Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 39
5उंडाळे, दि.9 : गेल्या विधानसभा निवडणुकीवेळी एकाच वेळी आपणाला दोन लढाया लढाव्या लागल्या. या दोन्ही लढाया महाराष्ट्राच्या सर्वंकष सत्तेविरुद्ध होत्या. त्यापैकी एक लढाई आपण जिंकलो. मात्र विधानसभेची लढाई हरावी लागली याचे शल्य सर्वांमध्ये असून ती वेळ तुमची होती. आता वेळ आमची आली आहे. आता हिशोब सर्वांचा होणार ही नुसती वल्गना नसून रयत संघटनेचा आत्मविश्‍वास असल्याचे प्रतिपादन रयत संघटनेचे विधानसभेचे अपक्ष उमेदवार उदयसिंह पाटील यांनी केले. विंग, ता. कराड येथे विधानसभा निवडणुकीच्या प्रचाराचा शुभारंभ प्रसंगी हजारो जनसमुदायासमोर आपली भूमिका स्पष्ट करताना ते बोलत होते. यावेळी माजी सहकार मंत्री विलासराव पाटील (काका), कराड पंचायत समितीच्या सभापती फरिदा इनामदार, कराडचे माजी नगराध्यक्ष अशोकराव भोसले, मजहर कागदी, कृष्णा सहकारी साखर कारखान्याचे माजी संचालक पांडुरंग पाटील, पोपटराव जाधव, सर्जेराव लोकरे यांची प्रमुख उपस्थिती होती. उदयसिंह पाटील म्हणाले, नुसता दिखावा करणे आपले काम नव्हे. समाजात उतरून काम करण्याची पन्नास वर्षाची आपली परंपरा आहे. आपणाला नुसत्या घोषणा करून निवडणूक जिंकता येणार नाही.
Thursday, October 10, 2019 AT 08:53 PM (IST)
5कराड, दि. 30 ः पुणे-बंगलोर राष्ट्रीय महामार्गावर बेलवडे हवेली, ता. कराड गावच्या हद्दीत कराडहून पुण्याकडे खासगी प्रवासी घेऊन निघालेल्या बोलेरो जीपचा अ‍ॅक्सल तुटून भीषण अपघात झाला. या अपघातात दोन प्रवासी ठार तर 8 प्रवासी गंभीर जखमी झाल्याची घटना सोमवार, दि. 30 रोजी सकाळी 7.15 च्या सुमारास घडली. जखमींवर खासगी रूग्णालयात उपचार सुरू आहेत. याबाबत रोहित लालासाहेब सूर्यवंशी (रा. वांगी, ता. कडेगाव) यांनी तळबीड पोलीस ठाण्यात फिर्याद दिली आहे. या प्रकरणी बोलेरो चालक दादासाहेब शिवाजी बारागोळे (रा. मुलूंड वेस्ट, मुंबई) याच्यावर गुन्हा दाखल करण्यात आला शंकर पोपट जगताप (वय 30 वर्षे),  रा. वडगाव हवेली, ता. कराड, तेजस्विनी विठ्ठल पाटील (वय 27 वर्षे), रा. कापुसखेड, ता. वाळवा, जि. सांगली यांचा मृत्यू झाला आहे. तर निखील बाबासाहेब वीर (रा. तुळसण), वेदांत प्रीतम यादव (रा. कराड),  अमोल श्रीरंग यादव (रा. येरवळे), महावीर गोपाळ टारे (रा. हातकणंगले, जि. कोल्हापूर), भारत सुदाम कांबळे (रा. विश्रामबाग, सांगली), सोनाली अमित गिरीगोसावी (रा. मालखेड), विनय भानुदास माळी (रा. काले) अशी अपघातातील गंभीर जखमींची नावे आहेत.
Tuesday, October 01, 2019 AT 08:34 PM (IST)
5पाटण, दि. 23 : कोयनानगर येथे आर्थिक व्यवहारावरून सेंट्रिंग  व्यवसाय करणार्‍या 41 वर्षीय इसमाचा अज्ञात व्यक्तीने गळा दाबून खून केल्याची घटना उघडकीस आल्याने परिसरात एकच खळबळ उडाली आहे. या घटनेची नोंद कोयनानगर पोलीस ठाण्यात झाली आहे. दरम्यान या खून प्रकरणी दोन संशयितांना ताब्यात घेण्यात आले असून त्यांची कसून चौकशी सुरू आहे. याबाबत कोयनानगर पोलिसांनी दिलेली माहिती अशी, शनिवार, दि. 21 रोजी कोयनानगर येथील तीन मंदिराच्या पाठीमागे हेळवाक रस्त्यालगत नाल्यात श्रीकांत सुभाष चव्हाण (वय 41), रा. कोयनानगर, मूळ रा. विजापूर (कर्नाटक) या व्यक्तीचा मृतदेह आढळून आला होता. पोलिसांनी मृत्यूदेह पाटण ग्रामीण रुग्णालयात शवविच्छेदनासाठी पाठवला असता शवविच्छेदन अहवालात श्रीकांत चव्हाण याचा गळा दाबून खून झाल्याचे स्पष्ट झाल्याने    कोयनानगर पोलीस ठाण्याचे पोलीस हवालदार संजय चव्हाण यांनी कोयनानगर पोलीस ठाण्यात श्रीकांत चव्हाण यांचा गळा दाबून खून झाल्याची फिर्याद दाखल केली. श्रीकांत चव्हाण हा मूळचा विजापूर (कर्नाटक) नमानतांडा येथील आहे. गेल्या काही वर्षापासून चव्हाण हा कोयनानगर येथेच सेंट्रिंग व्यवसाय करत होता.
Tuesday, September 24, 2019 AT 08:44 PM (IST)
5कराड, दि. 16 : सातारा जिल्ह्याचे विभाजन करून बारामती आणि कराड जिल्हा निर्माण करण्याचा डाव चालला होता. सातारा जिल्ह्याला एक वेगळी ओळख आहे. अशा जिल्ह्याची ओळख पुसण्याचा डाव माझ्यामुळे उधळला. नाही तर सातारा जिल्हा संपुष्टात आला असता असा आरोप माजी खासदार श्री. छ. उदयनराजे भोसले यांनी केला. मी कधीही द्वेषापोटी राजकारण केले नाही, तर विषय घेवून मी बोलत आलो असेही त्यांनी सांगितले. कराड येथे पत्रकारांशी संवाद साधताना ते बोलत होते. यावेळी श्री. छ. उदयनराजे म्हणाले, भारतामध्ये लोकशाही शासनव्यवस्था आहे. त्यामुळे पृथ्वीराज चव्हाण असो किंवा इतर कोणीही असो त्यांना निवडणूक लढण्याचा अधिकार आहे. माझ्या विरोधात कोणीही उमेदवारी दाखल केला तरी आपणास काही फरक पडत नाही.1968 साली सातारा शहराची हद्दवाढ झाली होती. आता लोकांची संख्या वाढली असून त्यांच्या सोयीसाठी हद्दवाढ करणे गरजेचे आहे. यापूर्वी मी माजी मुख्यमंत्री पृथ्वीराज चव्हाण यांच्याकडे हद्दवाढीचा प्रश्‍न मांडला होता. कृषी महाविद्यालय, शिवाजी विद्यापीठाचे उपकेंद्र आणि मेडिकल कॉलेज हे प्रश्‍न मांडले होते. त्यावर त्यांनी काही निर्णय घेतला नाही.
Tuesday, September 17, 2019 AT 08:44 PM (IST)
5वाई, दि. 15 ः काँग्रेस-राष्ट्रवादीच्या आघाडी सरकारने पंधरा वर्षांत जेवढी कामे केली नाहीत त्याच्या दुप्पट कामे आम्ही पाच वर्षांत केली आहेत. दरवर्षी शेतकर्‍यांना कर्जमाफीसाठी 10 हजार कोटी रुपये थेट खात्यात जमा केले. हजारो किलो मीटरचे रस्ते, 18 हजार गावांना पिण्याचे पाणी पुरविण्यात आम्ही यशस्वी झालो. शिक्षणात आपले राज्य देशात तिसर्‍या स्थानी आणले. तर आरोग्य, उद्योग, गुंतवणूक क्षेत्रात देशात प्रथम क्रमांकावर आहे. देशातील सर्वाधिक 25 टक्के रोजगार निर्माण करणारे आपले महाराष्ट्र राज्य आहे. ग्रामीण भागात 7 लाख तर शहरी भागात 5 लाख घरे निर्माण केली. देश पंतप्रधान मोदींच्या नेतृत्वाखाली मजबूत बनत आहे. राज्यालाही तसेच मजबूत व सर्वसंपन्न बनविण्यासाठी भाजपला साथ द्या, असे आवाहन मुख्यमंत्री देवेंद्र फडणवीस यांनी केले. भारतीय जनता पार्टीच्यावतीने काढण्यात आलेल्या महाजनादेश यात्रेचे आज वाईमध्ये 3.27 वाजता शिवाजी चौकात आगमन झाले. त्यावेळी ते बोलत होते. त्यांचे किसन वीर कारखान्याचे चेअरमन मदन भोसले यांनी स्वागत केले. यावेळी महसूल मंत्री चंद्रकांत पाटील, जलसंपदा मंत्री गिरीश महाजन, खा. रणजितसिंह नाईक-निंबाळकर, खा.
Monday, September 16, 2019 AT 08:43 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: