Dainik Aikya - Published from Satara (Maharashtra,India) Published on,
 
मुख्यपान  >>  विभागीय वार्ता

5कराड, दि. 21 : लोकसभेची ही निवडणूक म्हणजे संगीत खुर्ची नाही. पुढील काळात देश कोणत्या दिशेने जाणार हे ठरविणारी ही निवडणूक आहे. नरेंद्र पाटील यांच्या रुपाने गोरगरिबांचा आवाज संसदेत पाठवून सातारा जिल्ह्यात भगवा फडकवा, असे आवाहन शिवसेना पक्षप्रमुख उध्दव ठाकरे यांनी केले. येथील शिवाजी स्टेडियमवर शिवसेना, भाजप, आरपीआय युतीचे उमेदवार नरेंद्र पाटील यांच्या प्रचारार्थ झालेल्या सांगता सभेत ते बोलत होते.

Monday, April 22, 2019 AT 11:39 AM (IST)

5भुईंज, दि. 18 : कारने दुचाकीला ठोकरल्याने झालेल्या अपघातानंतर जखमींना उपचारासाठी घेऊन जाणार्‍या पोलीस अधिकार्‍यांच्या मुलाला मारहाण झाल्याची घटना वेळे, ता. वाई हद्दीत गुरुवारी घडली. या प्रकरणी भुईंज पोलीस ठाण्यात सहा जणांच्या विरोधात गुन्हा दाखल करण्यात आला आहे. अपघातानंतर मारहाण होऊनही जखमींना रुग्णालयात पोहोचवणार्‍या या कुटुंबाने इतरांसमोर आदर्श ठेवला आहे. हे पाटणचे उपविभागीय पोलीस अधिकारी अंगद जाधवर यांचे हे कुटुंबीय असल्याचे स्पष्ट झाले आहे.

Friday, April 19, 2019 AT 11:10 AM (IST)

5कराड, दि. 18 : मुंढे, ता. कराड येथे विहिरीत पोहायला गेलेल्या ओंकार रमेश चौगुले (वय 17, रा. सावर्डे, ता. हातकणंगले, जि. कोल्हापूर) याचा गुरुवारी दुपारी 12.45 च्या सुमारास बुडून मृत्यू झाला. याबाबत पोलिसांनी दिलेली माहिती अशी, ओंकार चौगुले हा सुट्टीत मुंढे येथे त्याच्या मामाकडे आला होता. तो गुरुवारी दुपारी 12.45 च्या सुमारास येथील पोहायला गेला असता विहिरीत बुडून त्याचा मृत्यू झाला. घटनेची नोंद कराड शहर पोलीस ठाण्यात झाली आहे.

Friday, April 19, 2019 AT 10:54 AM (IST)

अपघात होण्यापूर्वी शरद पवारांचा ‘यू टर्न’ सातार्‍यातील लढाई ही राजा विरुद्ध प्रजाच..! 5कोरेगाव, दि. 17 : शरद पवार यांना हवेचा रोख कळतो, असे राजकारणात सांगितले जाते, ते अगदी बरोबर आहे. त्यांना आता हवेतील बदल समजला आहे. त्यांनी माढ्यातून अपघात होण्यापूर्वीच ‘ यू टर्न’ घेतला आहे. माढ्यात आज आम्ही विशाल जनसागर पंतप्रधानांच्या सभेत पाहिला आहे. त्यामुळे आम्हाला विश्‍वास आहे, की माढा काय अन् बारामती काय, आम्ही सातारा सुद्धा जिंकणारच.

Thursday, April 18, 2019 AT 11:08 AM (IST)

5रहिमतपूर, दि. 16 : नहरवाडी (ता.कोरेगाव) गावच्या हद्दीत दि. 16 रोजी सकाळी सहाच्या सुमारास गेट नं. 83 जवळ उमेशकुमार धुलीराम दुरिया (वय 20), रा. छटुवा, पो. छांटा, डिंडोरी मध्यप्रदेश या परप्रांतीय तरुणास रेल्वेने धडक दिल्याने त्याच्या शरीराचे तुकडे होवून त्याचा जागीच मृत्यू झाल्याची खबर सुपरवाझर साबीर साकीर मुल्ला यांनी रहिमतपूर पोलीस ठाण्यात नोंदवली आहे.

Wednesday, April 17, 2019 AT 11:25 AM (IST)

5सातारारोड, दि. 16 : अवकाळी पावसाच्या मध्यम स्वरूपाच्या सरी व वादळी वार्‍याच्या तडाख्यात विजेचा कडकडाट होऊन विजेचा लोळ गावाशेजारील गोठ्यातून वेगाने जात असताना विजेचा जोरदार धक्का बसून जळगाव, ता. कोरेगाव येथील शेतकरी श्रीरंग मुगुटराव जाधव यांचा एक शर्यतीत पळणारा बैल व जातिवंत खिलार गाय यांचा जागीच मृत्यू झाला. यामुळे शेतकरी जाधव यांचे सुमारे तीन लाखांचे नुकसान झाले आहे.

Wednesday, April 17, 2019 AT 11:24 AM (IST)

5भुईंज, दि. 15 : सातारा लोकसभा मतदारसंघासाठी 12 दिवस आधीच मतदान करून आयएफएस अधिकारी तथा केनियतील भारताचे उपउच्चायुक्त राजेश स्वामी व त्यांच्या पत्नी सौ. संजीवनी स्वामी हे दोघे या मतदारसंघात मतदान करणारे पहिले मतदार ठरले आहेत. सातारा लोकसभा मतदारसंघासाठी दि. 23 रोजी मतदान होणार आहे. परदेशातील भारतीय दुतावासात कार्यरत असणार्‍या अधिकार्‍यांना पोस्टल मतदान करण्याची सुविधा असते. त्याकरिता प्रत्येक दुतावसात एका मतदान अधिकार्‍याची नियुक्ती केलेली असते.

Tuesday, April 16, 2019 AT 11:31 AM (IST)

5महाबळेश्‍वर, दि. 15 :  गेले तीन दिवस केवळ हलक्या सारी व किरकोळ गारा अशी हुलकावणी देवून महाबळेश्‍वर शहरवासीयांना दुपारच्या वेळी उकाड्याने हैराण करणार्‍या पावसाने आज तासभर तुफान गारांची बरसात करून वातावरण शांत केले. गेली तीन दिवस येथे उकाड्यानेे दुपारच्या वेळी नागरिक वैतागले होते. या पर्यटनस्थळाची सकाळ व रात्र चांगली असायची मात्र दुपार झाली, की उन्हाने काही तास नागरिकांची तगमग व्हायची.

Tuesday, April 16, 2019 AT 11:28 AM (IST)

5म्हसवड, दि. 15 : मोटेवाडी, ता. माण येथील मोहन उत्तम मोटे या शेतकर्‍याने कर्जाला कंटाळून राहत्या घरी गळफास घेऊन आत्महत्या केल्याची घटना घडली आहे. घटनास्थळावरून मिळालेली माहिती अशी, वरकुटे-म्हसवड अंतर्गत मोटेवाडी येथील शेतकरी मोहन उत्तम मोटे (वय 50) या शेतकर्‍याने राहत्या घराच्या पत्र्याच्या अँगलला दोरीने गळफास घेऊन आत्महत्या केली. सदर शेतकरी हा अल्पभूधारक असून विकास सेवा सोसायटी तसेच बँकांचे कर्ज असल्याची माहिती नातेवाइकांनी दिली.

Tuesday, April 16, 2019 AT 11:19 AM (IST)

प चार हजारांवर युवकांना मिळणार रोजगार प माण तालुक्यातही प्रोजेक्ट उभारण्याचा निर्धार 5बिजवडी, दि. 15 : माण तालुक्यातील टाकेवाडी गावचे युवा उद्योजक संदीप घोरपडे व हवालदारवाडी येथील उद्योजक धनाजीराव सावंत या दोन युवकांनी दुष्काळी माण तालुक्यातील प्रतिकूल परिस्थितीशी झगडत मुंबई, पुण्यासारख्या ठिकाणी जावून काबाडकष्ट करत आज उद्योगीय क्षेत्रात उत्तुंग भरारी घेतली आहे.

Tuesday, April 16, 2019 AT 11:13 AM (IST)

© Copyrights 2014 Dainik Aikya.com - All rights reserved.
of
Powered By: