Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 65
5कुडाळ, दि. 17 : इंदिरानगर कुडाळ येथील साहिल सचिन पवार या गोसावी समाजातील तेरा वर्षाच्या मुलाचे अज्ञात इसमाने अपहरण केले असल्याची फिर्याद त्याची आई सौ. शिल्पा सचिन पवार वय 32 हिने कुडाळ पोलीस दूरक्षेत्रात दिली आहे. याबाबत पोलिसांनी दिलेली माहिती अशी, अपहृूत मुलगा साहिल याने नुकतीच सातवीची परीक्षा दिली आहे. शाळेला सुट्टी असल्याने तो घरीच होता. त्याच्या वडिलांनी दारूच्या नशेत त्याला मारहाण केल्याने तो कोणाला काहीही न सांगता घरातून निघून गेला. या पूर्वीही तो असाच दोन वेळा घरातून निघून गेला होता. परंतु दोन दिवसांनी घरी परत आला होता. आताही तो येईल म्हणून त्याची आई-वडिलांनी चार दिवस वाट पाहिली. तसेच नातेवाईकांकडे चौकशी केली परंतु त्याचा शोध लागला नाही. त्यामुळे त्याचे काही अज्ञात कारणाने कोणी तरी अपहरण केल्याची फिर्याद त्याच्या आईने कुडाळ पोलीस दूरक्षेत्रात दिली आहे. अधिक तपास सपोनि नीळकंठ राठोड यांच्या मार्गदर्शनाखाली हवालदार सूर्यकांत शिंदे करत आहेत.
Saturday, May 18, 2019 AT 08:41 PM (IST)
5मल्हारपेठ, दि. 16 : येराडच्या येडोबा देवाचे देवदर्शन घेऊन निघालेल्या जोडप्याचा उरुल घाटात अपघात झाला. उपचारा दरम्यान पत्नीचा मृत्यू झाला तर पती गंभीर जखमी असून त्यांच्यावर रुग्णालयात उपचार सुरू आहेत. या अपघाताची नोंद मल्हारपेठ पोलिसात झाली आहे. याबाबत पोलिसांनी दिलेली माहिती अशी, वेचले, ता. सातारा येथील धर्मराज सोपान धनवडे (वय 37) व मोनिका धर्मराज धनवडे हे दोघे पती-पत्नी बुधवारी पाटण तालुक्यातील येराड येथील येडोबा देवाच्या दर्शनासाठी आले होते. देवदर्शन घेतल्यानंतर ते मार्गस्थ होत असताना निसरे फाट्यावरील उरुल घाटाच्या मुख्य वळवणावरच दुपारी 2.45 वाजण्याच्या  सुमारास टीव्हीएस स्कूटी (क्र. एम. एच. 11 बी. एफ. 9250) व समोरून उंब्रजवरून पाटणकडे  येत असणारा ट्रक (क्र. एम. एच. 40/9864) यांचा अपघात होऊन धर्मराज सोपान धनवडे (वय 37) व त्यांची पत्नी मोनिका धर्मराज धनवडे हे दोघे गंभीर जखमी झाले होते. मोनिका धनवडे यांंना तातडीने कृष्णा हॉस्पिटल कराड येथे उपचारासाठी पाठवण्यात आले होते. उपचारा दरम्यान, गुरूवारी मोनिका यांचा मृत्यू झाला.        त्यानंतर ट्रक चालक शंकर बाळासाहेब डोंगरे (रा.
Friday, May 17, 2019 AT 08:31 PM (IST)
गीत तीन दुकानांचे 7 लाखांचे नुकसान 5वाई, दि. 15 ः वाई शहरातील किसन वीर चौकात अतिशय जुन्या मोडकळीस आलेल्या कासारमाडी या इमारतीला बुधवारी पहाटे अडीच वाजता भीषण आग लागून संपूर्ण इमारत जाळून खाक झाली. या आगीत तीन दुकानांचे सुमारे 7 लाख 25 हजार रुपयांचे नुकसान झाले आहे. ही आग शॉर्टसर्किटने लागल्याचे सांगण्यात येत असले तरी आगीचे नेमके कारण समजू शकले नाही. या इमारतीमधील वीजपुरवठा  पूर्णपणे बंद असल्याचे समोर आले आहे. त्यामुळे ही भीषण आग शॉटसर्किटने लागू शकतेच कशी, असा प्रश्‍न नागरिक उपस्थित करत आहेत. यामुळे गेल्या काही महिन्यांमध्ये भाडेकरू व घरमालक यांच्यात वाद असलेल्या इमारतींनाच शॉर्टसर्किटने आगी कशा लागतात याबाबत शहरात उलटसुलट चर्चा सुरू आहे. इमारतीत कोणीही वास्तव्यास नसल्याने जीवितहानी टळली. परंतु दत्तात्रय नरहरी जठार यांच्या मालकीची इमारत व त्यांचे खाऊच्या पानाच्या दुकानाचे मिळून 4 लाख 33 हजार रुपयांचे नुकसान झाले. जठार यांच्यापूर्वी या जागेचे मालक जाधव होते. जाधव यांच्याकडून भाडेकरू खोतलांडे यांनी 1970 मध्ये तर गायकवाड यांनी 1960 मध्ये जागा भाड्याने घेतली असल्याचे समजते.
Thursday, May 16, 2019 AT 08:53 PM (IST)
5भुईंज, दि. 12 : आनेवाडी टोल नाक्यावरील कर्मचार्‍यांकडून गोडोली, सातारा येथील युवकास त्याच्या चार साथीदारासह  मारहाण करून शिवीगाळ केल्याची तक्रार भुईंज पोलीस ठाण्यात दाखल करण्यात आली आहे. या प्रकरणी अज्ञात चार ते पाच कर्मचार्‍यांविरुद्ध गुन्हा दाखल झाल्याची माहिती सपोनि. श्याम बुवा यांनी दिली.   या बाबत भुईंज पोलिसांनी दिलेल्या माहितीनुसार गोडोली येथील पाच युवक लग्नसोहळ्यासाठी असेंट कार (क्र. एम. एच. 10 बीएम 5337) मधून पुण्याच्या बाजूकडे जात असताना टोल नाक्यावर प्रसन्न प्रभाकर अवसरे (वय 28) यांनी टोल नाका कर्मचार्‍यांना आम्ही लोकल आहोत, असे सांगितले. या वरून सुरू झालेल्या वादावादीचे रूपांतर शिवीगाळ व कारमधील युवकांना मारहाण करण्यात आली असल्याचे तक्रारीत म्हटले आहे. या मारहाणीत जखमी झालेल्या प्रसन्न अवसरे याच्यावर  भुईंज प्राथमिक आरोग्य केंद्रात उपचार केल्यानंतर सातारा येथे पुढील उपचारासाठी दाखल केले आहे. मारहाण झालेल्या युवकांमध्ये विजय रमेश पवार (वय 26), विशाल बळवंत जगदाळे (वय 27), सूरज भगवंतराव जगदाळे (वय 28), अनिकेत शहाजी घाडगे (वय 27) यांचा समावेश आहे.
Monday, May 13, 2019 AT 09:08 PM (IST)
24 लाखांचा मुद्देमाल जप्त तिघांना अटक 5कोरेगाव, दि. 9 : सहाय्यक पोलीस अधीक्षक समीर शेख यांनी कोरेगाव पोलिसांना बरोबर घेत पाडळी (सातारारोड) येथील भीमनगर फाटा येथे बुधवारी रात्री 12.30 च्या सुमारास अवैध वाळू वाहतूक करणारा डंपर जप्त केला. या डंपरसह एक कार आणि मोटारसायकल जप्त करण्यात आली असून तिघांना अटक करण्यात आली आहे. न्यायालयाने त्यांना पाच दिवस पोलीस कोठडी दिली आहे. याबाबत माहिती अशी, संतोष सोळसकर यांच्या डंपरमधून अवैध वाळू वाहतूक होत असल्याची माहिती मिळाल्यानंतर समीर शेख यांनी आपल्या कार्यालयातील आणि कोरेगाव पोलीस ठाण्यातील कर्मचारी घेऊन भीमनगर फाटा येथे बुधवारी रात्री सापळा रचला. वडूथ बाजूने वाळू भरून येत असलेला डंपर दिसला. पोलिसांनी तो जप्त केला. त्याचबरोबर एक मारुती स्विफ्ट कार आणि मोटारसायकल जप्त केली. डंपरमालक संतोष सोळसकर (रा. नांदवळ), डंपरचालक अन्सार सुतार    (रा. कठापूर), सूरज फाळके व प्रवीण फाळके (दोघे रा. सातारारोड-पाडळी) यांच्यावर गुन्हा दाखल करण्यात आला असून सोळस्कर वगळता तिघांना अटक करण्यात आली आहे. सहाय्यक पोलीस निरीक्षक संतोष साळुंखे तपास करत आहेत.
Friday, May 10, 2019 AT 08:39 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: