Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 97
5जळगाव, दि. 13 (वृत्तसंस्था) : पंतप्रधान नरेंद्र मोदी यांनी आज जळगावमध्ये झालेल्या प्रचारसभेत काँग्रेस-राष्ट्रवादीसह शरद पवार यांच्यावर निशाणा साधला. थकलेले साथीदार एकमेकांचा आधार बनू शकतात, पण महाराष्ट्राची स्वप्ने आणि येथील तरुणांच्या आशा-अपेक्षा पूर्ण करण्याचे माध्यम होऊ शकत नाहीत, असे सांगत मोदींनी काँग्रेस-राष्ट्रवादी काँग्रेसच्या विलिनीकरणाच्या मुद्द्यावरून टीकास्त्र सोडले. यावेळी त्यांनी मुख्यमंत्री देवेंद्र फडणवीस यांच्या कामाचेही कौतुक केले. महाराष्ट्र विधानसभा निवडणुकीचे प्रचार रण तापले आहे. पंतप्रधान नरेंद्र मोदींची आज जळगावमध्ये पहिलीच सभा झाली. त्यांनी मराठीतून भाषणाला सुरुवात केली. त्यांनी प्रमुख विरोधक असलेल्या काँग्रेस आणि राष्ट्रवादी काँग्रेसवर तोफ डागली. मुख्यमंत्री देवेंद्र फडणवीस यांच्या कामाचे कौतुक करताना जम्मू-काश्मीर राज्याचे विभाजन, कलम 370, तिहेरी तलाक या मुद्द्यांवरून त्यांनी विरोधकांना लक्ष्य केले. राष्ट्रवादी काँग्रेसचे अध्यक्ष शरद पवार यांच्यावरही टीकास्त्र सोडले.
Monday, October 14, 2019 AT 09:05 PM (IST)
5मुंबई, दि. 10 (प्रतिनिधी) : महाराष्ट्राला आज सक्षम, प्रबळ आणि कोणासमोरही घरंगळत न जाणार्‍या विरोधी पक्षाची गरज असून ती संधी तुम्ही महाराष्ट्र नवनिर्माण सेनेला द्या. सत्तेसाठी नाही तर महाराष्ट्राला न्याय मिळवून देण्यासाठी तुम्ही मनसेच्या उमेदवारांना मतदान करा, असे आवाहन मनसे अध्यक्ष राज ठाकरे यांनी गुरुवारी विधानसभा निवडणुकीच्या पहिल्या प्रचारसभेतून महाराष्ट्रातील जनतेला केले. राज ठाकरे यांची पहिली प्रचारसभा बुधवारी पुण्यात होणार होती. ती सभा पावसामुळे रद्द करावी लागल्यानंतर मुंबईत सांताक्रूझ येथे आज झालेली सभा शुभारंभाची  ठरली. या सभेत अवघ्या 15 मिनिटांच्या भाषणात राज यांनी राज्यात सत्ता नव्हे तर विरोधी पक्षाचे स्थान मिळेल इतके बळ मनसेला देण्याचे आवाहन मतदारांना केले. विरोधी पक्षनेते राधाकृष्ण विखे-पाटील यांनी काँग्रेसला सोडचिठ्ठी देऊन भाजपत प्रवेश केला. तो दाखला देत, आज सरकारला जाब विचारणार्‍या विरोधी पक्षाची गरज आहे आणि जर विधानसभेत प्रबळ विरोधी पक्ष नसेल तर सरकार तुमच्यावर बुलडोझर फिरवेल. म्हणूनच मी सत्तेसाठी नाही तर विरोधी पक्ष प्रबळ करावा हे मागणं घेऊन तुमच्यापुढे आलो आहे.
Friday, October 11, 2019 AT 08:26 PM (IST)
नराधम पिता शिरवळ पोलिसांच्या ताब्यात 5खंडाळा, दि. 9 : पुणे-सातारा महामार्गावरील शिंदेवाडी, ता. खंडाळा गावच्या हद्दीतील कॅप्सूल कंपनीनजीक बुधवारी पहाटेच्या सुमारास स्विफ्ट कारमध्ये जन्मदात्या पित्याने आपल्या दोन मुलांचा गळा दाबून खून केल्याची घटना उघडकीस आली. या घटनेने संपूर्ण खंडाळा तालुक्यात एकच खळबळ उडाली आहे. कु. गौरवी चंद्रकांत मोहिते (वय 11) आणि चि. प्रतीक चंद्रकांत मोहिते (वय 7) असे दुर्दैवी मुलांचे नाव आहे. शिरवळ पोलिसांकडून मिळालेली माहिती अशी, संशयित चंद्रकांत अशोक मोहिते (वय 37), मूळ कोयनानगर रासाटी, ता. पाटण,  सध्या रा. घाटकोपर, मुंबई हा चालक म्हणून काम करतो. मुंबई येथे पत्नी व दोन मुलांसह तो वास्तव्यास आहे. चंद्रकांत मोहिते याला टी. बी. झाल्यामुळे काही दिवसांपासून तो त्रस्त होता. त्यामुळे पती-पत्नी यांच्यामध्ये वारंवार भांडणे होत होती. चंद्रकांत मोहिते यास मला काही झाल्यास माझ्या माघारी पत्नी मुलांचा नीट सांभाळ करणार नाही, अशी भीती त्याला होती. त्यामुळे त्याने मुलगी गौरवी व मुलगा प्रतीक यांना दि. 8 रोजी सायंकाळी साडेसातच्या दरम्यान घाटकोपर येथील राहत्या घरातून स्विफ्ट कार (क्र. एम. एच.
Thursday, October 10, 2019 AT 08:45 PM (IST)
5मुंबई, दि. 7 (प्रतिनिधी) : विधानसभा उमेदवारी अर्ज मागे घेण्याच्या शेवटच्या दिवशी सर्व मतदारसंघातील चित्र स्पष्ट झाले आहे. राज्यातील 288 मतदारसंघात 3 हजार 239 उमेदवार अंतिमतः रिंगणात राहिले आहेत. चिपळूण मतदारसंघात सर्वात कमी 3 तर नांदेड दक्षिण मतदारसंघात सर्वाधिक म्हणजे 38 उमेदवार निवडणूक रिंगणात आहेत. अतिरिक्त मुख्य निवडणूक अधिकारी दिलीप शिंदे यांनी मंत्रालयात झालेल्या पत्रकार परिषदेत ही माहिती दिली. उमेदवारी अर्ज मागे घेण्याची सोमवारी दुपारी 3 पर्यंत शेवटची मुदत होती. विविध मतदारसंघात उमेदवारांनी अर्ज मागे घेतल्याने 3 हजार 239 उमेदवार रिंगणात राहिले आहेत. अकोले, शहादा, बोरिवली, माहिम, वांद्रे पश्‍चिम या मतदारसंघात प्रत्येकी चार उमेदवार रिंगणात आहेत. नांदेड जिल्ह्यातील भोकर या मतदारसंघातून 91 उमेदवारांनी अर्ज भरला होता. मात्र अर्ज मागे घेतल्यानंतर आता तिथे फक्त 7 उमेदवार रिंगणात आहेत. 15 उमेदवारसंख्येपर्यंत 1 बॅलट युनिट, 35 उमेदवार असतील तिथे 2 बॅलट युनिट लावण्यात येणार आहेत. त्यापेक्षा जास्त उमेदवार असतील तिथे 3 बॅलट युनिट लावण्यात येणार आहेत.
Wednesday, October 09, 2019 AT 08:44 PM (IST)
राज्यात मोदींच्या 9 तर शहांच्या 18 सभा, दि. 17 रोजी सातारा व पुण्यात मोदींची सभा 5मुंबई, दि. 6 (प्रतिनिधी) : राज्यात होणार्‍या विधानसभा निवडणुकीची संपूर्ण धुरा पंतप्रधान नरेंद्र मोदी आणि केंद्रीय गृहमंत्री अमित शहा यांनी आपल्या खांद्यावर घेतल्याचे पहायला मिळत आहे. कारण राज्यात महायुतीतील उमेदवारांच्या प्रचारासाठी भाजपच्या या दोन स्टार प्रचारकांपैकी पंतप्रधान नरेंद्र मोदी यांच्या 9 तर शहांच्या 18 सभा होणार असल्याची माहिती भाजपचे प्रदेशाध्यक्ष चंद्रकांत पाटील यांनी दिली आहे. पाटील म्हणाले, महाराष्ट्रासह हरयाणातही विधानसभा निवडणूक होणार आहे. त्यामुळे नरेंद्र मोदी यांच्या राज्यात केवळ 9 सभा आयोजित करण्यात आल्या आहेत. यापैकी 17 ऑक्टोबर रोजी सातारा आणि पुण्यात मोदींची सभा होणार आहे. त्याचबरोबर राज्यातील इतर ठिकाणीही सभांचे नियोजन सुरू आहे. पुण्यातील सभेच्या जागेचा शोध सुरू असल्याचे त्यांनी सांगितले. तसेच अमित शहा यांच्या सभांच्या तारखा आणि ठिकाणही अद्याप निश्‍चित झाले नसल्याचे चंद्रकांत पाटील यांनी स्पष्ट केले.  महाराष्ट्रातील विधानसभेच्या निवडणुकीबरोबरच लोकसभेच्या एका जागेसाठी पोटनिवडणूक होत आहे.
Monday, October 07, 2019 AT 08:43 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: