Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 28
  5नवी दिल्ली, दि. 19 (वृत्तसंस्था) : चांद्रयान-2 मोहिमेत पाठीशी उभे राहिल्याबद्दल देशवासीयांचे आभार मानल्यानंतर इस्रोने आज ऑर्बिटरच्या प्रकृतीची माहिती दिली. ऑर्बिटरच्या पेलोडवर करण्यात आलेले प्रारंभिक प्रयोग यशस्वी ठरले आहेत. सर्व पेलोडसची कामगिरी समाधानकारक आहे असे इस्रोने ट्विटमध्ये म्हटले आहे. चांद्रयान-2 चा ऑर्बिटर ठरल्याप्रमाणे सर्व वैज्ञानिक चाचण्या करत आहे. ऑर्बिटरमध्ये आठ अत्याधुनिक पेलोड आहेत. ज्यावरुन चंद्राचा नकाशा तयार करण्यात येईल तसेच चंद्रावर पाणी, बर्फ, खनिजांचा शोध घेतला जाईल. विक्रम लँडरबरोबर संपर्क का तुटला? ते शोधून काढण्यासाठी इस्रोच्या तज्ञांची समिती त्यावर काम करत असल्याची माहिती ट्विटमधून देण्यात आली आहे. ऑर्बिटरला चंद्राच्या आणखी जवळ नेणार ? चांद्रयान-2 मोहिमेतील लँडरशी संपर्क तुटला असला तरी चंद्राच्या कक्षेत फिरत असलेला ऑर्बिटर निर्णायक ठरेल असा विश्‍वास काही दिवसांपूर्वी इस्रोचे प्रमुख सिवान यांनी व्यक्त केला होता. ऑर्बिटरचे वाढलेले आयुष्य चांद्रयान-2 मोहिमेच्या पथ्यावर पडणारे असल्याचे इस्रोकडून सांगण्यात आले आहे. आधी ऑर्बिटरचे आयुष्य एक वर्ष  असणार होते.
Friday, September 20, 2019 AT 08:43 PM (IST)
बॉम्बवर्षाव पाहताच पाकिस्तान सैनिकांचे पलायन 5श्रीनगर, (वृत्तसंस्था) दि. 16 : जम्मू-काश्मीरमधून कलम 370 हद्दपार झाल्यावर पाकिस्तान सातत्याने स्वतःचे सैनिक आणि दहशतवाद्यांना भारतात घुसविण्याचा प्रयत्न करत आहे. 12-13 सप्टेंबर रोजी पाकच्या बॅटने (बॉर्डर ऍक्शन टीम) पीओकेतून काश्मीरमध्ये घुसण्याचा प्रयत्न केला असता प्रत्यक्ष नियंत्रण रेषेवर तैनात भारतीय सैनिकांनी त्यांच्यावर बॅरल ग्रेनेड लाँचरद्वारे बॉम्बवर्षाव करत ठार केले आहे. सैन्य विषयक यंत्रणेने या घटनेची एक चित्रफित प्रसारित केली आहे. यात दहशतवाद्यांवर बॉम्बवर्षाव केला जात असल्याचे दिसून येते. स्पेशल सर्व्हिस ग्रूपच्या दहशतवाद्यांचा खात्मा करण्यासाठी सैन्याने पीओकेच्या हाजीपीर सेक्टरमध्ये बॉम्ब डागले आहेत. भारतीय सैन्याने ऑगस्टमध्ये पाकिस्तानी सैनिक आणि दहशतवाद्यांच्या घुसखोरीचे 15 प्रयत्न हाणून पाडले आहेत. मागील महिन्यात बॅटच्या पथकाने केरन सेक्टरमध्ये नियंत्रण रेषा ओलांडण्याचा प्रयत्न केला होता. पण भारताच्या प्रत्युत्तराच्या कारवाईत 5-7 दहशतवादी मारले गेले होते. 4 पाकिस्तानी सैनिकांच्या मृतदेहांची छायाचित्रे प्रसारित करण्यात आली होती.
Friday, September 20, 2019 AT 08:33 PM (IST)
5स्ट्रासबर्ग (फ्रान्स), दि. 18 (वृत्तसंस्था) : काश्मीर संदर्भात अपप्रचार करून आंतरराष्ट्रीय मुद्दा बनवण्याच्या प्रयत्नात असलेल्या पाकिस्तानला युरोपीय महासंघाने खडेबोल सुनावले. युरोपीय महासंघातील अनेक सदस्यांनी पाकिस्तानवर सडकून टीका केली आहे. पाकिस्तानात दहशतवाद्यांना संरक्षण दिले जात असून ते शेजारील देशात हल्ले घडवून आणतात, असे सांगतानाच त्यांनी भारताला पाठिंबाही दिला. जम्मू-काश्मीरमधून कलम 370 हटवल्यानंतर पाकिस्तान अस्वस्थ झाला आहे. आंतरराष्ट्रीय व्यासपीठावर हा मुद्दा उपस्थित करून सहानुभूती मिळवण्याचा पाकिस्तानचा प्रयत्न आहे. मात्र, प्रत्येक ठिकाणी  पाकिस्तानच्या पदरी निराशा पडली. काश्मीरच्या मुद्द्यावर युरोपीय संघातही तब्बल 11 वर्षांनंतर चर्चा झाली. त्यात अनेक सदस्यांनी भारताला पाठिंबा दिला. यावेळी दहशतवादाच्या मुद्द्यावरून पाकिस्तानवर टीका केली. ‘भारतीय लोकशाही महान आहे. जम्मू-काश्मीरमधील दहशतवादी घटनांची आपण दखल घेतली पाहिजे. दहशतवादी हे चंद्रावरून येत नाहीत. ते शेजारी (पाकिस्तान) देशातून येतात.
Thursday, September 19, 2019 AT 08:29 PM (IST)
5नवी दिल्ली, दि. 16 (वृत्तसंस्था) : अयोध्येतील वादग्रस्त जमिनीबाबत हिंदू आणि मुस्लीम पक्षकारांकडून सुरुवातीला न्यायालयाबाहेर तडजोड होऊ न शकल्याने गेल्या 23 दिवसांपासून या प्रकरणाची सर्वोच्च न्यायालायात नियमित सुनावणी सुरू झाली आहे. मात्र, आता पुन्हा एकदा मध्यस्थीद्वारेच या प्रकरणावर तोडगा निघावा यासाठी दोन्ही पक्षकारांनी सर्वोच्च न्यायालायाने स्थापन केलेल्या मध्यस्थी पॅनलला पत्र लिहिले आहे. सर्वोच्च न्यायालायात नियमित सुनावणी होण्यापूर्वी न्यायालयाने मध्यस्थीने यावर तोडगा निघावा यासाठी एका पॅनलची स्थापना केली होती. या पॅनलद्वारे तोडगा काढण्यासाठी 155 दिवस प्रयत्न झाले मात्र, यावर कोणताही तोडगा निघू शकला नव्हता. सर्वोच्च न्यायालायाने नेमलेल्या या पॅनलमध्ये सर्वोच्च न्यायालायाचे न्या. एफ. एम. कलीफुल्ला, वरिष्ठ वकील श्रीराम पंचू आणि आध्यात्मिक गुरु श्री श्री रविशंकर या तीन व्यक्तींचा समावेश आहे. मात्र, पॅनलद्वारेही तोडगा निघू न शकल्याने अखेर सर्वोच्च न्यायालायाने या प्रकरणी नियमित सुनावणी घेण्याचा निर्णय झाला. या सुनावणीदरम्यान हिंदू पक्षकारांचा युक्तिवाद पूर्ण झाला आहे.
Tuesday, September 17, 2019 AT 08:38 PM (IST)
5बेंगळुरू, दि. 10 (वृत्तसंस्था) : चंद्राच्या भूमीवर सुरक्षित असलेल्या विक्रम लँडरशी अद्यापही संपर्क होऊ शकलेला नाही, अशी माहिती भारतीय अंतराळ संशोधन संस्थेने (इस्रो) ट्विटद्वारे दिली आहे. विक्रम लँडरशी संपर्क साधण्याचा सर्वतोपरी प्रयत्न सुरू असल्याचेही त्यांनी सांगितले. विक्रम लँडर चंद्राच्या पृष्ठभूमीवर आडव्या स्थितीत पडला असल्याची माहिती सोमवारी इस्रोच्या हाती लागली होती. ऑर्बिटरने पाठवलेल्या छायाचित्रांमध्ये विक्रम लँडर सुरक्षित असल्याचे स्पष्ट झाले असल्याचे इस्रोने स्पष्ट केले होते. विक्रम लँडरची कोणत्याही प्रकारची तूटफूट झाली नसल्याचे या छायाचित्राद्वारे स्पष्ट झाले. यानंतर शास्त्रज्ञांनी विक्रमशी संपर्क साधण्याचे प्रयत्न सुरू केले. 22 जुलै या दिवशी प्रक्षेपण झाल्यानंतर ‘चांद्रयान-2’ 47 दिवसांचा प्रवास करत आणि सर्व अडथळे पार करत चंद्राच्या जवळ पोहोचले होते. 6-7 दरम्यानच्या रात्री विक्रम लँडरसह रोव्हक प्रज्ञान चंद्राच्या पृष्ठभूमीवर उतरले.  मात्र चंद्राच्या भूमीपासून 2.1 कि.मी.च्या अंतरावर असताना विक्रम लँडरशी असलेला संपर्क तुटला.
Wednesday, September 11, 2019 AT 08:44 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: