Dainik Aikya - Published from Satara (Maharashtra,India) Published on,
 
Search Tag:     From Date:     To Date:     Section:    
Total Results: 2
5नागपूर, दि. 15 (प्रतिनिधी) : राज्यात 2001 पासून ऑक्टोबर 2017 पर्यंत तब्बल 26 हजार 339 शेतकर्‍यांनी आत्महत्या केल्या असून यापैकी 12,805 शेतकर्‍यांनी नापिकी, कर्जबाजारीपणा व कर्ज वसुलीचा तगादा या तीन प्रमुख कारणांमुळे आत्महत्या केल्याची धक्कादायक माहिती महसूल मंत्री चंद्रकांत पाटील यांनी विधानसभेत एका लेखी उत्तरात दिली. विरोधी पक्षनेते राधाकृष्ण विखे-पाटील, विजय वडेट्टीवार, नसीम खान, अमित देशमुख व अन्य सदस्यांनी शेतकरी आत्महत्यांसंदर्भात तारांकित प्रश्‍न उपस्थित केला होता. या प्रश्‍नांवरील लेखी उत्तरात महसूल मंत्र्यांनी, राज्य शासनाकडे असलेल्या माहितीनुसार गेल्या 17 वर्षांत राज्यात 26,339 शेतकर्‍यांनी आत्महत्या केल्याची माहिती दिली आहे. यापैकी 12,805 शेतकर्‍यांनी नापिकी, कर्जबाजारीपणा व कर्जवसुलीच्या तगाद्यामुळे आत्महत्या केल्याचे निदर्शनास आणून दिल्याने ही प्रकरणे मदतीस पात्र ठरली असून त्यांच्या वारसांना एक लाख  रुपयांची मदत करण्यात आल्याची माहिती उत्तरात देण्यात आली आहे.
Saturday, December 16, 2017 AT 09:19 PM (IST)
न्यायाधीशांच्या उपस्थितीत ‘इन कॅमेरा’ उत्तरीय तपासणी 5सांगली, दि. 10 (प्रतिनिधी) : आंबोली घाटात अर्धवट जळालेल्या अवस्थेत मिळालेल्या अनिकेत कोथळे याच्या मृतदेहाचे विच्छेदन शुक्रवारी मिरजेतील शासकीय रुग्णालयात न्यायाधीशांच्या उपस्थितीत करण्यात आले. साडेचार तासांच्या या प्रक्रियेनंतर मृतदेह अ‍ॅनॉटॉमी आणि डीएनएसाठी पाठविण्यात आल्याचे अप्पर पोलीस अधीक्षक शशिकांत बोराटे यांनी सांगितले. दरम्यान, अनिकेतच्या नातेवाइकांशी संपर्क साधून पोलिसांनी मृतदेहातील काही अस्थी अंत्यसंस्कारासाठी देण्याची तयारी दर्शविली परंतु नातेवाइकांनी मृतदेह जेवढा आहे, तेवढा देण्याचा आग्रह धरला. त्यामुळे आता यापैकी नेमके काय करायचे, याचा निर्णय  सीआयडीचे अधिकारी घेतील, असे सांगण्यात आले. कोठडीत खून करून नराधम पोलीस गुन्हेगारांनी अनिकेत कोथळेचा मृतदेह आंबोलीच्या घाटात जाळून पुरावा नष्ट करण्याचा प्रयत्न केल्याच्या घटनेने राज्यात खळबळ उडाली आहे. या घटनेचे तीव्र पडसाद शुक्रवारी चौथ्या दिवशीही उमटत राहिले. समाजातील विविध घटकांनी गुन्हेगार पोलिसांच्या कृत्याबाबत संताप व्यक्त करणे सुरू ठेवले आहे.
Saturday, November 11, 2017 AT 08:58 PM (IST)
 
© Copyrights 2010 Dainik Aikya.com - All rights reserved.
of
Powered By: