Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 70
5नवी दिल्ली, दि. 25 (वृत्तसंस्था) : देशभरात पेट्रोल, डिझेल दरवाढीने उच्चांक गाठला आहे. या दोन्ही इंधनांच्या दरात सलग बाराव्या दिवशी दरवाढ करण्यात आली. पेट्रोलच्या दरात 36 पैशांनी तर डिझेलच्या दरात 22 पैशांनी दरवाढ करण्यात आल्याने शुक्रवारी मुंबईत पेट्रोलचा दर 85.65 रुपये तर डिझेलचा दर 73.18 रुपये झाला होता. सर्वाधिक कर, व्हॅट यामुळे इतर राज्यांच्या तुलनेत महाराष्ट्रात पेट्रोल, डिझेलच्या किमतींचा सर्वाधिक भडका उडाला आहे. त्यातही विदर्भातील अमरावती जिल्ह्यात पेट्रोलचे दर सर्वाधिक आहेत. अमरावतीत आज पेट्रोलचा दर 86.98 रुपये तर डिझेलचा दर 74.33 रुपये होता.  कर्नाटक विधानसभा निवडणूक संपल्यानंतर देशात दररोज पेट्रोल, डिझेलची दरवाढ होत असल्याने येत्या काही दिवसांत महागाई वाढणार आहे. त्यामुळे पेट्रोल, डिझेल दरवाढीच्या निषेधार्थ देशभरात मोर्चे काढण्यात येत आहेत.
Saturday, May 26, 2018 AT 08:54 PM (IST)
वीस जण जखमी हजारो लोकांचे स्थलांतर 5जम्मू, दि. 23 (वृत्तसंस्था) : मुस्लिमांच्या पवित्र रमजानच्या निमित्ताने भारताने एकतर्फी शस्त्रसंधीचा निर्णय घोषित केला असताना पाकिस्तानकडून आंतरराष्ट्रीय सीमेवर गोळीबार सुरू आहे. मंगळवारी रात्रीपासून पाक रेंजर्सनी संपूर्ण आंतरराष्ट्रीय सीमेवर केलेल्या गोळीबारात  चार नागरिक ठार झाले तर वीस जण जखमी झाले आहेत. जखमींमध्ये सीमा सुरक्षा दलाच्या तीन जवानांचा समावेश आहे. पाककडून होत असलेल्या गोळीबाराने भयभीत झालेल्या हजारो नागरिकांनी आपली गावे सोडून सुरक्षित स्थळी स्थलांतर केले आहे. पाकच्या गोळीबाराला प्रत्युत्तर देताना काही दिवसांपूर्वी सीमा सुरक्षा दलाने तुफानी गोळीबार व उखळी तोफांचा मारा केला होता. त्यात पाकच्या सीमावर्ती भागातील अनेक नागरिक ठार झाले होते तर पाक रेंजर्सच्या दोन चौक्या उद्ध्वस्त झाल्या होत्या.          त्यामुळे गुडघे टेकलेल्या पाक रेंजर्सनी सीमा सुरक्षा दलाला गोळीबार थांबवण्याची विनवणी केली होती. मात्र, पाकिस्तानने पुन्हा एकदा भारतीय सीमेवर गोळीबार सुरू केला आहे.
Thursday, May 24, 2018 AT 08:43 PM (IST)
अर्थ व पेट्रोलियम मंत्रालयात सल्लामसलत 5नवी दिल्ली, दि. 22 (वृत्तसंस्था) : पेट्रोल व डिझेलच्या दरात रोज वाढ होत असल्याने महागाईचा भडका उडण्याची भीती असतानाच इंधन दरांमधील वाढ रोखण्यासाठी केंद्र सरकारकडून अनेक पावले उचलण्यात येतील, अशी माहिती केंद्रातील एका उच्चपदस्थ अधिकार्‍याने दिली आहे. याबाबत अर्थ मंत्रालय पेट्रोलियम मंत्रालयाशी चर्चा करत असून केवळ अबकारी करातील कपात नव्हे तर अन्य पावलेही उचलली जाण्याची शक्यता या अधिकार्‍याने व्यक्त केली. दरम्यान, पेट्रोल व डिझेलच्या किमती रोज नवनवा उच्चांक गाठत असून मंगळवारी मुंबईत पेट्रोल 84.73 रुपये तर डिझेल 72.53 रुपये प्रतिलिटर झाले होते.   कर्नाटक विधानसभा निवडणुकीचा प्रचार सुरू असताना तेल कंपन्यांना इंधन दरवाढ रोखून धरण्याचे निर्देश केंद्र सरकारने दिले होते. मात्र, निवडणूक संपल्यानंतर पेट्रोल व डिझेलच्या किमती दररोज वाढत आहेत. त्यामुळे महागाई वाढण्याचा धोका आहे. या दरवाढीवरून विरोधक आक्रमक झाले असून सामान्य जनतेत असंतोष आहे. सोशल मीडियावरून मोदी सरकारवर टीका सुरू आहे. इंधन दरवाढीमुळे केंद्र सरकारपुढे आणीबाणीची वेळ आली आहे.
Wednesday, May 23, 2018 AT 09:17 PM (IST)
भाजप अध्यक्ष अमित शहांचा सवाल 5नवी दिल्ली, दि. 21 (वृत्तसंस्था) : कर्नाटकातील जनतेने काँग्रेसविरोधी आणि त्यांच्या मुख्यमंत्र्यांच्या विरोधी कौल दिला असताना काँग्रेसचे नेते कशाचा जल्लोष करत आहेत, असा सवाल भाजप अध्यक्ष अमित शहा यांनी केला आहे. कर्नाटकात भाजप नेते येडियुरप्पा यांनी मुख्यमंत्रिपदाचा राजीनामा दिल्यानंतर अमित शहा यांनी आज पहिल्यांदाच पत्रकार परिषद घेतली. त्यात त्यांनी काँग्रेसवर सडकून टीका केली. या निवडणुकीच्या निमित्ताने काँग्रेसचा सर्वोच्च न्यायालय, ईव्हीएम मशीन आणि निवडणूक आयोगावरचा विश्‍वास वाढला आहे, ही चांगली गोष्ट आहे. यापुढेही पराभवानंतर किंवा सरकार स्थापन करता आले नाही तरी काँग्रेसचा या लोकशाही संस्थावर विश्‍वास कायम राहील, अशी आशा आहे, असा टोला लगावतानाच आम्ही घोडेबाजार केला असता तर सत्ता स्थापन केली असती, असे शहा यांनी सांगितले. काँग्रेस-धजद ही अभद्र युती आहे. कर्नाटकात जनतेने काँग्रेसच्या विरोधात कौल दिला आहे. कर्नाटकात कोणत्याच पक्षाला बहुमत नव्हते. भाजप सर्वात मोठा पक्ष होता. त्यामुळे आम्ही सत्ता स्थापनेचा दावा केला.
Tuesday, May 22, 2018 AT 08:52 PM (IST)
5कर्नाटक, दि. 20 (वृत्तसंस्था) : कर्नाटकमध्ये बहुमत सिद्ध करण्यात भाजपला अपयश आले आहे. त्यानंतर काही तासातच काँग्रेस आणि जेडीएस युतीचे नवीन सरकार स्थापन होईल. याच पार्श्‍वभूमीवर राजकारणात प्रवेश केलेले प्रसिद्ध अभिनेते रजनीकांत यांनी या निवडणुकांबाबत भाष्य केले आहे. कर्नाटकमध्ये लोकशाहीचा विजय झाला आहे. बहुमत सिद्ध करण्यासाठी भाजपने काही वेळ मागितला असताना राज्यपालांनी भाजपला दिलेली 15 दिवसांची मुदत ही लोकशाहीची थट्टा उडवणारी होती. मात्र सर्वोच्च न्यायालयाच्या निर्णयामुळे लोकशाहीचा विजय झाल्याने मी न्यायालयाचे आभार मानतो. आपला राजकीय पक्ष तामिळनाडूतील आगामी निवडणुका लढवेल, असे रजनीकांत यांनी काही दिवसांपूर्वीच जाहीर केले होते. मात्र, 2019 च्या निवडणुका लढवायच्या की नाही हे आम्ही निवडणुकांच्या तारखा जाहीर झाल्यानंतर ठरवू, असे त्यांनी आता स्पष्ट केले. आतापर्यंत पक्षाची स्थापना झालेली नसली तरीही आम्ही कोणत्याही गोष्टीसाठी तयार आहोत. कोणत्याही पक्षाशी युती करण्याबाबत आता वक्तव्य करणे घाईचे ठरेल, असेही त्यांनी स्पष्ट केले. यापूर्वी 31 डिसेंबर 2017 रोजी, ‘मी राजकारणात प्रवेश करणे ही काळाची गरज आहे.
Monday, May 21, 2018 AT 08:40 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: