Dainik Aikya - Published from Satara (Maharashtra,India) Published on,
 
मुख्यपान  >>  राष्ट्रीय वार्ता

अर्थसंकल्पीय अधिवेशनाला मुकणार? 5नवी दिल्ली, दि. 16 (वृत्तसंस्था): केंद्रीय अर्थमंत्री अरुण जेटली यांना कर्करोग असल्याचे निदान झाले असून ते उपचारासाठी अमेरिकेला रवाना झाले आहेत. त्यामुळे यंदाच्या अर्थसंकल्पीय अधिवेशनाला जेटली अनुपस्थित राहण्याची शक्यता  आहे. आगामी लोकसभा निवडणुकीमुळे मोदी सरकारच्या कार्यकाळातील शेवटच्या अधिवेशनात हंगामी अर्थसंकल्प मांडला जाणार आहे.

Thursday, January 17, 2019 AT 11:41 AM (IST)

सुबोध जयस्वाल, वाय. सी. मोदींचे नाव आघाडीवर 5नवी दिल्ली, दि. 16 (वृत्तसंस्था) : आलोक वर्मा यांच्या हकालपट्टीनंतर रिक्त झालेल्या सीबीआय संचालकपदी नव्या अधिकार्‍याची निवड करण्यासाठी पंतप्रधान नरेंद्र मोदींच्या अध्यक्षतेखालील उच्चाधिकार निवड समितीची बैठक 24 जानेवारी रोजी होणार आहे. या समितीत भारताचे सरन्यायाधीश रंजन गोगोई व लोकसभेतील काँग्रेसचे नेते मल्लिकार्जुन खरगे यांचा समावेश आहे.

Thursday, January 17, 2019 AT 11:40 AM (IST)

5नवी दिल्ली, दि. 16 (वृत्तसंस्था) : रामजन्मभूमी आंदोलनाचे प्रमुख नेते आणि विश्‍व हिंदू परिषदेचे माजी अध्यक्ष विष्णू हरी दालमिया यांचे प्रदीर्घ आजाराने दिल्लीतील गोल्फ लिंक येथील राहत्या घरी आज निधन झाले. 91 वर्षीय दालमिया यांनी सकाळी 9 वाजून 38 मिनिटांनी अखेरचा श्‍वास घेतला. दिल्लीतील निगमबोध घाटावर सायंकाळी त्यांच्या पार्थिवावर अंत्यसंस्कार करण्यात आले.

Thursday, January 17, 2019 AT 11:37 AM (IST)

5श्रीनगर, दि. 15 (वृत्तसंस्था) : जम्मू-काश्मीरमधील कठुआ जिल्ह्यातील सांबा सेक्टरमध्ये आंतरराष्ट्रीय सीमेवर पाकिस्तानी रेंजर्सच्या स्नायपर्सनी मंगळवारी सकाळी 10.50 च्या सुमारास केलेल्या गोळीबारात सीमा सुरक्षा दलाचे अधिकारी विनय प्रसाद हे शहीद झाले. दरम्यान, नियंत्रण रेषेवर राजौरी जिल्ह्यात पाकिस्तानी लष्कराने आज पुन्हा शस्त्रसंधीचे उल्लंघन केले. त्यानंतर भारतीय लष्कराने पाकिस्तानी सैन्याला जशास तसे प्रत्युत्तर देताना जोरदार गोळीबार केला.

Wednesday, January 16, 2019 AT 11:50 AM (IST)

सरकार स्थिर असल्याचा कुमारस्वामी यांचा दावा 5बंगलोर, दि. 15 (वृत्तसंस्था) : कर्नाटकात पुन्हा आमदारांचा घोडेबाजार सुरू होणार असल्याची चर्चा असतानाच दोन अपक्ष आमदारांनी काँग्रेस व धर्मनिरपेक्ष जनता दल सरकारचा पाठिंबा काढून घेतल्याने राज्यात खळबळ उडाली आहे. भाजपकडून पुन्हा ‘ऑपरेशन लोटस’ राबविण्यात येईल, अशी भीती काँग्रेसचे नेते व्यक्त करत असले तरी आपले सरकार स्थिर असल्याचा ठाम विश्‍वास मुख्यमंत्री एच. डी. कुमारस्वामी यांनी व्यक्त केला आहे.

Wednesday, January 16, 2019 AT 11:47 AM (IST)

© Copyrights 2014 Dainik Aikya.com - All rights reserved.
of
Powered By: