधान नरेंद्र मोदींनी 2014 मध्ये वाराणसीतून निवडणूक लढवली होती. यावेळीही त्यांनी पुन्हा वाराणसीचीच निवड केली आहे.
Friday, March 22, 2019 AT 08:32 PM (IST)
5पणजी, दि. 18 (वृत्तसंस्था) : देशाचे माजी संरक्षणमंत्री आणि गोव्याचे मुख्यमंत्री मनोहर पर्रिकर यांच्यावर मिरामार बिच येथे संपूर्ण शासकीय इतमामात अंत्यसंस्कार करण्यात आले. त्यांचे ज्येष्ठ चिरंजीव उत्पल यांनी चितेला अग्नी दिला. लष्कराच्यावतीने पर्रिकर यांना अखेरची मानवंदना देण्यात आली. आपल्या लाडक्या नेत्याला अखेरचा निरोप देण्यासाठी जनसागर लोटला होता. गोव्याचे मुख्यमंत्रिपद तीन वेळा सांभाळलेल्या मनोहर पर्रिकर यांना स्वादुपिंडाचा कर्करोग झाल्याचे निदान काही महिन्यांपूर्वी झाले होते. त्यांच्यावर गोवा, मुंबई, दिल्ली, न्यूयॉर्क येथे उपचार करण्यात आले होते. फेब्रुवारी महिन्यापासून त्यांची प्रकृती अधिकच ढासळली होती. तशा स्थितीतही त्यांनी अविचल पक्षनिष्ठा आणि राज्यातील जनतेवरील प्रेमापोटी मुख्यमंत्रिपद सांभाळले होते. नाकात नळ्या असूनही पर्रिकर यांनी गोव्याचा हंगामी अर्थसंकल्पही विधानसभेत सादर केला होता. मात्र, प्रकृती पुन्हा बिघडल्याने त्यांना रुग्णालयात दाखल करण्यात आले होते. रविवारी त्यांच्या प्रकृतीत आणखी खालावली आणि सायंकाळी त्यांची प्राणज्योत मालवली.
Tuesday, March 19, 2019 AT 08:51 PM (IST)
5मुंबई, दि. 15 (प्रतिनिधी) : हो, नाही करत अखेर राष्ट्रवादी काँग्रेसने अजित पवार यांचा हट्ट पुरवताना त्यांचे चिरंजीव पार्थ पवार आणि अभिनेते अमोल कोल्हे यांची उमेदवारी शुक्रवारी जाहीर केली. राष्ट्रवादीने आणखी पाच उमेदवारांची दुसरी यादी जाहीर करताना पार्थ पवार यांना मावळमधून तर शिवसेनेतून राष्ट्रवादीत दाखल झालेल्या डॉ. अमोल कोल्हे यांना शिरूरमधून उमेदवारी दिली आहे. त्यांच्याबरोबर छगन भुजबळ यांचे पुतणे समीर भुजबळ यांना नाशिकमध्ये आणि बजरंग सोनवणे यांना बीड मतदारसंघातून उमेदवारी देण्यात आली आहे. मात्र, माढा आणि नगर मतदारसंघांचा सस्पेन्स अजून कायम आहे. राष्ट्रवादी काँग्रेसने गुरुवारी 12 उमेदवारांची पहिली यादी जाहीर केली होती. या यादीत पार्थ पवार यांचे नाव न आल्याने अनेकांच्या भुवया उंचावल्या होत्या. मात्र, आज त्यांच्यासह पाच उमेदवारांची दुसरी यादी प्रदेशाध्यक्ष जयंत पाटील यांनी जाहीर केली. घराणेशाहीचा आरोप होत असला तरी माजी उपमुख्यमंत्री अजित पवार यांचे पुत्र पार्थ पवार यांना मावळ तर नुकतेच ‘स्वराज्यरक्षक संभाजी’ मालिकाफेम डॉ. अमोल कोल्हे यांना शेजारच्या शिरूरमधून उमेदवारी देण्यात आली आहे.
Saturday, March 16, 2019 AT 08:49 PM (IST)
नगरची उमेदवारी गुलदस्त्यात मावळ, माढ्याचा तिढा कायम 5मुंबई, दि. 14 (प्रतिनिधी) : राष्ट्रवादी काँग्रेसने आज 12 उमेदवारांची पहिली यादी जाहीर केली. विद्यमान खासदार सुप्रिया सुळे(बारामती), श्री. छ. उदयनराजे भोसले (सातारा), धनंजय महाडिक (कोल्हापूर) यांच्याबरोबर सुनील तटकरे (रायगड) राजेश विटेकर (परभणी), राजेंद्र शिंगणे (बुलढाणा) आदींचा या यादीत समावेश आहे. मात्र, ज्यांच्यासाठी शरद पवार यांनी माढ्यातील आपली उमेदवारी मागे घेतली त्या पार्थ अजित पवार यांच्या नावाचा समावेश पहिल्या यादीत नाही. नगरचा उमेदवार कोण हेदेखील अद्याप गुलदस्त्यात आहे तर माढ्याचा तिढाही अजून सुटला नसल्याचे स्पष्ट झाले आहे. काँग्रेसपाठोपाठ राष्ट्रवादी काँग्रेसने आज लोकसभा निवडणुकीसाठी उमेदवारांची पहिली यादी जाहीर केली. प्रदेशाध्यक्ष जयंत पाटील यांनी उमेदवारांची नावे जाहीर करताना उर्वरित उमेदवारही येत्या दोन-तीन दिवसांत जाहीर करण्यात येईल, अशी माहिती दिली. मावळत्या लोकसभेत राष्ट्रवादीचे सहा खासदार होते. त्यापैकी बिहारमधून निवडून आलेल्या तारिक अन्वर यांनी पूर्वीच खासदारकीचा राजीनामा देऊन राष्ट्रवादी काँग्रेसला सोडचिठ्ठी दिली आहे.
Friday, March 15, 2019 AT 08:34 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: