Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 23
15 जण ताब्यात, साडे पाच लाखांचा मुद्देमाल जप्त 5कराड, दि.14 : वारुंजी येथील लक्ष्मीवार्डमधील एका पत्र्याच्या शेडमध्ये सुरू असलेल्या जुगार अड्ड्यावर कराड उपविभागीय पोलीस अधिकारी कार्यालयाच्या पोलीस पथकाने मंगळवारी छापा टाकून 15 जणांना ताब्यात घेवून त्यांच्याकडून सुमारे 5 लाख 52 हजार 280 रुपयांचा मुद्देमाल जप्त करण्यात आला आहे. याबाबत पोलिसांकडून मिळालेली माहिती अशी, पोलीस उपअधीक्षक नवनाथ ढवळे यांना वारुंजी, ता. कराड येथील लक्ष्मी वार्डमधील सुरेश मारुती भोसले यांच्या घराजवळील पत्र्याच्या शेडमध्ये अवैध जुगार अड्डा सुरू असल्याची माहिती मिळाली होती. या माहितीवरून पोलिसांनी मंगळवारी छापा टाकला असता जुगार अड्ड्यावर खेळणारे मारुती शिवाजी जाधव (रा. वडारवस्ती, कराड), नानासाहेब शामराव पवार (रा. मंगळवार पेठ, कराड), रामचंद्र दत्तात्रय बडेकर (रा. सुपने हायस्कूलजवळ),  प्रवीण सीताराम गोताड (रा. अजिंठा चौक, कराड), बाबालाल नूरमोहंमद मुल्ला (रा.बैलबाजार साईनगर, कराड), दीपक अण्णा माने (रा. बर्गेमळा, वडारवस्ती, कराड), प्रकाश सुधाकर बरिदे गवळी (रा. शनिवार पेठ, कराड), प्रताप चंद्रकांत पाटील (रा.
Thursday, November 15, 2018 AT 08:51 PM (IST)
5म्हसवड, दि. 13 : दक्षिण काशी म्हणून प्रसिद्ध असलेल्या, लाखो भाविकांचे कुलदैवत व म्हसवड गावाचे ग्रामदैवत असलेल्या श्री सिद्धनाथ व माता जोगेश्‍वरी यांच्या संपूर्ण एक महिना चालणार्‍या शाही विवाह सोहळ्याची धामधूम सध्या सुरू आहे. दिवाळी पाडवा ते तुलसी विवाह या 12 दिवसांच्या दरम्यान परंपरिक पद्धतीने व पूर्वांपार चालत आलेले उभ्या नवरात्राचे अतिशय कडक व्रत सध्या सिद्धनाथ मंदिरात सुरू झाले आहे. येथील माणगंगेच्या तिरावर दहाव्या शतकातील अत्यंत प्राचिन असे हेमाडपंथी मंदिर आहे. तेव्हापासून आजअखेर या मंदिरात परंपरागत चालत आलेल्या अनेक धार्मिक उपासना व अत्यंत कडक अशा व्रतांची अखंड आणि अव्याहत प्रथा अत्यंत मनोभावे सुरू आहे. उभे नवरात्रही अती कडक आणि कठीण अशी उपासना आहे. अनेक राज्यांतील लाखो भाविकांचे श्रद्धास्थान व आराध्य दैवत असलेल्या येथील श्री सिद्धनाथ व माता जोगेश्‍वरी देवीदेवतांचा पूर्वापार चालत आलेल्या रुढी-परंपरेनुसार हळदी-विवाह आणि वरात या मंगल विवाहाच्या पायर्‍या आहेत. त्यानुसारच श्रींचा तब्बल एक महिना चालणारा विवाह सोहळा अनेक धार्मिक कार्यक्रमांसह साजरा केला जातो.
Wednesday, November 14, 2018 AT 08:51 PM (IST)
5कराड, दि. 12 : अनेकदा सांगूनसुद्धा माझ्या गर्लफ्रेंडचा नाद सोडत नाहीस, तुला आता ठेवतच नाही, असे म्हणून श्रीकांत तपासे उर्फ चिक्या (रा. पालिकेजवळ) याने आपला मित्र हर्षल गोपाल भुरके (रा. शुक्रवार पेठ) याच्यावर चाकूने वार करून गंभीर जखमी केल्याची घटना प्रभात टॉकिजजवळ रविवारी रात्री 12 च्या सुमारास घडली. यात गंभीर जखमी झालेल्या हर्षलवर खाजगी रुग्णालयात उपचार सुरू असून श्रीकांत तपासे याच्यावर शहर पोलीस ठाण्यात गुन्हा दाखल झाला आहे. याबाबत पोलिसांकडून व फिर्यादीनुसार मिळालेली माहिती अशी, श्रीकांत तपासे उर्फ चिक्याचे एका मुलीशी प्रेमसंबंध होते परंतु तिने चिक्याशी असलेले प्रेमसंबंध तोडून हर्षल भुरके याच्याशी प्रेमसंबंध सुरू केले. त्यामुळे हर्षल व चिक्या यांच्यात काही दिवसांपासून वैमनस्य निर्माण होवून वारंवार किरकोळ वादावादी होत होती. हर्षल हा रविवारी रात्री दिनेश यादव या मित्राबरोबर जेवणासाठी हॉटेलमध्ये गेला होता. तेथून परतल्यावर दोघेही प्रभात टॉकिजजवळ पान खायला थांबले.        दिनेश हा पान आणायला पानपट्टीकडे गेल्यावर दुचाकीजवळ थांबलेल्या हर्षलजवळ श्रीकांत तपासे आला.
Tuesday, November 13, 2018 AT 09:08 PM (IST)
5कराड, दि.2 : चहाची टपरी का बंद केली अशी विचारणा करत हिस्ट्रीशीटरने पोलिसाच्या डोक्यात दगड घालून डोळ्याला व कपाळावर गंभीर जखमी केल्याची घटना कराड बसस्थानक परिसरात गुरुवारी रात्री 11.30 वाजण्याच्या सुमारास घडली. यामध्ये पोलीस कॉ. सागर संजय काटे (वय -30 वर्षे) हे जखमी झाले असून पोलिसाला मारहाण करणार्‍या संशयित हिस्ट्रीशीटर अनिल नारायण गायकवाड (रा. बुधवार पेठ, कराड) याला अटक करण्यात आली आहे. याबाबत पोलिसांकडून मिळालेली माहिती अशी, की पोलीस कॉ. सागर काटे व खाडे हे दोघे जण गुरुवारी रात्री कराड बसस्थानक परिसरात रात्रगस्त घालताना बसस्थानक परिसरातील चहाच्या टपर्‍या बंद करून नवग्रह मंदिरासमोर उभे होते. त्यावेळी तेथे आलेला अनिल गायकवाड हा  पोलीस कॉ. सागर काटे यांना चहाची टपरी बंद का केली?,      तू मला ओळखतो का? माझ्यावरही पाच-सहा गुन्हे दाखल आहेत, असे म्हणू लागला. मी तुला ओळखतो. तू हिस्ट्रीशीटर आहेस. येथून जा, असे पोलीस कॉ. सागर काटे यांनी सांगितले. त्यानंतर अनिल गायकवाड तेथून जात असताना त्याने पो.कॉ.सागर काटे यांना शिवीगाळ केली व काही अंतरावर गेल्यानंतर दगड उचलून फेकून मारला.
Saturday, November 03, 2018 AT 09:07 PM (IST)
5लोणंद, दि. 25 : लोणंदच्या नगराध्यक्षपद निवडणुकीत आज उमेदवारी अर्ज मागे घेण्याच्या अखेरच्या दिवशी काँग्रेसच्या अ‍ॅड. पी. बी. हिंगमीरे यांनी आपला अर्ज मागे घेतल्याने आता राष्ट्रवादी-भाजप आघाडी पुरस्कृत अपक्ष उमेदवार सचिन शेळके व काँग्रेसच्या  सौ. स्वाती भंडलकर यांच्यात सरळ लढत होणार आहे. उपनगराध्यक्षपदासाठी उद्या (शुक्रवार) उमेदवारी अर्ज दाखल होणार आहेत. नगराध्यक्षपदासाठी सरळ लढत होणार असल्याने आता 9 चा जादुई आकडा गाठण्यासाठी दोन्ही बाजूंनी शथीर्र्चे प्रयत्न सुरू असल्याने नगराध्यक्षपदाच्या निवडीची उत्सुकता कायम असून निवड होईपर्यंत ती कायम राहणार असल्याने उलटसुलट चर्चेला उधाण आले आहे. नगराध्यक्षपदासाठी तीन जणांचे चार उमेदवारी अर्ज दाखल झाले होते. त्यामध्ये राष्ट्रवादी-भाजप आघाडीकडून सचिन शेळके यांनी दोन तर काँग्रेसच्या सौ. स्वाती भंडलकर व अ‍ॅड. पी. बी. हिंगमीरे यांनी अर्ज दाखल केले होते. छाननीमध्ये सर्व चार अर्ज वैध ठरले. अर्ज माघारीच्या शेवटच्या दिवशी आज अ‍ॅड. पी. बी. हिंगमिरे यांनी आपला अर्ज माघारी घेतल्याने सचिन शेळके व स्वाती भंडलकर यांच्यात सरळ लढत होणार आहे.
Friday, October 26, 2018 AT 08:54 PM (IST)
1 2 3 4 5
 
© Copyrights 2010 Dainik Aikya.com - All rights reserved.
of
Powered By: