Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 86
5पाचगणी, दि. 20 : विषयपत्रिकेवरील विषय वाचण्याच्या क्रमवारीवरून व अध्यक्ष तथा पीठासन अधिकार्‍यांच्या अधिकारावरून पाचगणी पालिकेची सभा अभूतपूर्व गोंधळात पार पडली. माजी उपनगराध्यक्ष विनोद बिरामणे यांचा संयम सुटल्याने पोलिसांना हस्तक्षेप करावा लागला. पीठासन अधिकारी तथा नगराध्यक्षा लक्ष्मी कर्‍हाडकर यांनी बिरामणे यांना सभेतून बाहेर काढण्याचा आदेश दिला. यावर सत्ताधारी गटाने जोरदार आक्षेप घेतल्याने आणखी गोंधळ वाढला. पोलीस मध्यस्थी करत असताना बहुमतातील सत्ताधारी गट आणखी आक्रमक झाला. शेवटी विनोद बिरामणे रागारागाने आग ओकतच सभागृहाबाहेर पडले. पाचगणी पालिकेची सर्वसाधारण सभा नगराध्यक्षा लक्ष्मी कर्‍हाडकर यांच्या अध्यक्षतेखाली पार पडली. यावेळी उपनगराध्यक्षा आशा बगाडे, मुख्याधिकारी अमिता दगडे-पाटील, विठ्ठल बगाडे, विनोद बिरामणे, नारायण बिरामणे, पृथ्वीराज कासुर्डे, दिलावर बागवान, प्रवीण बोधे, विजय कांबळे, रेखा कांबळे, सुलभा लोखंडे, हेमा गोळे, सीमा कासुर्डे, रेखा जानकर व उज्जवला महाडिक आदी नगरसेवक उपस्थित होते. सभेच्या सुरुवातीस विषयपत्रिकेवरील पहिला विषय वगळून दुसरा विषय वाचण्याची सूचना नगराध्यक्षांनी पालिका लिपिकास दिली.
Saturday, September 21, 2019 AT 08:45 PM (IST)
5कराड, दि.18: ट्रकने दुचाकीला दिलेल्या धडकेत दुचाकीस्वार जागीच ठार झाला. ही घटना मुनावळे फाटा येथे सकाळी पावणे दहा वाजण्याच्या सुमारास घडली. राहुल भास्कर गवरे (वय 24 वर्षे), रा.मनव, ता.कराड असे अपघातात ठार झालेल्या युवकाचे नाव आहे. याबाबत पोलिसांनी सांगितले, बुधवार, दि.18 सकाळी पावणे दहाच्या सुमारास राहुल गवरे हा दुचाकीस्वार पाचवड फाट्याच्या दिशेने निघाला होता. त्यावेळी मुनावळे फाट्यावर तो आला असता, पाठीमागून भरधाव वेगाने आलेल्या ट्रकची दुचाकीला धडक बसली. या धडकेत दुचाकीस्वार हा लांब फेकला गेला. त्याच्या डोक्याला गंभीर दुखापत होऊन मोठ्या प्रमाणात रक्तस्त्राव झाला.  अपघात झाल्याचे पाहताच परिसरातील नागरिकांनी घटनास्थळी जाऊन राहुलला उपचारासाठी रुग्णालयात नेले. मात्र, राहुलचा आधीच मृत्यू झाल्याचे वैद्यकीय अधिकार्‍यांनी सांगितले. या घटनेची नोंद कराड तालुका पोलीस ठाण्यात झाली असून पुढील तपास पोलीस करत आहेत.
Thursday, September 19, 2019 AT 08:39 PM (IST)
पायथा वीजगृहातून 2100 क्युसेक्स विसर्ग 5पाटण, दि. 17 : कोयना धरण पाणलोट क्षेत्रात पावसाचा जोर कमी झाल्याने धरणाच्या दरवाजातून विनावापर सोडण्यात येणारे पाणी मंगळवारी पूर्णपणे बंद करण्यात आले. सध्या केवळ धरण पायथा वीजगृहातून वीजनिर्मिती करून प्रतिसेकंद 2 हजार 100 क्युसेक्स इतकेच पाणी पूर्वेकडे कोयना नदीपात्रात सोडण्यात येत आहे. धरणात येणार्‍या पाण्याचे प्रमाणही सरासरी तितकेच असल्याने धरणाची पाणी पातळी समांतर ठेवण्यात सिंचन विभागाला यश मिळत आहे. धरणात आता एकूण 104.92 टीएमसी पाणीसाठा झाला असून त्यापैकी उपयुक्त पाणीसाठा 99.92 टीएमसी इतका आहे. सोमवारी धरणाच्या सहापैकी दोन दरवाजे एक फुटांनी वर उचलून त्यातून विनावापर पूर्वेकडे पाणी सोडण्यात येत होते. मात्र पाऊस मंदावला व येणार्‍या पाण्याचे प्रमाणही त्याच पटीत घटल्याने मंगळवारी धरणाचे सर्व दरवाजे बंद करण्यात आले. आता धरण पायथा वीजगृहातून वीजनिर्मिती करून प्रतिसेकंद 2 हजार 100 क्युसेक्स इतकाच विसर्ग सुरू आहे.    दरम्यान, आजपर्यंत कोयनानगर येथे 6878, नवजा 7988 व महाबळेश्‍वर येथे 6964 मिलीमीटर एकूण पाऊस पडला आहे. 105.
Wednesday, September 18, 2019 AT 08:35 PM (IST)
5कराड, दि. 16 ः माजी मुख्यमंत्री आ. पृथ्वीराज चव्हाण यांच्यापेक्षा जास्ती निधी आमदार नसताना डॉ. अतुल भोसले यांनी कराड दक्षिणमध्ये राज्य सरकारच्या माध्यमातून आणला आहे. त्यांच्या कर्तृत्वाचा ठसा मतदारसंघात उमटला आहे. आजच्या समारंभाचे नेटके नियोजन त्यांनी केले आहे. विधानसभा निवडणुकीत या महाजनादेश यात्रेसह कराडकरांचा आशीर्वाद अतुल भोसलेंना लाभेल, अशी ग्वाही मुख्यमंत्री देवेंद्र फडवणीस यांनी दिली.   येथील छत्रपती शिवाजी स्टेडियमवर महाजनादेश यात्रेच्या सातारा जिल्ह्यातील सांगता सभेप्रसंगी ते बोलत होते. यावेळी महसूल मंत्री ना. चंद्रकांत पाटील, जलसंपदा मंत्री गिरीश महाजन, श्रीमंत छ. उदयनराजे भोसले, अण्णासाहेब पाटील महामंडळाचे अध्यक्ष ना. नरेंद्र पाटील, राज्य सहकार परिषदेचे अध्यक्ष ना. शेखर चरेगावकर, विठ्ठल-रुक्मिणी मंदिर समितीचे अध्यक्ष ना. डॉ. अतुल भोसले, कृष्णा कारखान्याचे चेअरमन डॉ. सुरेश भोसले, भाजप जिल्हाध्यक्ष विक्रम पावसकर, भाजप कार्यकारिणी सदस्य भरत पाटील, नगराध्यक्षा रोहिणी शिंदे, उपनगराध्यक्ष जयवंत पाटील आदींची प्रमुख उपस्थिती होती.
Tuesday, September 17, 2019 AT 08:43 PM (IST)
5पुणे, दि. 15 (प्रतिनिधी) : येत्या विधानसभेच्या निवडणुकीमध्ये काँग्रेस आणि राष्ट्रवादी काँग्रेस पक्ष आघाडी करणार असून त्यांचा जागा वाटपाचा फॉर्म्युलाही ठरला आहे. विधानसभेच्या 288 जागांपैकी 125 जागा काँग्रेस तर 125 जागांवर राष्ट्रवादी काँग्रेस पक्ष निवडणूक लढविणार आहे. उर्वरीत 38 जागा मित्रपक्षांना देण्यात येणार असल्याची माहिती काँग्रेस नेते आणि माजी मुख्यमंत्री पृथ्वीराज चव्हाण यांनी पत्रकार परिषेदेत दिली. येत्या काही दिवसातच विधानसभा निवडणुकीचा कार्यक्रम जाहीर होणार आहे. या पार्श्‍वभूमीवर सर्वच पक्षांनी ‘महाजनादेश यात्रा,’ ‘शिवस्वराज्य यात्रा’, ‘जनआशीर्वाद’ अशा विविध यात्रांचे आयोजन करून आपले शक्तिप्रदर्शन केले आहे. सध्या भाजप आणि शिवसेनेत मोठ्या प्रमाणात इनकमिंग सुरू असल्याने या पक्षांची युती होणार की नाही, असा प्रश्‍न सर्वांना पडलेला असताना राष्ट्रवादी आणि काँग्रेस पक्षाच्या आघाडीवर मात्र शिक्कामोर्तब झाले आहे.
Monday, September 16, 2019 AT 08:28 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: