Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 76
धरणात 48.94 टीएमसी पाणीसाठा 5पाटण, दि. 17 : पाटण तालुक्याच्या सर्वदूर विभागासह कोयना धरण पाणलोट क्षेत्रात विश्रांती घेतलेल्या पावसाने बुधवारी सायंकाळपासून थांबून थांबून बरसण्यास सुरुवात केली आहे. त्यामुळे धरणात 16 हजार 895 क्युसेस प्रतिसेकंद पाण्याची आवक सुरू असून 48.94  टीएमसी एवढा पाणीसाठा झाला आहे. गतवर्षी याच तारखेला धरणातील पाणीसाठा 74.52 टीएमसी होता, तो आजच्या तुलनेत 25.58 टीएमसीने कमी आहे. दरम्यान, कोयना धरणातील पाणीसाठ्याची अर्धशतकाकडे वाटचाल सुरू असून 105.25 टीएमसी पाणीसाठवण क्षमता असणारे कोयना धरण आजच्या घडीला 46.49 टक्के भरले आहे. गेल्या तीन ते चार दिवसांपासून कोयना पाणलोट क्षेत्रात पावसाने पूर्णपणे उसंत घेतली होती. मात्र धरणाच्या पाणलोट क्षेत्रात असणारे छोटे-मोठे धबधबे, ओघळी व डोंगरमाथ्यावरून येणार्‍या पाण्याच्या प्रवाहामुळे धरणात पाण्याची आवक सुरूच आहे. पावसाने विश्रांती घेतल्याने पाटणसह परिसरात दिवसभर कडक उन पडले होते. त्यामुळे पाऊस गायब झाला, की काय अशी परिस्थिती निर्माण झाली होती. मात्र बुधवारी सायंकाळपासून पावसाने पुन्हा बरसण्यास सुरुवात केली आहे.
Thursday, July 18, 2019 AT 08:47 PM (IST)
5नवारस्ता, दि. 16 : दिवशी बुद्रुक, ता. पाटण येथील युवा शेतकरी दादासाहेब बापूराव सूर्यवंशी (वय 39) यांचा शेतीला पाणीपुरवठा करणार्‍या विद्युत मोटारीस विजेचा धक्का बसून मृत्यू झाला. ऐन बेंदूर सणादिवशी ही घटना घडल्याने परिसरात दु:खाचे सावट पसरले आहे. दरम्यान, विजेच्या खांबावरील तारेमुळेच हा वीजप्रवाह मोटारीच्या पेटीत आला असल्याची शक्यता असून वीज वितरण कंपनीने त्यांच्या कुटुंबाला भरपाई द्यावी, अशी मागणी शेतकरी वर्गातून होत आहे. दिवशी बुद्रुक येथील दादासाहेब बापूराव सूर्यवंशी हे मंगळवार, दि. 16 रोजी दुपारी 3 वाजण्याच्या सुमारास गावंदरी नावाच्या शिवारात बेंदूर सणानिमित्त शेतीला पाणीपुरवठा करणार्‍या मोटारीला चावर बांधण्यासाठी गेले होते.    पावसामुळे तारेतून वीजप्रवाह मोटारीच्या पेटीत उतरला होता. त्यांनी पेटीला हात लावताच त्यांना विजेचा जबर धक्का बसून ते जमिनीवर कोसळले. खूप वेळ झाला तरी ते परतले नाहीत म्हणून घरातील लोकांनी त्यांचा शोध घेतला असता ते मोटारी शेजारी पडलेले दिसले. तातडीने त्यांना मारुल हवेली येथील खाजगी दवाखान्यात उपचारासाठी नेण्यात आले.
Wednesday, July 17, 2019 AT 08:36 PM (IST)
5महाबळेश्‍वर, दि. 15 :  परवना नूतनीकरणाच्या प्रक्रियेमुळे गेले एक महिना बंद असलेला वेण्णालेक बोट क्लब अखेर रविवारी नगराध्यक्षा स्वप्नाली शिंदे यांच्या हस्ते तलावाचे जलपूजन व वेण्णामाईची ओटी भरून पुन्हा सुरू करण्यात आला. यावेळी मुख्याधिकरी अमिता दगडे-पाटील, नगरसेविका श्रद्धा रोकडे, अफ्रिन वारुणकर, शारदा ढाणक, नगरसेवक कुमार शिंदे, अ‍ॅड. संजय जंगम, सतीश ओंबळे यांच्यासह पालिका कर्मचारी उपस्थित होते. काही महिन्यांपूर्वी अरबी समुद्रातील दुर्घटनेनंतर नगराध्यक्षा व प्रशासनाने वेण्णालेक येथे नौकाविहार करण्यासाठी येणार्‍या पर्यटकांच्या सुरक्षिततेच्या दृष्टीने उपाययोजना करण्यास सुरुवात केली. लाईफ जॅकेट आदीची व्यवस्था देखील करण्यात आली होती. यासोबतच नौकाविहाराचा परवाना नूतनीकरणासाठी पाठपुरावा देखील सुरू होता. अशातच वेण्णालेक तलावात 12 जून रोजी महेश दादासाहेब रिटे या जामखेड अहमदनगर येथून आलेल्या युवकाचा मृत्यू झाला होता.  ट्रेकर्स व पालिका कर्मचार्‍यांच्या सलग दोन दिवसांच्या अथक प्रयत्नांनंतर तलावातून त्याचा मृतदेह काढण्यास यश आले.
Tuesday, July 16, 2019 AT 08:37 PM (IST)
5कराड, दि. 14 ः पुणे-बंगळूर राष्ट्रीय महामार्गावर मलकापूर गावच्या हद्दीत स्नेह स्टील ट्रेडर्स दुकानासमोर आयशर टेम्पोला कारने पाठीमागून धडक दिल्याने शनिवारी रात्री 12 वाजण्याच्या सुमारास झालेल्या  अपघातात मलकापूर नगरपालिकेचे काँग्रेसचे नगरसेवक व नियोजन, शिक्षण सभापती दत्ता सीताराम पवार (वय 38), रा. इंद्रप्रस्थ कॉलनी, आगाशिवनगर, मलकापूर) यांचा कोल्हापूर येथे उपचारादरम्यान मृत्यू झाला. तर अन्य दोघे जण गंभीर जखमी झाले असून त्यांच्यावर खासगी रूग्णालयात उपचार सुरू आहेत. या प्रकरणी टेम्पोचालकावर शहर पोलिसात गुन्हा नोंद करण्यात आला आहे. समाधान बबनराव चव्हाण (वय 32 वर्षे), रा. रविवार पेठ, कराड व केदार रामचंद्र होगले (वय 36 वर्षे), रा. शुक्रवार पेठ, कराड अशी अपघातातील जखमींची नावे आहेत. रवींद्र भीमराव शेडगे (वय 28, रा. बोरकुंड, ता. जि. धुळे) असे गुन्हा नोंद झालेल्याचे नाव आहे.    याबाबत पोलिसांनी दिलेली माहिती अशी, नगरसेवक दत्ता पवार यांच्यासह त्यांचे मित्र समाधान चव्हाण व केदार होगले हे शनिवारी रात्री 12 वाजण्याच्या सुमारास कार (एम. एच. 11 ए. के. 5690) मधून कराड बाजूकडे येत होते.
Monday, July 15, 2019 AT 08:33 PM (IST)
5फलटण, दि. 11 : सर्दी पडसे त्यातून न्यूमोनिया उदभवल्याच्या निदानानंतर येथील खाजगी रुग्णालयात उपचार सुरू असताना अधिक उपचारासाठी पुण्यातील रुग्णालयात दाखल केलेल्या रुग्णाला स्वाईन फ्ल्यू असल्याचे प्राथमिक अंदाजानुसार स्पष्ट झाल्यानंतर त्याच्यावर पुण्यातील खाजगी रुग्णालयात अधिक उपचार करण्यात येत आहेत. मिरढे, ता. फलटण येथील प्रकाश बबन काशीद (वय 38) असे स्वाईन फ्ल्यू झालेल्या रुग्णाचे नाव असून त्याला अधिक उपचारासाठी सह्याद्री हॉस्पिटल, पुणे येथे दाखल करण्यात आले आहे. त्याच्यावर त्यादृष्टीने उपचार सुरू करण्यात आले असून त्यांची प्रकृती सुधारत असल्याचे सांगण्यात आले आहे. दरम्यान, आरोग्य विभागाने सर्वेक्षण सुरू केले असून मिरढेप्रमाणे साखरवाडी येथे संशयित रुग्ण आढळल्याने प्रतिबंधक उपाययोजना, जनजागृती प्रबोधन, प्रतिबंधक गोळ्या सुरू करण्याबाबत सूचना प्राथमिक आरोग्य केंद्रांना दिल्या असल्याचे प्रभारी तालुका आरोग्य अधिकारी डॉ. जगदाळे यांनी सांगितले आहे.  
Friday, July 12, 2019 AT 08:55 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: