Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 16
दोन म्हशी, 12 कोंबड्या, सोन्याचे दागिने व रोकड भस्मसात 5सातारा, दि. 9 : ठोंबरेवाडी, ता. सातारा येथे बुधवारी रात्री लागलेल्या आगीत 13 लाख 5 हजार रुपयांचे नुकसान झाले असून त्यामध्ये दोन म्हशींसह 12 कोंबड्या व सोन्याचे दागिने, रोकड भस्मसात झाल्याने बाबर कुटुंबीय उघड्यावर पडले आहे. याबाबत पोलिसांनी दिलेली माहिती अशी, की सुदाम बाबर (वय 70) व त्यांचा भाऊ बबन बाबर यांचे ठोंबरेवाडी, ता. सातारा येथे जवळ जवळ घर आहे. बबन बाबर यांचे कुडामातीचे घर असून त्याच्या शेजारीच सुदाम बाबर यांचे  गोट्यासारखे घर आहे. दोन्ही बाबर कुटुंबीय बुधवारी रात्री 10.30 वाजता  जेवण करून झोपले असता रात्री बाराच्या दरम्यान गोट्यासारख्या घराला आग लागली. ही बाब लक्षात येताच गावकर्‍यांनी एकत्र येऊन आग विझवण्याचा आटोकोट प्रयत्न केला. मात्र त्यात त्यांना यश आले नाही. आग भडकत असल्याचे निदर्शनास येतात सातारा येथून अग्निशामक दलाच्या गाडीला पाचारण करण्यात आले. अग्निशामक दलाच्या गाडीने आगीवर नियंत्रण मिळवले.
Friday, May 10, 2019 AT 08:45 PM (IST)
5वाई, दि. 5 : वेळे, ता. वाई परिक्षेत्रात दि. 4 रोजी खैर तोडून  विनापरवाना वाहतूक करून साठा केल्या प्रकरणी व शिकार करण्याच्या उद्देशाने  वाघर (जाळी), काठ्या व हत्यारे बाळगल्या प्रकरणी वन विभागाने धडक कारवाई करून आठ संशयितांना रंगेहाथ पकडून त्यांच्याकडील हत्यारे व माल हस्तगत केला. सर्व संशयित  सरोलीपाडा जव्हार, ता. जि. पालघर येथील आहेत. त्यांच्यावर जैवविविधता कायदा 2002 चे कलम 3, 7 अन्वये गुन्हे दाखल  करून अटक करण्यात आली. तसेच संशयितांना वाई येथील न्यायालयात हजर केले असता त्यांना तीन दिवसांची वनकोठडी ठोठावण्यात आली  आहे.   रवींद्र रामजी जाधव (वय- 24),  योगेश सीताराम जाधव (वय- 23), इंद्रेश काषू जाधव (वय- 27), सीताराम महादू जाधव (वय- 50), काषू चैतू जाधव (वय- 55), लक्ष्मन देवाजी जाधव (वय- 28), अनिल रमेश जाधव (वय- 23), सुनील काषू जाधव (वय- 24) सर्व रा. सरोलीपाडा जव्हार (ता. जि. पालघर) अशी ताब्यात घेण्यात आलेल्या संशयितांची नावे आहेत. ही कारवाई उपवनसंरक्षक- डॉ.
Monday, May 06, 2019 AT 08:45 PM (IST)
5भुईंज, दि. 15 : सातारा लोकसभा मतदारसंघासाठी 12 दिवस आधीच मतदान करून आयएफएस अधिकारी तथा केनियतील भारताचे उपउच्चायुक्त राजेश स्वामी व त्यांच्या पत्नी सौ. संजीवनी स्वामी हे दोघे या मतदारसंघात मतदान करणारे पहिले मतदार ठरले आहेत. सातारा लोकसभा मतदारसंघासाठी दि. 23 रोजी मतदान होणार आहे. परदेशातील भारतीय दुतावासात कार्यरत असणार्‍या अधिकार्‍यांना पोस्टल मतदान करण्याची सुविधा असते. त्याकरिता प्रत्येक दुतावसात एका मतदान अधिकार्‍याची नियुक्ती केलेली असते. मात्र परदेशस्थित अधिकार्‍यांना त्यासाठी आधी ऑनलाईन नोंदणी करावी लागते. त्याप्रमाणे मूळ भुईंज येथील स्वामी यांनी केनियात ती केली होती. शुक्रवार, दि. 12 रोजी त्यांना मतपत्रिका उबलब्ध करून देण्यात आल्या. त्यानुसार स्वामी दाम्पत्याने मतदान करून त्या मतपत्रिका सातारा जिल्हा निवडणूक अधिकार्‍यांकडे पाठवल्या. परदेशात खासगी उद्योग, नोकरीनिमित्त स्थायिक असलेल्या व्यक्तींना अद्याप पोस्टल मतदानाचा अधिकार नाही. मात्र, तो परदेशातील भारतीय दुतावसात कार्यरत असणार्‍यांना आहे. या अधिकार्‍यांनी स्वतःहून आपल्या मतदारसंघाचा उल्लेख करून नोंदणी करणे बंधनकारक आहे.
Tuesday, April 16, 2019 AT 09:01 PM (IST)
5कराड, दि. 7 : खंडणी, गोळीबार आणि खुनाचा प्रयत्न करून गेले वर्षभरापासून फरार असलेल्या युवराज सर्जेराव साळवी (वय 38, रा. कोपर्डे हवेली, ता.  कराड) आणि त्याचा साथीदार सूर्यकांत उर्फ बाळू आबाजी कांबिरे (वय 34, रा. कांबिरेवाडी) या दोघांना कराड पोलिसांनी गुरुवारी अटक केली. न्यायालयाने दोघांना 11 मार्चपर्यंत पोलीस कोठडीत ठेवण्याचे आदेश दिले आहेत. त्यांच्या अन्य साथीदारांचा शोध सुरू आहे.                याबाबत पोलिसांनी दिलेली माहिती अशी, उत्तर कोपर्डे गावच्या हद्दीत युवराज साळवे याने स्कार्पिओ गाडी आडवी मारून महेश गायकवाड (रा. सैदापूर) यांना दहा लाख रुपयांची खंडणी मागितली होती. ही घटना 19 मार्च 2018 रोजी घडली होती. गायकवाड यांनी खंडणी देण्यास विरोध केल्यावर युवराज साळवी, बाळू कांबिरे व इतर चौघांनी गायकवाड यांना लाथाबुक्क्यांनी मारहाण करून त्यांच्या गळ्यातील दोन सोनसाखळ्या हिसकावल्या होत्या. महेश गायकवाड हे जीवाच्या भीतीमुळे पळून जात असताना त्यांच्या दिशेने रिव्हॉल्व्हरमधून  गोळीबार करण्यात आला होता. युवराज साळवी व त्याच्या टोळीविरोधात महेश गायकवाड यांनी दि.
Friday, March 08, 2019 AT 08:45 PM (IST)
5फलटण, दि. 25 : फलटण-सातारा मार्गावर मिरगाव हद्दीत अंदाजे 40/45 वर्षे वयाच्या मोटारसायकलस्वारास अज्ञात वाहनाने रविवारी (दि. 24) रात्री धडक दिल्याने गंभीर जखमी झाल्याने उपचारासाठी रुग्णालयात आणले असता मोटारसायकलस्वाराचा मृत्यू झाल्याचे डॉक्टरांनी सांगितले. मृताची ओळख न पटल्याने मिरगावचे पोलीस पाटील दत्तात्रय भगवान सरक यांनी फलटण ग्रामीण पोलीस ठाण्यात खबर दिली आहे. अपघातातील मोटारसायकलच्या (एमएच-11-एजे-7620) आधारे मालकाचा शोध घेतला जात असल्याचे  पोलिसांनी सांगितले. अपघातात मृत झालेल्या व्यक्तीची दाढी वाढली आहे, जीन्स पँट परिधान केली आहे. या व्यक्तीबाबत काही माहिती मिळाल्यास संपर्क साधावा, असे आवाहन पोलिसांनी केले आहे. ग्रामीण पोलीस ठाण्यात अपघाताची नोंद झाली असून सहाय्यक पोलीस निरीक्षक शेख तपास करत आहेत.  
Tuesday, February 26, 2019 AT 08:51 PM (IST)
1 2 3 4
 
© Copyrights 2010 Dainik Aikya.com - All rights reserved.
of
Powered By: