Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 19
5मुंबई, दि. 17 (प्रतिनिधी) : राज्यात उद्योजकता वाढीस लागावी आणि नवनवीन संकल्पनांच्या माध्यमातून अर्थव्यवस्थेला चालना मिळावी यासाठी राज्यात ‘स्टार्ट-अप’ धोरण राबविण्यास आज मंत्रिमंडळाच्या बैठकीत मान्यता देण्यात आली. या धोरणानुसार पुढील पाच वर्षात जैव तंत्रज्ञान, कृत्रिम बुद्धिमता, माहिती तंत्रज्ञान, स्वच्छ ऊर्जा निर्मिती आदी वैशिष्ट्यपूर्ण क्षेत्रांमध्ये नावीन्यपूर्ण संकल्पना राबविण्यासाठी उद्योजकांना प्रोत्साहन देण्यात येणार आहे. देशाच्या जीडीपीमध्ये महाराष्ट्राचा वाटा 15 टक्के असून भविष्यात तो अधिक वाढावा यासाठी राज्याच्या आर्थिक आणि औद्योगिक विकासास चालना देण्याचा प्रयत्न आहे. तरुणांना स्वत:चे उद्योग उभारता यावेत यासाठी ज्येष्ठ शास्त्रज्ञ रघुनाथ माशेलकर यांच्या सहअध्यक्षतेतील महाराष्ट्र राज्य नावीन्यता सोसायटीच्या माध्यमातून हे धोरण तयार करण्यात आले आहे. या धोरणानुसार पुढील पाच वर्षांच्या कालावधीत विविध उद्दिष्ट्ये साध्य करण्यात येणार आहेत.
Thursday, January 18, 2018 AT 08:53 PM (IST)
मुख्यमंत्र्यांचे भाजप कार्यकर्त्यांना आदेश 5मुंबई, दि. 16 (प्रतिनिधी) :भीमा - कोरगाव हिंसाचारामागे भाजपला बदनाम करण्याचे मोठे षडयंत्र होते. भविष्यातही असे प्रयत्न होण्याची शक्यता असल्याने भाजप कार्यकर्त्यांनी सतर्क राहावे, असा सल्ला देतानाच आगामी निवडणुकीच्या तयारीला लागण्याचे आदेश मुख्यमंत्री देवेंद्र फडणवीस यांनी आज भाजप कार्यकारिणीच्या बैठकीत दिले. भाजप प्रदेश कार्यकारिणीची बैठक दादर येथील वसंतस्मृती येथे मंगळवारी झाली. या बैठकीत मुख्यमंत्र्यांनी आपल्या भाषणात निवडणुकांसाठी तयार राहण्याचा आदेश पदाधिकार्‍यांना दिला. सरकार आपली जबाबदारी नीट पार पाडत आहे, तरीही कारस्थाने करून पक्ष व सरकारची प्रतिमा खराब करण्याचे प्रयत्न सुरू आहेत. त्यामुळे सावध राहा. पक्षबांधणीवर लक्ष केंद्रित करून निवडणुकीच्या तयारीला लागा, असे आदेश मुख्यमंत्र्यांनी दिले. दलित समाजाच्या शंका दूर करा भीमा-कोरगाव येथील हिंसाचारामागे षडयंत्र होते. त्यामुळे दलित समाजात काही गैरसमज निर्माण झाले असतील तर ते दूर करा.
Wednesday, January 17, 2018 AT 08:56 PM (IST)
5पुणे, दि. 9 (प्रतिनिधी) : भीमा-कोरेगाव येथील हिंसाचार प्रकरणी आठवडाभरानंतर पोलिसांनी कारवाईचा बडगा उगारला आहे. पोलिसांनी सणसवाडी, भीमा कोरेगाव आणि कोंढापुरी या भागातून 12 जणांना अटक केली आहे. संशयितांमध्ये तीन अल्पवयीन मुलांचा समावेश आहे. भीमा-कोरेगाव येथे 1 जानेवारी रोजी विजयस्तंभास मानवंदना देण्यासाठी राज्याच्या कानाकोपर्‍यातून आंबेडकरी चळवळीतील कार्यकर्ते लाखोंच्या संख्येने जमले होते. या दरम्यान, समाजकंटकांनी त्यांच्या वाहनांवर दगडफेक केली होती. या दगडफेकीत अनेक जण जखमी झाले होते. या घटनेचे पडसाद राज्यभर उमटले होते. हिंसाचाराच्या निषेधार्थ आंबेडकरवादी संघटनांनी महाराष्ट्र बंद आंदोलन केले होते. या घटनेला एक आठवडा झाला असताना आता पोलिसांनी हिंसाचार प्रकरणी कारवाई सुरू केली आहे. भीमा-कोरेगाव हिंसाचार प्रकरणी पोलिसांनी मंगळवारी 12 जणांना अटक केली असून त्यात तीन अल्पवयीन मुलांचा समावेश आहे. न्यायालयाने संशयितांना दोन दिवसांची पोलीस कोठडी सुनावली आहे. या संशयितांची चौकशी करून दगडफेकीचे कारण आणि जमावाला चिथावणी देण्यात आली होती का, या प्रश्‍नांची उत्तरे शोधण्याचा प्रयत्न पोलीस करतील.
Wednesday, January 10, 2018 AT 09:04 PM (IST)
5मुंबई, दि. 4 (प्रतिनिधी) : भीमा-कोरेगावच्या घटनेनंतर झालेल्या महाराष्ट्र बंद आंदोलनात एसटीचे तब्बल 20 कोटी रुपयांचे नुकसान झाले आहे. आर्थिक नुकसान झाले असले तरी आंदोलकांच्या भावनांचा आदर राखत एस. टी.चे झालेले नुकसान आंदोलकांकडून न घेता एस. टी. स्वत: सोसेल, अशी माहिती परिवहन मंत्री व एस. टी. महामंडळाचे अध्यक्ष दिवाकर रावते यांनी आज दिली. या काळात एस. टी.ची वाहतूक ठप्प झाल्याने प्रवाशांचे अतोनात हाल झाल्याबद्दलही रावते यांनी दिलगिरी व्यक्त केली आहे.  आंदोलनात सलग दोन दिवस एसटीच्या 217 बसेसची मोडतोड झाली. त्यामध्ये सुमारे 1 कोटी रुपयांचे नुकसान झाले आहे. बंद काळात 250 आगारांपैकी 213 आगार क्षेत्रातील एसटीची बहुतांश वाहतूक ठप्प झाल्यामुळे 19 कोटी रुपयाचा महसूल बुडाला आहे. हे नुकसान भरून न निघणारे असून आंदोलन काळात तोडफोड झालेल्या बसेस भविष्यात दुरुस्त होऊन रस्त्यावर सुरळीत धावेपर्यंत एसटीला तिच्या दैनंदिन महसुलापासून वंचित राहावे लागणार आहे. त्याचा सद्य स्थितीला अंदाज वर्तवणे कठीण आहे, अशी माहिती एसटी प्रशासनाने दिली आहे.
Friday, January 05, 2018 AT 08:55 PM (IST)
5लखनौ, दि. 24 (वृत्तसंस्था) : केंद्र सरकारचे प्रस्तावित तीन तलाक विरोधी विधेयक मुस्लीम महिलांच्या आणि घटनाविरोधी असल्याचा दावा करत अखिल भारतीय मुस्लीम व्यक्तिगत कायदा मंडळाने (एआयएमपीएलबी) या विधेयकाला विरोध केला आहे. हे विधेयक शरियतच्या विरुद्ध आहे. या विधेयकामुळे अनेक मुस्लीम कुटुंबे उद्ध्वस्त होणार असल्याने हे विधेयक केंद्र सरकारने मागे घ्यावे, असे आवाहनही मंडळाने केले आहे. या विधेयकाचा मसुदा तयार करताना कोणतीही वैध प्रक्रिया पूर्ण करण्यात आली नाही. या विधेयकाबाबत त्याच्याशी संबंधित घटकांचे मत जाणून घेण्यात आले नाही आणि सरकारने कोणाशी चर्चाही केली नाही. त्यामुळे हे विधेयक मागे घेण्याचे आवाहन आम्ही पंतप्रधानांना करत आहोत, असे मंडळाचे अध्यक्ष सज्जाद नोमानी यांनी सांगितले. ‘एआयएमपीएलबी’ची तातडीची बैठक लखनौमध्ये रविवारी झाली. या बैठकीत केंद्राच्या तीन तलाकविरोधी विधेयकाला विरोध करणारा प्रस्ताव मंजूर करण्यात आला. तीन तलाकविरोधात केंद्र सरकार आणत असलेल्या विधेयकाने अनेक कुटुंबे उद्ध्वस्त होतील. हे विधेयक रेटून एक प्रकारचा गुन्हाच केला जात आहे, असा आरोपही ‘एआयएमपीएलबी’कडून करण्यात आला आहे.
Monday, December 25, 2017 AT 09:10 PM (IST)
1 2 3 4
 
© Copyrights 2010 Dainik Aikya.com - All rights reserved.
of
Powered By: