Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 47
चर्चा फिसकटली ऐन दिवाळीत प्रवाशांचे हाल 5मुंबई, दि. 16 (वृत्तसंस्था) : सातवा वेतन आयोग लागू करण्याच्या प्रमुख मागणीसह अन्य मागण्यांबाबत मुख्यमंत्री देवेंद्र फडणवीस व परिवहन मंत्री दिवाकर रावते यांच्यासमवेत सोमवारी रात्री झालेल्या विविध एस.टी. कर्मचारी संघटनांच्या बैठकीतील चर्चा फिसकटल्याने या संघटनांनी आज मध्यरात्रीपासून संपावर जाण्याचा निर्णय कायम ठेवला आहे. त्यामुळे आज मध्यरात्रीपासून एस.टी. कर्मचारी संपावर जाणार असल्याने ऐन दिवाळीत प्रवाशांचे हाल होणार आहेत.    या संपामुळे एस.टी. प्रशासनाची कोंडी होणार आहे. सातवा वेतन आयोग लागू करावा, पदनिहाय वेतनश्रेणी द्यावी, या प्रमुख मागण्यांसह अन्य मागण्यांसाठी एस.टी. कर्मचारी संघटनांनी सोमवारी मध्यरात्रीपासून संपावर जाण्याचा इशारा देण्यात आला  होता. वेतनाबद्दल सुधारित करार होत नाही, तोपर्यंत कर्मचार्‍यांना 25 टक्के हंगामी वाढ देण्यात यावी, अशी मागणी एस.टी. कर्मचारी संघटनांनी निवेदनाद्वारे मुख्यमंत्र्यांकडे केली होती. मात्र, या निवेदनाला मुख्यमंत्र्यांनी सकारात्मक प्रतिसाद दिला नसल्याचा आरोप एस.टी. कर्मचारी संघटनांनी केला होता. एस.टी.
Tuesday, October 17, 2017 AT 08:58 PM (IST)
5अहमदनगर, दि.13 (वृत्तसंस्था) :जय शहावरील भ्रष्टा-चाराच्या आरोपांवर भाजप-काँग्रेसमध्ये राजकीय कलगीतुरा रंगला असला तरी त्यावर चकार शब्द न काढणारे भाजप अध्यक्ष अमित शहा यांनी अखेर मौन सोडले आहे. जयच्या कंपनीने सरकारसोबत कोणतेही व्यवहार केलेले नाहीत. कोणतीही सरकारी जमीन अथवा कंत्राट मिळवलेले नाही. त्यामुळे हे भ्रष्टाचाराचे प्रकरण होऊच शकत नाही, असे स्पष्टीकरण त्यांनी दिले. काँग्रेसकडे या प्रकरणाशी संबंधित पुरावे असल्यास त्यांनी न्यायालयात सादर करावेत, असे आव्हानही त्यांनी काँग्रेसला दिले. गुजरात विधानसभा निवडणुकीच्या तोंडावर जय शहाच्या कंपनीवर अनियमिततेचे आरोप झाले. यावरून काँग्रेसने भाजप आणि अमित शहांना घेरले. शहा यांनी एका वृत्तवाहिनीला दिलेल्या मुलाखतीत या आरोपांना उत्तर दिले आहे.          यावेळी त्यांनी काँग्रेसवर निशाणा साधला. स्वातंत्र्यानंतरच्या 70 वर्षांत काँग्रेसवर भ्रष्टाचाराचे अनेक आरोप झाले आहेत. पण त्यांनी कधी, कुणावर मानहानीचा खटला दाखल केला आहे का, असा सवाल त्यांनी केला. माझ्या मुलाने आरोप करणार्‍यांविरोधात न्यायालयात 100 कोटी रुपयांचा मानहानीचा खटला दाखल केला आहे.
Saturday, October 14, 2017 AT 08:57 PM (IST)
हिंदू सणांवरच बंदी घाला : उद्धव ठाकरेंची उपरोधिक मागणी 5मुंबई, दि. 11 (प्रतिनिधी) :पंचांग फाडून टाका, सण आणि उत्सवांची थोतांडे बंद करा, असेच आदेश येणे आता बाकी आहे. आधीच आपल्या सणांची रया गेली आहे. मात्र, या शांततेचा अतिरेक झाला तर एकेदिवशी असंतोषाचा मोठा स्फोट होईल, असा इशारा शिवसेना पक्षप्रमुख उद्धव ठाकरे यांनी दिला. हिंदूंच्या सणांच्या आड कोणी येणार असेल तर शिवसेना अजिबात खपवून घेणार नाही, असेही ते म्हणाले. दरम्यान, काल दिल्लीप्रमाणे महाराष्ट्रातही फटाक्यांवर बंदी घालण्याचे सूतोवाच करणारे पर्यावरण मंत्री रामदास कदम यांनी आज सपशेल घूमजाव केले. पर्यावरणपूरक दिवाळी मोहिमेचा शुभारंभ करताना रामदास कदम यांनी दिल्लीप्रमाणे महाराष्ट्रात फटाक्यांवर बंदी घालण्याबाबत मुख्यमंत्र्यांबरोबर चर्चा करून निर्णय घेण्याचे संकेत दिले होते. दरम्यान, मुंबई उच्च न्यायालयानेही काल नागरी वस्त्यांमध्ये फटाके दुकानांना परवानगी दिली जाऊ नये, असे आदेश दिले आहेत. मनसेप्रमुख राज ठाकरे यांनी या निर्णयाला विरोध दर्शवताच शिव-सेनेनेही विरोध    सुरू केला आहे. शिवसेना पक्षप्रमुख उद्धव ठाकरे यांनी या निर्णयावर टीका केली.
Thursday, October 12, 2017 AT 08:58 PM (IST)
मध्यरात्रीपासून होणार अंमलबजावणी 5मुंबई, दि. 10 (प्रतिनिधी) :महागाईमुळे बेजार असलेल्या जनतेला राज्य सरकारने पेट्रोल व डिझेलच्या दरात घट करून दिवाळीच्या तोंडावर दिलासा दिला आहे. पेट्रोलवरील मूल्यवर्धित कर (व्हॅट) प्रतिलिटर 2 रुपयांनी तर डिझेलवरील व्हॅट 1 रुपयाने कमी करण्याचा निर्णय सरकारने घेतला आहे. मंगळवारी मध्यरात्रीपासून पेट्रोल-डिझेलचे नवीन दर लागू होणार असल्याची माहिती अर्थमंत्री सुधीर मुनगंटीवार यांनी दिली. यामुळे राज्य सरकारवर 2 हजार 15 कोटी रुपयांचा अतिरिक्त बोजा पडणार आहे, असे त्यांनी सांगितले. राज्य सरकारने जनतेला दिलेली ही दिवाळी भेट असल्याचेही ते म्हणाले. दरम्यान, केंद्र सरकारच्या आवाहनानुसार सर्वप्रथम गुजरात सरकारने पेट्रोल व डिझेलवरील व्हॅटमध्ये 4 टक्क्यांनी कपात करण्याचा निर्णय घेतला. या निर्णयामुळे गुजरातमध्ये पेट्रोल जवळपास तीन रुपयांनी तर डिझेल पावणेतीन रुपयांनी स्वस्त होणार आहे. त्यामुळे महाराष्ट्रापेक्षा गुजरातमध्ये पेट्रोल व डिझेलच्या किमती कमी राहणार आहेत. पेट्रोल आणि डिझेलच्या दरात गेल्या काही दिवसांत मोठी वाढ झाल्याने जनसामान्यांमध्ये प्रचंड रोष होता.
Wednesday, October 11, 2017 AT 09:02 PM (IST)
5नागपूर, दि. 6 (वृत्तसंस्था) : महानिर्मिती व खाजगी वीज निर्मिती कंपन्यांची वीजनिर्मिती कमी झाल्यामुळे भारनियमनाचे तात्पुरते संकट निर्माण झाले आहे. येत्या 15 दिवसात विजेची परिस्थिती सुधारेल. तसेच एससीसीएल कोळसा खाणीत झालेल्या पावसामुळे कोळसा उत्पादनावर परिणाम झाला आहे. परिणामी कमी कोळसा उपलब्ध झाल्यामुळे भारनियमन करावे लागत आहे. नागरिकांनी सध्या ऊर्जा बचतीचा प्रयत्न करून शासनाला सहकार्य करावे, असे आवाहन ऊर्जामंत्री चंद्रशेखर बावनकुळे यांनी शुक्रवारी पत्रकार परिषदेत केले. याप्रसंगी आ. मल्लिकार्जुन रेड्डी, महावितरणचे नागपूरचे मुख्य अभियंता शेख उपस्थित होते. ऊर्जामंत्री बावनकुळे म्हणाले, मुंबईची विजेची मागणी पूर्ण करण्यात येत आहे. मुंबईत भारनियमन होणार नाही.    तसेच महानगरांमध्येही भारनियमन होणार नाही. टाटा पॉवरकडून सध्या 850 मेगावॉट, जलविद्युतद्वारे 410 मेगावॉट, डहाणूकडून 240 मेगावॉट, व्हीआयपीएल 310 मेगावॉट, लघुकालीन निविदा व एक्स्चेंजच्या माध्यमातून 1530 मेगावॉट वीज मिळत आहे.
Saturday, October 07, 2017 AT 08:50 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: