Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 46
5नवी दिल्ली, दि. 17 (वृत्तसंस्था) : केंद्र सरकारने कर्मचार्‍यांना जोरदार झटका दिला आहे. चालू आर्थिक वर्षाच्या दुसर्‍या तिमाहीसाठी जनरल प्रॉव्हिडंट फंडाच्या (ॠझऋ) व्याजदरात कपात केली आहे. 10 बेसिस पॉइंटची कपात केल्यानंतर या फंडातील जमा रकमेवर 8 टक्क्यांऐवजी 7.9 टक्के व्याज मिळणार आहे. नवीन व्याजदर 1 जुलैपासून लागू झाले आहेत.  केंद्रीय अर्थ मंत्रालयानं जीपीएफवरील व्याजदरात कपात करण्यात येत असल्याची माहिती दिली. जीपीएफवर मिळणार्‍या व्याजदरात 10 बेसिस पॉइंटची कपात केली आहे. 1 जुलैपासून 7.9 टक्के व्याज मिळणार आहे, असं अर्थ मंत्रालयाकडून सांगण्यात आलं. गेल्या तीन तिमाहीपासून या फंडावर 8 टक्के व्याज मिळत होते.
Thursday, July 18, 2019 AT 08:30 PM (IST)
5नवी दिल्ली, दि. 16 (वृत्तसंस्था) : पंतप्रधान नरेंद्र मोदी आणि केंद्रीय गृहमंत्री अमित शहा यांच्या अध्यक्षतेखाली भाजपच्या संसदीय पक्षाची बैठक मंगळवारी नवी दिल्लीत झाली. यावेळी मंत्र्यांच्या कामकाजाच्या पद्धतीवरून मोदी भलतेच आक्रमक दिसले. लोकसभा आणि राज्यसभेत न फिरकणार्‍या मंत्र्यांची नावे सांगा. त्यांना ताळ्यावर आणणे मला चांगलेच जमते, अशी तंबी मोदी यांनी दिली. पंतप्रधान मोदींनी बैठकीला उपस्थित खासदारांनाही सूचना दिल्या. सामाजिक कार्य तसेच आपापल्या मतदारसंघांमध्ये नवीन काहीतरी करुन दाखवा. देशातील 115 मागास जिल्ह्यांमध्ये विकासकामे करण्याची गरज आहे, असेही मोदी यांनी सांगितले. मंत्र्यांच्या कार्यपद्धतीकडेही मोदींनी लक्ष वेधले. जे मंत्री ड्युटीवर जाण्यास टाळाटाळ करतात त्यांच्या नावांची यादी माझ्याकडे द्या. सगळ्यांना ताळ्यावर आणणे मला चांगलेच जमते. राज्यसभा आणि लोकसभेत मंत्र्यांना दोन-दोन तासांची ड्युटी लावली जाते. पण अनेकदा मंत्री सभागृहात येत नाहीत. त्यामुळे विरोधक पत्र लिहून पंतप्रधानांकडे त्यांची तक्रार करतात, याकडेही मोदींचे लक्ष वेधले.  
Wednesday, July 17, 2019 AT 08:32 PM (IST)
5नवी दिल्ली, दि. 15 (वृत्तसंस्था) : लोकसभेमध्ये सोमवारी केंद्रीय गृहमंत्री अमित शाह आणि एमआयएमचे अध्यक्ष असदुद्दीन ओवेसी यांच्यामध्ये जोरदार शाब्दिक संघर्ष झाला. लोकसभेत सत्यपाल सिंह बोलत असताना असदुद्दीन ओवेसी यांनी अडथळा आणला. त्यावेळी अमित शाह आपल्या आसनावरून उठून उभे राहिले व तुम्ही आधी का नाही बोललात? ओवेसी साब सुनने की भी आदत डालिए, अशा शब्दात त्यांनी ओवेसींना खडेबोल सुनावले. या शाब्दिक संघर्षाच्यावेळी मी कोणाला घाबरवत नाहीय. पण कोणाच्या मनात भीती असेल तर मी काही करू शकत नाही, असे अमित शाह ओवेसी यांना उद्देशून म्हणाले. एनआयए सुधारणा विधेयकावर संसदेत चर्चा सुरू असताना दोन्ही नेत्यांमध्ये ही वादावादी झाली. भाजपचे खासदार सत्यपाल सिंह बोलत असताना ओवेसींसह विरोधी पक्षाच्या सदस्यांनी गोंधळ घालायला सुरुवात केली. राज्यातील एका नेत्याने हैदराबादच्या पोलीस प्रमुखांना एका ठराविक प्रकरणात तपासाची दिशा बदलण्यास सांगितली होती. जर असे केले नाही तर बदली करण्याची धमकी दिली होती, असा आरोप सत्यपाल सिंह यांनी केला. त्यावरून वादा-वादीला सुरुवात झाली.
Tuesday, July 16, 2019 AT 08:30 PM (IST)
5नवी दिल्ली, दि. 14 (वृत्तसंस्था) : कर्तारपूर कॉरिडॉरशी निगडीत अनेक महत्त्वपूर्ण बाबींवर अंतिम निर्णय घेण्यासाठी भारत- पाकिस्तानच्या उच्चस्तरीय अधिकार्‍यांची दुसर्‍या टप्प्यातील बैठक वाघा बॉर्डर येथे झाली. रविवारी सकाळी सुरू झालेल्या या बैठकीत सहभागी होण्यासाठी दोन्ही देशांचे प्रतिनिधीमंडळ वाघा बॉर्डरवर पोहोचले होते. बैठकी दरम्यान भारताच्या अनेक मागण्या पाकिस्तानकडून मान्य करण्यात आल्या आहेत. त्यातील एक मोठी मागणी म्हणजे भारतातील शीख भाविकांना कर्तारपूर साहिब येथे जाण्यासाठी आता व्हिसाची गरज लागणार नाही. दररोज जवळपास पाच हजार भाविक कर्तारपूर साहिब येथे जाऊन दर्शन घेऊ शकतात. या शिवाय अन्य काही मुद्द्यांवर देखील भारताला पाठिंबा देणार असल्याचे पाकिस्तानने सांगितले आहे.    गृह मंत्रालयाचे संयुक्त सचिव एससीएल दास यांनी सांगितले, की  दररोज पाच हजार भाविकांना गुरूद्वारा श्री कर्तारपूर साहिब येथे दर्शनासाठी परवानगी, गुरूपर्व आणि विशेष ऐतिहासिक दिवशी दहा हजार भाविकांना दर्शनास परवानगी देण्याची मागणी करण्यात आली होती. शिवाय भाविकांच्या प्रवेश शुल्काबाबतही चर्चा झाली आहे.
Monday, July 15, 2019 AT 08:34 PM (IST)
5बंगळुरू, दि. 12 (वृत्तसंस्था) : सर्वोच्च न्यायालयाने कर्नाटकातील राजकीय परिस्थिती मंगळवारपर्यंत जैसे थे ठेवण्याचे आदेश दिलेले असतानाच मुख्यमंत्री कुमारस्वामी यांनी विधानसभेत विश्‍वासदर्शक ठराव मांडण्यास तयार असल्याची घोषणा केली आहे. विश्‍वासदर्शक ठराव मांडण्यासाठी कुमारस्वामी यांनी विधानसभा अध्यक्षांना वेळही मागितली आहे. कर्नाटकातील बंडखोर आमदारांनी दिलेले राजीनामे आणि या आमदारांना अपात्र ठरविण्याबाबत विधानसभा अध्यक्षांकडे आलेली याचिका याचा वाद सर्वोच्च न्यायालयात गेल्यानंतर न्यायालयाने मंगळवारपर्यंतकर्नाटकची राजकीय परिस्थिती जैसे थे ठेवण्याचे आदेश विधानसभा अध्यक्षांना दिले आहेत. त्यामुळे या आमदारांचे राजीनामे लटकले आहेत. या संधीचा राजकीय लाभ उठवण्यासाठी मुख्यमंत्री कुमारस्वामी यांनी कंबर कसली असून आपण विधानसभेत विश्‍वासदर्शक ठराव मांडण्यास तयार असल्याचे म्हटले आहे. सध्याच्या राजकीय घडामोडी पाहता तुम्ही मला वेळ आणि परवानगी द्यावी, मी माझं बहुमत सिद्ध करतो, अशी विनंतीच त्यांनी विधानसभा अध्यक्षांना केली आहे. त्यामुळे विधानसभा अध्यक्ष काय निर्णय घेतात, याकडे संपूर्ण देशाचे लक्ष लागले आहे.
Saturday, July 13, 2019 AT 08:51 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: