Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 47
5मुंबई, दि. 8 (प्रतिनिधी) : भाजप-सेनेचे बिनसल्याने निर्माण झालेल्या पेचामुळे राजकीय घडामोडींना वेग आला असून शिवसेना नेते व खासदार संजय राऊत यांनी राष्ट्रवादी काँग्रेस अध्यक्ष शरद पवार यांची भेट घेऊन चर्चा केली. तर पवार यांच्या निवासस्थानी राष्ट्रवादी व काँग्रेसच्या प्रमुख नेत्यांची बैठक होऊन या बैठकीत पुढील रणनीती ठरवण्यात आली. राज्यपाल काय भूमिका घेतात ते पाहून पुढील पावलं टाकण्याचा निर्णय या बैठकीत घेण्यात आला. शिवसेना-भाजपत गेले 15 दिवस धुमसत असलेल्या संघर्षाचा आज अखेर स्फोट झाला. मुख्यमंत्री देवेंद्र फडणवीस यांनी आपल्या पदाचा राजीनामा दिल्यानंतर पत्रकार परिषद घेऊन शिवसेनेवर जोरदार हल्ला चढवला. तर शिवसेना पक्षप्रमुख उद्धव ठाकरे यांनी त्या पाठोपाठ घेतलेल्या पत्रकार परिषदेत मुख्यमंत्री व भाजपवर पलटवार केला.    यामुळे युती फुटीच्या मार्गावर असून आता फक्त त्याची औपचारिक घोषणा शिल्लक असल्याचे स्पष्ट झाले आहे. मुख्यमंत्र्यांनी राजीनामा देताच शिवसेना नेते व खासदार संजय राऊत यांनी तातडीने राष्ट्रवादी काँग्रेस अध्यक्ष शरद पवार यांच्या ‘सिल्व्हर ओक’ या निवासस्थानी धाव घेतली.
Saturday, November 09, 2019 AT 08:42 PM (IST)
राज्यात देवेंद्र फडणवीस यांच्या नेतृत्वातच सरकार : पाटील 5मुंबई, दि. 5 (प्रतिनिधी) : शिवसेनेच्या भूमिकेमुळे निर्माण झालेली कोंडी फुटत नसल्याने भाजपने सर्वात मोठा पक्ष म्हणून सत्तास्थापनेची तयारी सुरु केली आहे. शिवसेनेला आपला निर्णय घेण्यासाठी दोन दिवसांचा ‘अल्टीमेटम’ दिला आहे. भाजप कोअर कमेटीच्या बैठकीनंतर प्रदेशाध्यक्ष चंद्रकांत पाटील यांनी राज्यातील जनतेने शिवसेना-भाजप महायुतीला जनादेश दिला असून त्याचा आदर करुन लवकरात लवकर सरकार स्थापन करु, असे सांगितले. शिवसेनेकडून अजून प्रस्ताव आलेला नाही, मात्र चर्चेसाठी आमची दारं नेहमीच खुली असल्याचे सांगतानाच भाजपकडून आता कोणताही प्रस्ताव पाठवला जाणार नाही, असे त्यांनी सूचित केले. तर लवकरच तुम्हाला गोड बातमी मिळेल, असे सूचक वक्तव्य करताना अर्थमंत्री सुधीर मुनगंटीवार यांनी सत्ता स्थापनेचे सूतोवाच केले. मुख्यमंत्री देवेंद्र फडणवीस यांनी काल दिल्लीला जाऊन पक्षाध्यक्ष व केंद्रीय गृहमंत्री अमित शहा यांची भेट घेतली व त्यांना महाराष्ट्रातील राजकीय स्थितीबाबत माहिती दिली होती.
Wednesday, November 06, 2019 AT 08:40 PM (IST)
5मुंबई, दि. 3 (प्रतिनिधी) : राज्याचा निवडणुकीचा निकाल लागून आठवडा उलटला तरी अद्याप सर्वात मोठा पक्ष असलेल्या भाजपने सत्ता स्थापनेचा दावा केलेला नाही. त्यामुळे राज्याचा मुख्यमंत्री हा शिवसेनेचा करण्यासाठीच्या अंतिम निर्णयापर्यंत शिवसेना पक्ष प्रमुख उद्धव ठाकरे आले आहेत, अशी माहिती शिवसेना नेते व खासदार संजय राऊत यांनी आज एका पत्रकार परिषदेत दिली. लवकरच शिवसेनेचा मुख्यमंत्री होणार असून त्याचा शपथविधी शिवतीर्थावर होणार असल्याचा दावा संजय राऊत यांनी केला. भाजपचे राजकारण हे गुंडांच्या टोळ्यांपेक्षाही घाणेरडे असल्याची टीका संजय राऊत यांनी केली आहे. महाराष्ट्राचा मुख्यमंत्री हा शिवसेनेचाच असेल आणि त्याचा शपथविधी शिवतीर्थावर होईल असे राऊत पत्रकार परिषदेत ठामपणे म्हणाले. हा विश्‍वास त्यांनी 170 आमदारांच्या पाठिंब्यावर व्यक्त केला आहे. शिवसेनेला 170 आमदारांचं पाठबळ आहे आणि ही संख्या 175 पर्यंत देखील जाऊ शकते असा राऊतांचा दावा आहे. राष्ट्रवादी (54), काँग्रेस (44) व इतरांच्या मदतीने बहुमताचा आकडा 170 पर्यंत जाईल, असा विश्‍वास राऊत यांना आहे.
Monday, November 04, 2019 AT 08:30 PM (IST)
5मुंबई, दि. 31 (वृत्तसंस्था) : व्हॉट्सअ‍ॅपच्या माध्यमातून देशातील पत्रकार, मानवी हक्क चळवळीतील सामाजिक कार्यकर्ते, लोकप्रतिनिधी तसेच सर्वसामान्य नागरिकांच्या व्यक्तिगत जीवनात सुरू असलेली हेरगिरी निषेधार्ह व संतापजनक आहे, असे विधानपरिषदेचे विरोधी पक्ष नेते धनंजय मुंडे यांनी म्हटले आहे. ही हेरगिरी बंद करण्यासाठी तत्काळ उपाययोजना करून दोषींवर कारवाई करण्याची मागणी त्यांनी केली आहे.      याबाबत त्यांनी राज्यपाल भगतसिंह कोश्यारी यांना पत्र  दिले आहे.या पत्रात मुंडे यांनी म्हटले आहे,  व्हॉट्सअ‍ॅपच्या माध्यमातून देशातील जनतेच्या, पत्रकारांच्या, सामाजिक कार्यकर्त्यांच्या फोनमधील कॅमेरा, मायक्रोफोन उघडून त्यातील फोटो, व्हिडिओ, ऑडिओ संवादासारखी वैयक्तिक, खाजगी स्वरूपाची सगळीच माहिती काढून घेतली जात असल्याचे उघड झाले आहे. देशातील लोकसभा निवडणुकीच्या काळात 20 एप्रिल ते 10 मे या कालावधीत एका विशिष्ट संस्थेने मोठ्या प्रमाणात माहितीची हेरगिरी केली आहे. या हेरगिरीमागे शासकीय व्यवस्थेतील संस्थांचा सहभाग असण्याची शक्यताही मुंडे यांनी व्यक्त केली.
Friday, November 01, 2019 AT 08:42 PM (IST)
खा. संजय राऊत 5मुंबई, दि. 30 (प्रतिनिधी) : भाजप आणि शिवसेना या दोन्ही पक्षांनी सोबत राहण्यातच महाराष्ट्राचे हित आहे. सगळे काही ठरल्याप्रमाणे झाले तर राज्यात निश्‍चितच पाच वर्षे स्थिर सरकार मिळेल, असे शिवसेना प्रवक्ते संजय राऊत यांनी सांगितले. मुख्यमंत्री देवेंद्र फडणवीस यांची आज भाजप विधिमंडळ नेतेपदी निवड झाली. यावेळी बोलताना राज्यात पुन्हा एकदा महायुतीचेच सरकार येणार, असे ते म्हणाले. त्याकडे लक्ष वेधले असता राऊत यांनी फडणवीसांच्या भूमिकेचे स्वागत केले. ‘मुख्यमंत्रिपद’ आणि ‘ठरल्याप्रमाणे’ यावर आम्ही बोलत आहोत. येथे व्यक्ती नाही तर महाराष्ट्र महत्त्वाचा आहे. ज्याच्याकडे 145 हा बहुमताचा आकडा आहे तो कोणीही नेता वा आमदार या  राज्याचा मुख्यमंत्री होऊ शकतो, अशी टोलेबाजीही राऊत यांनी केली. सर्वात मोठा पक्ष म्हणून उद्या राज्यपाल एखाद्या पक्षाला सत्ता स्थापनेचे निमंत्रण देतीलही. पण त्यांनाही बहुमत सिद्ध करावेच लागेल. यावेळी महाराष्ट्राची कुंडली आम्हीच बनवणार आहोत. या कुंडलीत कोणते ग्रह कुठे बसवायचे, कोणते तारे जमिनीवर उतरवायचे हे शिवसेना ठरवणार आहे.
Thursday, October 31, 2019 AT 08:52 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: