Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 22
5नवी दिल्ली, दि. 11 (वृत्तसंस्था) : प्राप्तिकर विभागाने राजधानी दिल्लीतील सुमारे 20 हजार कोटी रुपयांचे हवाला रॅकेट सोमवारी उद्ध्वस्त केले आहे. या प्रकरणी प्राप्तिकर विभागाच्या अधिकार्‍यांनी  अनेक ठिकाणी छापे टाकून झाडाझडती घेतली. हवाला च्या माध्यमातून पैशांच्या अफरातफरीचा प्रकार सुरू होता. जुन्या दिल्लीत उद्योग क्षेत्रात गेले काही आठवडे प्राप्तिकर विभागाच्या दिल्ली तपास पथकाकडून टेहळणी सुरू होती. या टेहळणीमुळे हवाला पद्धतीने तीन उद्योग समूहांकडून अवैध पद्धतीने सुरू असलेल्या कारवायांचा माग लागला. त्यानंतर नया बाजार या भागात टाकलेल्या छाप्यात 18 हजार कोटी रुपयांची बनावट बिले सापडली, असे एका वरिष्ठ अधिकार्‍याने सांगितले. दरम्यान, प्राप्तिकर विभागाने यातील संशयितांची ओळख उघड केली नाही. दुसर्‍या एका प्रकरणात प्राप्तिकर विभागाने पैशांची अफरातफर करणार्‍या (मनी लाँडरिंग) संघटित टोळ्या शोधून काढल्या. या टोळ्यांचे सदस्य अनेक मोठ्या कंपन्यांची शेअर्सद्वारे फसवणूक करत असल्याचे उघड झाले आहे. आणखी एका टोळीचे विदेशी बँकेत खाते होते.
Tuesday, February 12, 2019 AT 08:51 PM (IST)
5नवी दिल्ली, दि. 10 (वृत्तसंस्था) : सोशल मीडिया आणि प्रिंट मीडियावर प्रचारास बंदी घालण्यत यावी, अशी सूचना निवडणूक आयोगाने विधी मंत्रालयाला केली असल्याची माहिती आहे. निवडणुकीत मतदानाच्या 48 तासांपूर्वी उमेदवारांना प्रचारास बंदी असते. त्याचप्रकारे याद्वारेही बंदी घालण्यात यावी, अशी मागणी करण्यात आली आहे. निवडणुकीच्या काळात सेक्शन 126 नुसार 48 तासांपूर्वी जाहीर सभा, रॅलीच्या माध्यमातून प्रचार करण्यास मनाई असते. मात्र उमेदवाराकडून प्रिंट मीडिया, सोशल मीडियावर जाहिराती देऊन प्रचार केला जातो. त्यामुळे निवडणूक आयोगाने विधी मंत्रालयाला याबाबत पत्र पाठवले आहे. शिवाय लवकरात लवकर निर्णय घ्यावा, असेही पत्रात म्हटले आहे. निवडणूक आयोगाच्या पत्रावर विधी मंत्रालयाने अजून तरी कोणतीही प्रतिक्रिया दिलेली नसल्याचे कळतंय. लोकसभा निवडणूक काही दिवसांवर आली आहे. आगामी दोन महिन्यात निवडणूक होण्याची शक्यता आहे. अशात निवडणूक आयोगाच्या सल्ल्यावर तत्काळ  अंमलबजावणी शक्य नसल्याचे बोलले जात आहे. पुढील आठवड्यात संसदेचे अर्थसंकल्पीय अधिवेशन सुरु होणार आहे. त्यानंतर निवडणुकीचा कार्यक्रम जाहीर होण्याची शक्यता आहे.
Monday, February 11, 2019 AT 09:03 PM (IST)
‘राफेल करारात फ्रान्स सरकारशी मोदींची प्रत्यक्षपणे सौदेबाजी’ 5नवी दिल्ली, दि. 8 (वृत्तसंस्था) : राफेल करारात पंतप्रधान नरेंद्र मोदी यांनी वायुदलाचे 30 हजार कोटी रुपये लुटले आणि उद्योगपती अनिल अंबानी यांना दिले, असा आरोप काँग्रेसचे अध्यक्ष राहुल गांधी यांनी शुक्रवारी झालेल्या एका पत्रकार परिषदेत केला. मोदींनी अनिल अंबानी यांना दिलेल्या पैशाचा मुद्दा आम्ही गेल्या वर्षभरापासून उपस्थित करत आहोत.  आता त्या संदर्भात अहवाल देखील प्रसिद्ध झाला आहे. त्यात मोदी हे राफेल कराराबाबत फ्रान्स सरकारशी प्रत्यक्षपणे सौदेबाजी करत आहेत, असे संरक्षण मंत्रालयाने सांगितल्याचेही त्यांनी म्हटले. मोदी सरकारने राफेल कराराबद्दल सर्वोच्च न्यायालयात खोटी माहिती सादर केली. याबाबत केवळ पंतप्रधान नरेंद्र मोदीच नव्हे, तर संरक्षण मंत्री निर्मला सीतारामन या देखील खोटं बोलल्या. अनिल अंबानी यांना या करारात समाविष्ट करण्यासाठी मोदी यांनीच मध्यस्थी केली आणि अनिल अंबानी यांना या करारात समाविष्ट करून घेण्यासाठी दबाव टाकला, असे फ्रान्सच्या माजी राष्ट्राध्यक्षांनी कबूल केले असल्याचे राहुल गांधी यांनी पत्रकार परिषदेत नमूद केले.
Saturday, February 09, 2019 AT 08:57 PM (IST)
5नवी दिल्ली, दि. 7 (वृत्तसंस्था) : केंद्रीय मंत्री नितीन गडकरी यांच्या कामाचे काँग्रेसच्या माजी अध्यक्षा दस्तुरखुद्द सोनिया गांधी यांनी कौतुक केले आहे. लोकसभेत गडकरींच्या कामाची वाहवा करताना सोनिया यांनी चक्क बाक वाजवून गडकरींच्या कार्याला दाद दिली. लोकसभेत गडकरींकडे असलेल्या खात्यासंदर्भात प्रश्‍न उपस्थित करण्यात आले होते. त्यावरील उत्तरादरम्यान खासदार सिंग यांच्या ‘वंडरफुल्ल’ शब्दाचा उल्लेख येताच सोनिया गांधी यांनी दाद देत गडकरींचे कौतुक केले. नितीन गडकरी यांच्याकडे केंद्रीय दळणवळण मंत्रालयाचा पदभार आहे. त्यानुसार, देशातील दळणवळण सुविधा आणि रस्ते बांधकामाची जबाबदारी त्यांच्याकडे आहे. त्यामुळे, लोकसभेत रस्ते मंत्रालयाकडून झालेल्या कामासंदर्भात आणि देशात सुरू असलेल्या कामासंदर्भातील प्रश्‍न विचारण्यात आला होता. त्यावर, उत्तर देताना गडकरींना देशातील सर्वच खासदार माझ्या आणि माझ्या मंत्रालयातील कामाबद्दल समाधानी असल्याचे म्हटले. या सर्वच खासदारांच्या मतदारसंघात सध्या रस्ते बांधणीची कामे सुरू असल्याचेही गडकरी यांनी सांगितले.
Friday, February 08, 2019 AT 08:48 PM (IST)
5नवी दिल्ली, दि. 7 (वृत्तसंस्था) : मनी लाँड्रिंग प्रकरणी काँग्रेस नेत्या प्रियांका गांधी यांचे पती रॉबर्ट वड्रा यांची गुरूवारी सलग दुसर्‍या दिवशी अंमलबजावणी संचालनालयाने (ईडी) 10 तास कसून चौकशी केली. रॉबर्ट वड्रा  यांना आज सकाळी साडेदहा वाजता ईडी कार्यालयात पोहोचायचे होते. मात्र, ते 11 वाजून 25 मिनिटांनी पोहोचले. त्यानंतर तब्बल दहा तास ते ईडी कार्यालयात होते. रात्री साडेनऊच्या सुमारास ते कार्यालयातून बाहेर पडले. या दरम्यान वड्रा  यांची कसून चौकशी करण्यात आली. आता शनिवारी वड्रा  यांना पुन्हा एकदा चौकशीसाठी ईडी कार्यालयात हजर राहण्यास सांगण्यात आले आहे. न्यायालयाने दिलेल्या निर्देशानुसार रॉबर्ट वड्रा बुधवारीसर्वप्रथम दिल्लीतील ईडी कार्यालयात हजर झाले होते. काल त्यांची सहा तास चौकशी करण्यात आली होती. दरम्यान, लंडनच्या 12, ब्रायनस्टोन स्क्वेअर येथील 19 लाख पौंड मूल्याची मालमत्ता वड्रा यांचीच असल्याचा तसेच लंडनमधील इतरही मालमत्ता त्यांनी खरेदी केल्याचा ‘ईडी’ चा आरोप आहे. या खरेदी व्यवहारात मनी लाँड्रिंगबाबतच्या कायद्यांचा भंग झाल्याचाही ‘ईडी’ने त्यांच्यावर ठपका ठेवला आहे.
Friday, February 08, 2019 AT 08:46 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: