Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 57
बँकेच्या शाखाधिकार्‍याचा अटकपूर्व जामीन अर्ज फेटाळला 5कुडाळ, दि. 21 : जावली तालुक्यातील कुडाळ तर्फ करंदी परिसरातील एकूण सात शेतकर्‍यांची पीक कर्जातील 22 लाखाची अफरातफर करून शेतकर्‍यांची फसवणूक करणारा कुडाळ येथील बँक ऑफ महाराष्ट्रच्या शाखेचा शाखाधिकारी मनोज लोखंडे याचा अटकपूर्व जामीन अर्ज गुरुवारी जिल्हा सत्र न्यायालयाने फेटाळला असल्याची माहिती मेढा पोलीस ठाण्याचे सपोनि. जीवन माने यांनी दिली तसेच संबंधितांच्या विरोधात तक्रारींचा ओघ वाढत असून फसवणूक रकमेचा आकडा पाव कोटींच्या घरात गेला असल्याची माहिती माने यांनी पत्रकारांना दिली. शेतकर्‍यांच्या पीककर्जात मंगेश निकमला हाताशी धरून लाखो रुपये गिळंकृत केल्याच्या आरोपाखाली मेढा पोलीस ठाण्यात बँक शाखाधिकार्‍यासह शिपाई गाढवे अशा तिघांविरोधात गुन्हा दाखल करण्यात आला आहे. या प्रकरणी पोलिसांनी शिपाई गाढवे व एजंट मंगेश निकम याला अटकही केली होती, मात्र काही दिवस जेलची हवा खाऊन मंगेश निकम व शिपाई गाढवे याला जामीन मंजूर झाला आहे. या तक्रारीनंतर बँकेत कर्ज प्रकरणासाठी एजंटगिरी सुरू असल्याची चर्चा आता जोरात सुरू आहे.
Friday, June 22, 2018 AT 08:56 PM (IST)
5मायणी, दि. 18 : निमसोड येथील शेती पंपासाठी प्रसिद्ध असलेल्या लक्ष्मीनारायण एजन्सीमध्ये महिन्याभरात दुसर्‍यांचा चोरी होवून 1 लाख 20 हजाराचा मुद्देमाल व रोकड चोरीस गेल्याची घटना सोमवारी उघडकीस आली आहे. या घटनेमुळे तालुक्यात खळबळ उडाली असून पंधरा दिवसांच्या अवधीत दुसर्‍यांदा चोरी करून चोरट्यांनी पोलिसांना खुले आव्हानच दिले असल्याचे बोलले जात आहे. आता पोलीस चोरट्यांचे आव्हान स्वीकारून त्यांना जेरबंद करतात का हे पहावे लागणार आहे.        याबाबत अधिक माहिती अशी, खटाव तालुक्यात शेतीपंपासाठी लक्ष्मीनारायण एजन्सी प्रसिद्ध असून मायणी व निमसोड येथे दोन दुकाने आहेत. त्यापैकी मायणी येथील दुकानातून पंधरा दिवसांपूर्वी चोरट्यांनी तब्बल दहा लाखांचा मुद्देमाल लंपास केला केला होता. त्याचा अद्याप तपास होणे बाकी असतानाच निमसोड ते अंबवडे जाणार्‍या मार्गावरील मराठी शाळेसमोर असलेल्या दुकातून 80 हजार रुपये किंमतीची 200 किलो वजनाची नवीन व 30 हजार रुपये किंमतीची जुनी सब मर्सिबल वायडिंग वायर, 5 हजार रुपये किंमतीचा सी. सी. टी. व्ही. कॅमेरा व डी.व्ही.आर.
Tuesday, June 19, 2018 AT 08:48 PM (IST)
चार जण जखमी दोघांची प्रकृती चिंताजनक 5मायणी, दि. 14 : मायणी-विटा रस्त्यावर गुरुवारी रात्री सव्वादहाच्या सुमारास मायणीकडे येणार्‍या मारुती स्विफ्ट कारने दोन दुचाकींवर स्वार असलेल्या चौघांना उडवले. या अपघातात दुचाकींवरील चौघेही जखमी झाले असून त्यापैकी दोघांची प्रकृती चिंताजनक आहे. जखमींना विटा (जि. सांगली) येथील रुग्णालयात हलविण्यात आले आहे. याबाबत घटनास्थळावरून मिळालेली माहिती अशी, माहुली, ता. खानापूर, जि. सांगली येथील विकास खाडेे, हेमंत माने व अनिकेत माने हे तिघे युवक मायणी-विटा रस्त्याने रात्री सव्वादहाच्या  सुमारास आपल्या गावी निघाले होते तर महेश माळी (रा. मायणी) हा युवक आपल्या घराकडे निघाला होता. त्याच वेळी विटा रस्त्यावरील पुलाच्या नजीक भरधाव आलेल्या मारुती स्विफ्ट कारने प्रथम महेश माळी यांच्या दुचाकीला धडक देऊन त्यांना उडवले. कारने पुढे दुसर्‍या दुचाकीलाही जोराची धडक देऊन युवकांना उडवले. या अपघातात दोन्ही दुचाकींवरील चौघेही युवक जखमी झाले. अपघातानंतर तेथे जमलेली गर्दी पाहून स्विफ्ट कारचालकाने घटनास्थळावरून धूम ठोकली. परिसरातील नागरिकांनी जखमींना विटा (जि. सांगली) येथील रुग्णालयात हलवले.
Friday, June 15, 2018 AT 08:35 PM (IST)
जलसंधारणाच्या कामाची किमया, दोन वर्षात टँकरच्या मागणीत घट अमोल खाडे 5पळशी, दि. 12 : पिढ्यान् पिढ्या दुष्काळाशी सामना करणार्‍या माण तालुक्यातील जनतेची तहान काही वर्षांपर्यंत टँकरने बारमाही भागवावी लागत होती. मात्र येथे गेल्या तीन वर्षांपासून ‘जलयुक्त शिवार’ व ‘वॉटर कप स्पर्धा’ द्वारे झालेल्या जलसंधारणाच्या मोठ्या कामांमुळे माण तालुक्यात पाणीपातळी वाढली आहे. गेल्या दोन वर्षात येथे टँकरची मागणी अनेक पटीने घटली आहे. त्यामुळे दुष्काळी माणची आता टँकरमुक्तीकडे वाटचाल सुरू झाली आहे. दुष्काळ हा माणच्या पाचवीला पुजलेला आहे. येथे नेहमीच पर्जन्यमान कमी असते. गरज ही शोधाची जननी असते असे म्हटले जाते. त्या प्रमाणे नेहमीच्या भीषण टंचाईच्या काळात पाण्याची किंमत खर्‍या अर्थाने कळलेल्या नागरिकांनी निरनिराळ्या उपायांनी जलव्यवस्थापन सुरू केले. त्यामुळे आतापर्यंत केवळ चर्चा आणि परिसंवादापुरती मर्यादित राहिलेली जल साक्षरता त्यापुढे जात प्रत्यक्ष आचरणात दिसू लागली आहे. आपत्तीच्या या काळात ‘जल है तो कल है’ ची जाणीव झालेल्या अनेकांनी पाण्याचा प्रत्येक थेंब वाचविण्याचे प्रयत्न सुरू केले.
Wednesday, June 13, 2018 AT 08:51 PM (IST)
पीक कर्ज महाघोटाळ्याने खळबळ 5कुडाळ, दि. 12 : मंगेश भरत निकम याने बँक ऑफ महाराष्ट्रचे कुडाळचे शाखाधिकारी मनोज लोखंडे व बँकेतील शिपाई गाढवे यांनी संगनमताने व विश्‍वासघाताने पीक कर्जाकरिता कागदपत्र तयार करून 2,96,000/- रुपये कर्ज काढून त्यातील काही एक पैसे मला न देता आमची फसवणूक केली असल्याची तक्रार करंदी, ता. जावली येथील शेतकरी नवनाथ तानाजी निकम याने मेढा पोलीस ठाण्यात दाखल केल्यानंतर नंतर संबंधितांनी आणखी सात जणांची फसवणूक केल्याचे पोलिसांना सांगितले. त्यामुळे फसवणूक झालेल्या रकमेचा आकडा बावीस लाखांवर पोहोचला आहे. या प्रकरणी पोलिसांनी मंगेश निकम व शिपाई गाढवे यांना अटक केली होती. न्यायालयाने त्यांना दोन दिवसांची पोलीस कोठडी सुनावली होती. पैकी बँकेचा शिपाई गाढवे याला जामीन मिळाला आहे. बँकेचे तत्कालीन कुडाळ शाखा व्यवस्थापक मनोज लोखंडे यांचा पोलीस शोध घेत आहेत. मंगेश निकम याने जावलीतील गरीब शेतकर्‍यांना भुलवून त्यांच्या कर्ज प्रकरणाची कागदपत्रे व आधारकार्ड नंबर घेतले.
Wednesday, June 13, 2018 AT 08:44 PM (IST)
1 2 3 4 5 ...
 
© Copyrights 2010 Dainik Aikya.com - All rights reserved.
of
Powered By: