Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 68
5नवी दिल्ली, दि. 16 (वृत्तसंस्था) : रामजन्मभूमी आंदोलनाचे प्रमुख नेते आणि विश्‍व हिंदू परिषदेचे माजी अध्यक्ष विष्णू हरी दालमिया यांचे प्रदीर्घ आजाराने दिल्लीतील गोल्फ लिंक येथील राहत्या घरी आज निधन झाले. 91 वर्षीय दालमिया यांनी सकाळी 9 वाजून 38 मिनिटांनी अखेरचा श्‍वास घेतला. दिल्लीतील निगमबोध घाटावर सायंकाळी त्यांच्या पार्थिवावर अंत्यसंस्कार करण्यात आले. यशस्वी उद्योगपती असलेल्या विष्णू हरी दालमिया यांना बर्‍याच दिवसांपासून श्‍वसनाचा त्रास होत होता. 22 डिसेंबर 2018 रोजी त्यांना अपोलो रुग्णालयात दाखल करण्यात आले होते. वीस दिवस उपचार केल्यानंतरही त्यांच्या प्रकृतीत सुधारणा होत नसल्याने त्यांना 14 जानेवारीला गोल्फ रिंक रस्त्यावरील त्यांच्या घरी हलवण्यात आले होते. तेथेच त्यांची प्राणज्योत मालवली. दालमिया यांनी रामजन्मभूमी आंदोलनात महत्त्वाची भूमिका बजावली होती. मथुरेतील श्रीकृष्ण जन्मस्थान संस्थानाचे मंदिराच्या पुनर्निर्माणात त्यांनी आपले वडील जय दयाल दालमिया यांच्यासोबत महत्त्वाचे योगदान दिले होते. या संस्थानचे व्यवस्थापक संचालक म्हणूनही त्यांनी काम पाहिले होते.
Thursday, January 17, 2019 AT 09:07 PM (IST)
सरकार स्थिर असल्याचा कुमारस्वामी यांचा दावा 5बंगलोर, दि. 15 (वृत्तसंस्था) : कर्नाटकात पुन्हा आमदारांचा घोडेबाजार सुरू होणार असल्याची चर्चा असतानाच दोन अपक्ष आमदारांनी काँग्रेस व धर्मनिरपेक्ष जनता दल सरकारचा पाठिंबा काढून घेतल्याने राज्यात खळबळ उडाली आहे. भाजपकडून पुन्हा ‘ऑपरेशन लोटस’ राबविण्यात येईल, अशी भीती काँग्रेसचे नेते व्यक्त करत असले तरी आपले सरकार स्थिर असल्याचा ठाम विश्‍वास मुख्यमंत्री एच. डी. कुमारस्वामी यांनी व्यक्त केला आहे. लोकसभा निवडणुकीला अवघे तीन-चार महिने उरले असताना कर्नाटकात राजकीय घडामोडींना वेग आला आहे. राज्यातील दोन अपक्ष आमदार एच. नागेश आणि आर शंकर यांनी जेडीयू-काँग्रेस आघाडी सरकारचा पाठिंबा काढून घेतल्याने कुमारस्वामी यांचे सरकार संकटात असल्याची चर्चा सुरू झाली आहे. काँगे्रसचे तीन आमदार मुंबईत असून ते भाजपच्या संपर्कात असल्याचे वृत्त होते. त्यात आता दोन अपक्ष आमदारांच्या या निर्णयाची भर पडल्याने कर्नाटकात राजकीय  खळबळ उडाली आहे. राज्यात पुन्हा घोडेबाजार सुरू होऊन एकमेकांचे आमदार फोडले जाण्याची भीती काँग्रेस व भाजपला वाटत आहे.
Wednesday, January 16, 2019 AT 09:17 PM (IST)
नक्षल कनेक्शन : गुन्हा रद्द करण्यास नकार 5नवी दिल्ली, दि. 14 (वृत्तसंस्था) : भीमा-कोरेगाव हिंसाचार प्रकरणातील एल्गार परिषद आणि नक्षलवाद्यांशी संबंध असल्याच्या आरोप प्रकरणी आनंद तेलतुंबडे यांना सर्वोच्च न्यायालयानेही दिलासा दिला नाही. तेलतुंबडेंविरोधातील गुन्हा रद्द करण्यास सर्वोच्च न्यायालयाने नकार दिला असून या संदर्भातील तेलतुंबडे यांची याचिका न्यायालयाने फेटाळली आहे. यापूर्वी मुंबई उच्च न्यायालयानेही त्यांच्यावरील गुन्हा रद्द करण्यास नकार दिला होता. तेलतुंबडे यांना कारवाईपासून देण्यात आलेले संरक्षण मात्र न्यायालयाने चार आठवड्यांपर्यंत कायम ठेवले आहे. तपासाची व्याप्ती प्रचंड वाढली आहे. त्यामुळे गुन्हा रद्द करण्याचा प्रश्‍न उद्भवत नाही,  असे मत न्यायालयाने नोंदवले. नक्षलवादी संघटनेशी संबंध असल्या प्रकरणी पुणे पोलिसांनी आनंद तेलतुंबडे यांच्यावर कारवाई केली होती. या कारवाईविरोधात तेलतुंबडे यांनी प्रथम मुंबई उच्च न्यायालयात याचिका दाखल केली होती. पुणे पोलिसांनी दाखल केलेला गुन्हा रद्द करावा, अशी मागणी त्यांनी याचिकेद्वारे केली होती.
Tuesday, January 15, 2019 AT 08:44 PM (IST)
5लखनऊ, दि. 13 (वृत्तसंस्था) :  उत्तर प्रदेशमध्ये समाजवादी पार्टी आणि बहुजन समाजवादी पार्टीच्या युतीनंतर काँग्रेसने रविवारी स्वबळावर लढण्याची घोषणा केली आहे. उत्तर प्रदेशातील सर्व 80 जागांवर उमेदवार उभे करणार असल्याची घोषणा काँग्रेसने केली आहे. या दरम्यान असेही वृत्त आहे, की राज्याचे माजी मुख्यमंत्री अखिलेश यादव यांचे काका शिवपाल यादव काँग्रेसच्या संपर्कात आहेत. काँग्रेसचे महासचिव आणि यूपीचे प्रभारी गुलाम नबी आझाद यांनी पत्रकार परिषद घेऊन ही घोषणा केली. काँग्रेस सर्व 80 जागांवर पूर्ण ताकदीनीशी लढणार आहे. देशात होणार्‍या निवडणुकांमधील मुख्य लढाई भाजप आणि काँग्रेसमधील आहे. त्यासाठी पक्षाने तयारी सुरू केली असल्याची आझाद यांनी सांगितले. काँग्रेसचे उत्तर प्रदेश प्रमुख राज बब्बर देखील यावेळी उपस्थित होते. काँग्रेस राज्यातल्या महाआघाडीचा हिस्सा असेल, अशी चर्चा आधी होती. पण शनिवारी सपा-बसपाने युतीची घोषणा केली आणि सर्व चर्चांना विराम दिला. आम्ही ही आघाडी तोडली नाही. आम्ही आधीच स्पष्ट केले होते, की भाजपचा पराभव करण्यासाठी आम्ही प्रत्येक पक्षासोबत जायला तयार आहोत. पण आम्ही कोणावर बळजबरी करू शकत नाही.
Monday, January 14, 2019 AT 08:43 PM (IST)
उच्चाधिकार निवड समितीचा बहुमताने निर्णय 5नवी दिल्ली, दि. 10 (वृत्तसंस्था) : सर्वोच्च न्यायालयाने आलोककुमार वर्मा यांची केंद्रीय अन्वेषण विभागाच्या (सीबीआय) संचालकपदी पुनर्स्थापना करुन दोन दिवस उलटत नाहीत तोच त्यांची या पदावरून उचलबांगडी करण्यात आली आहे. पंतप्रधान नरेंद्र मोदी यांच्या अध्यक्षतेखालील उच्चाधिकार निवड समितीने गुरुवारी हा निर्णय घेतला. वर्मा यांची केंद्रीय अग्निसुरक्षा विभागात महासंचालकपदावर नियुक्ती करण्यात आली आहे. आलोक वर्मा हे 1979 च्या बॅचचे ‘एजीएमयूटी’ (अरुणाचल प्रदेश, गोवा, मिझोराम आणि अंदमान-निकोबार वगळून इतर केंद्रशासित प्रदेश) केडरचे आयपीएस अधिकारी आहेत. भ्रष्टाचार आणि कर्तव्यात कसूर, या दोन आरोपांवरून त्यांची सीबीआय संचालकपदावरून उचलबांगडी करण्यात आली आहे. अशा प्रकारची कारवाई झालेले ते सीबीआयचे पहिलेच संचालक आहेत. हा निर्णय घेणार्‍या पंतप्रधान नरेंद्र मोदींच्या अध्यक्षतेखालील निवड समितीत काँग्रेस नेते मल्लिकार्जुन खरगे, सर्वोच्च न्यायालयाचे न्या. ए. के. सिक्री यांचा समावेश होता. वर्मा यांना हटवण्याचा निर्णय दोन विरुद्ध एका मताने घेण्यात आला.
Friday, January 11, 2019 AT 08:49 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: