Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 4
नोटाबंदीनंतर 25 लाखांहून अधिक रक्कम जमा 5नवी दिल्ली, दि. 28 (वृत्तसंस्था) : नोटाबंदीनंतर बँक खात्यांमध्ये 25 लाखांहून अधिक रक्कम जमा केलेल्या, पण मुदतीत प्राप्तिकर विवरणपत्रे भरू न शकलेल्या 1 लाख 16 हजार लोकांना प्राप्तिकर विभागाने नोटिसा बजावल्या आहेत. याशिवाय मोठ्या प्रमाणात रोख रक्कम बँकेत जमा करुन प्राप्तिकर भरणारेही रडारवर आहेत, अशी माहिती केंद्रीय प्रत्यक्ष कर मंडळाचे (सीबीडीटी) अध्यक्ष सुशील चंद्रा यांनी दिली. नोटाबंदीनंतर 25 लाखांहून अधिक रक्कम बँक खात्यांमध्ये जमा करणार्‍या लोकांची संख्या 18 लाख होती. या 18 लाख लोकांचे वर्गीकरण दोन गटांमध्ये करण्यात आले आहे. 25 लाखांहून अधिक रक्कम जमा करणारे आणि 10 ते 15 लाख रुपये जमा करणारे, अशा दोन गटांमध्ये वर्गीकरण करण्यात आले आहे, असे चंद्रा यांनी सांगितले. नोटाबंदीनंतर बँकांमध्ये 25 लाखांहून अधिक रक्कम जमा करणार्‍या 1 लाख 16 हजार लोकांनी अजून प्राप्तिकर विवरणपत्रे भरलेली नाहीत, असेही ते म्हणाले.    नोटाबंदीनंतर अडीच लाख रुपये बँक खात्यांमध्ये जमा करणार्‍या कोणाचीही चौकशी होणार नसल्याचे केंद्र सरकारने आधीच स्पष्ट केले होते.
Wednesday, November 29, 2017 AT 09:11 PM (IST)
मंत्रिमंडळाच्या राजकीय व्यवहार समितीचा निर्णय 5नवी दिल्ली, दि. 24 (वृत्तसंस्था) : संसदेच्या हिवाळी अधिवेशनाच्या तारखा अखेर केंद्र सरकारने निश्‍चित केल्या आहेत. या अधिवेशनास भाजप विलंब करत असल्याचा आरोप काँग्रेसने केला असतानाच मंत्रिमंडळाच्या राजकीय व्यवहार समितीने शुक्रवारी हिवाळी अधिवेशनाच्या तारखा जाहीर केल्या. हे अधिवेशन 15 डिसेंबर ते 5 जानेवारी या कालावधीत होणार असून अधिवेशन यशस्वी होण्यासाठी सर्व पक्षांनी सहकार्य करावे, असे आवाहन संसदीय कामकाज मंत्री अनंतकुमार यांनी केले आहे. काँग्रेसचे लोकसभेतील नेते मल्लिकार्जुन खरगे म्हणाले, या अधिवेशनात कोणते महत्त्वाचे मुद्दे उपस्थित करायचे, त्याचा निर्णय पक्ष लवकरच घेईल. या अधिवेशनात जीएसटी, नोटाबंदी, जम्मू-काश्मीरमधील परिस्थिती, दहशतवाद, पाकिस्तानकडून झालेलीदहशतवादी हाफिज सईदची सुटका हे मुद्दे प्रमुख असतील. या मुद्द्यांवरून सरकारला घेरण्यात येईल. गुजरात विधानसभा निवड-णुकीमुळे मोदी सरकार हिवाळी अधिवेशनाला  विलंब करत असल्याचा आरोप काँग्रेसने केला होता.
Saturday, November 25, 2017 AT 08:42 PM (IST)
केंद्र सरकारकडून दिवाळी भेट 5नवी दिल्ली, दि. 11 (वृत्तसंस्था) : देशभरातील अनुदानित विद्यापीठे आणि महाविद्यालयांमधील प्राध्यापकांना केंद्र सरकारने दिवाळी भेट दिली आहे. या प्राध्यापकांसाठी सातवा वेतन आयोग लागू करण्यात आल्याची घोषणा केंद्रीय मनुष्यबळ विकास मंत्री प्रकाश जावडेकर यांनी बुधवारी दिल्लीत पत्रकार परिषदेत केली. शिक्षण क्षेत्रात करियर करण्यासाठी लोकांना प्रोत्साहित करण्याच्या उद्देशाने देशभरातील 329 अनुदानित विद्यापीठे आणि 12192 महाविद्यालयांमधील सहाय्यक व सहयोगी प्राध्यापकांना सातवा वेतन आयोग लागू केल्याची घोषणा जावडेकर यांनी केली. 1 जानेवारी 2016 पासून सातवा वेतन  लागू करण्यात आला असून प्राध्यापकांना मागील फरकही मिळणार असल्याचे त्यांनी सांगितले. या निर्णयाचा लाभ देशभरातील 7 लाख 58 हजार प्राध्यापकांना मिळणार आहे. विद्यापीठ अनुदान आयोगाचे सदस्य व्ही. एस. चौहान यांच्या अध्यक्षतेखाली 2016 मध्ये प्राध्यापकांच्या वेतन आढाव्यासाठी समिती नेमण्यात आली होती. या समितीने प्राध्यापकांना 20 टक्के वेतनवाढ देण्याची शिफारस केली होती.
Thursday, October 12, 2017 AT 09:01 PM (IST)
5लाहोर, दि. 18 (वृत्तसंस्था) : मुंबईवरील 26/11 च्या दहशतवादी हल्ल्याचा सूत्रधार हाफिज सईद याची कुख्यात दहशतवादी संघटना ‘जमात-उद-दवा’ पाकिस्तानमध्ये आगामी सार्वत्रिक निवडणूक लढवणार आहे. पाकचे पंतप्रधान नवाज शरीफ यांना सर्वोच्च न्यायालयाने अपात्र ठरवल्यानंतर त्यांच्या रिक्त जागेसाठी नुकत्याच झालेल्या महत्त्वपूर्ण पोटनिवडणुकीत ‘जमात-उद-दवा’ने पुरस्कृत केलेला उमेदवार तिसर्‍या स्थानावर राहिला होता. त्यानंतर आपली संघटना आगामी सार्वत्रिक निवडणूक लढवणार असल्याची घोषणा हाफिज सईदने सोमवारी केली. भ्रष्टाचाराच्या आरोपांवरून सर्वोच्च न्यायालयाने नवाज शरीफ यांना अपात्र ठरवले. त्यामुळे त्यांना पंतप्रधानपदावरून पायउतार व्हावे लागले होते. त्यांच्या रिक्त जागेसाठी पोटनिवडणूक घेण्यात आली होती. या पार्श्‍वभूमीवर गेल्याच महिन्यात ‘जमात-उद-दवा’चा म्होरक्या हाफिज सईदने ‘मिल्ली मुस्लीम लीग’ हा राजकीय पक्ष स्थापन करणार असल्याची घोषणा केली होती. नवाज शरीफ यांच्या जागेसाठी त्यांची पत्नी कुलसूम शरीफ यांनी निवडणूक लढवली. या पोटनिवडणुकीत हाफिजच्या संघटनेने शेख याकूब या दहशतवाद्याला पाठिंबा दिला होता.
Tuesday, September 19, 2017 AT 09:08 PM (IST)
 
© Copyrights 2010 Dainik Aikya.com - All rights reserved.
of
Powered By: