Dainik Aikya - Published from Satara (Maharashtra,India) Published on,
 
सर्वोच्च न्यायालयाचे सर न्यायाधीश जगदीश सिंह खेहर यांच्या निवृत्तीनंतर, त्या पदावर न्यायमूर्ती दीपक मिश्रा यांची नियुक्ती जाहीर झाली आहे. सेवा ज्येष्ठतेनुसार या सर्वोच्च पदावर ते 14 महिने राहतील. 2011 पासून सर्वोच्च न्यायालयात न्यायमूर्ती असलेले मिश्रा हे अभिव्यक्तिस्वातंत्र्याचे खंदे पुरस्कर्ते आहेत. 3 ऑक्टोबर 1953 रोजी ओरिसा राज्यात जन्मलेल्या मिश्रा यांचे प्राथमिक, माध्यमिक आणि महाविद्यालयीन शिक्षण त्याच राज्यातल्या शैक्षणिक संस्थांत झाले.

Friday, August 11, 2017 AT 11:41 AM (IST)

उत्तर प्रदेशातल्या गरीब, मागासवर्गीय, आदिवासी, अल्प-संख्याक समाजातल्या मुलींच्या विवाहासाठी प्रत्येकी 35 हजार रुपयांची आर्थिक मदत देण्याचे मुख्यमंत्री योगी आदित्यनाथ यांनी जाहीर केले आहे. या राज्यातल्या गरीब कुटुंबातल्या मुलींच्या विवाहासाठी पैसे जमवताना, तिच्या आई वडिलांना बहुतांश वेळा कर्ज काढण्याशिवाय पर्याय नसतो. केवळ आर्थिक परिस्थिती- अभावी हजारो गरीब पालकां-च्या मुलींचे विवाह वेळेवर होत नाहीत.

Thursday, August 03, 2017 AT 11:22 AM (IST)

  नितीश यांनी लालूंची साथ सोडावी, असे जाहीर आव्हान बिहारमधील भाजपचे प्रमुख नेते सुशीलकुमार मोदी अनेक वेळा करत होते. राष्ट्रपती निवडणुकीत भाजपने सुचवलेल्या रामनाथ कोविंद यांच्या नावाला नितीश यांनी आढेवेढे न घेता पाठिंबा दिला. नितीशकुमार यांनी मोदींच्या वादग्रस्त ठरलेल्या नोटाबंदीच्या निर्णयाला पाठिंबा दिला तेव्हाच बिहारमधील महाआघाडी सरकारमध्ये तणाव निर्माण झाल्याचे दिसून आले.

Monday, July 31, 2017 AT 11:34 AM (IST)

लोकमान्य टिळकांच्या स्वदेशीच्या मूलमंत्राचा कृतिशीलपणे स्वीकार करून, सध्याच्या बहु-राष्ट्रीय कंपन्यांच्या  उत्पादनांना टक्कर देत स्वदेशी उत्पादनांची निर्मिती करणार्‍या पतंजली योग विद्यापीठाचे आचार्य बाळकृष्ण यांना पुण्याच्या लोकमान्य टिळक स्मारक मंदिराने यावर्षीचा लो. टिळक पुरस्कार जाहीर केला, हा त्यांच्या स्वदेशीच्या कृतिशील प्रसाराचा सन्मान होय. 1 लाख रुपये, स्मृतिचिन्ह, मानपत्र असे या राष्ट्रीय पुरस्काराचे स्वरूप आहे.

Saturday, July 29, 2017 AT 11:18 AM (IST)

आपल्या महिको कंपनीच्या संकरित बियाणाच्या उत्पादनाद्वारे देश आणि विदेशात नावलौकिक मिळवलेल्या डॉ. बद्रिनारायण बारवाले यांच्या निधनाने, देशाच्या हरितक्रांतीत महत्त्वाचे योगदान देणारा कृषी मित्र हरपला आहे. मराठवाड्यातल्या हिंगोली या गावात 27 ऑगस्ट 1930 रोजी जन्मलेल्या बारवाले यांचे जनक वडील जयकिशन कागलेवाल. भिकूलालजी बारवाले यांना बद्रिनारायण दत्तक गेल्याने ते बारवाले झाले.

Friday, July 28, 2017 AT 11:31 AM (IST)

पाकिस्तानच्या चिथावण्या आणि आर्थिक सहाय्याच्या बळावर काश्मीर खोर्‍यातल्या दहशतवादी कारवायांना जबाबदार असलेल्या हुर्रियत परिषदेचे नेते सय्यद अलिशहा गिलानी यांच्यासह 7 फुटीरतावादी नेत्यांना राष्ट्रीय तपास संस्थेने अटक केली आहे. या सर्व सातही जणांना तपासासाठी न्यायालयाने 18 दिवसांची पोलीस कोठडी मंजूर केल्याने फुटीरता-वाद्यांना हादरा बसला आहे.

Thursday, July 27, 2017 AT 11:26 AM (IST)

मान्सूनचा पाऊस गुजरात राज्यात वेळेवर झाला नसल्याने सोयाबीन, कापूस, भुईमुगाच्या पेरण्या वाया जायचे संकट निर्माण झाल्याने राज्य सरकार आणि शेतकरी चिंताग्रस्त झाले होते. पण, जुलै महिन्याच्या दुसर्‍या आठवड्यापासून या राज्याच्या सर्व भागाला मान्सूनच्या तुफानी पावसाने झोडपून काढल्याने, नद्यांना आलेल्या महापुराचा विळखा अनेक शहरे आणि हजारो खेड्यांना बसला आहे. सौराष्ट्रात नेहमीच पावसाचे प्रमाण कमी असते.

Wednesday, July 26, 2017 AT 11:11 AM (IST)

अहमदनगर जिल्ह्यातल्या पाथर्डी तालुक्यातल्या कोपर्डी गावातल्या एका शाळकरी मुलीवर झालेल्या बलात्कार आणि खुनाच्या घटनेमुळेच, महाराष्ट्रात संतापाची लाट उसळली. बलात्कार्‍यांना फाशी द्यावी, या मागणीसाठी राज्यभरात लाखोंचे मराठा क्रांती मोर्चे निघाले. जनतेच्या या असंतोषाच्या ज्वालामुखी-च्या स्फोटाने, महाराष्ट्रात सामाजिक जागृती आणि महिलांवर अत्याचार करायला कुणी नराधम धजणार नाही, असा सामाजिक दबाव निर्माण झाला.

Tuesday, July 25, 2017 AT 11:27 AM (IST)

आजवर विविध प्रकारच्या उपचार पद्धतीच्या सहाय्याने व्याधींवर मात करण्याचे तसेच रोगाच्या प्रसाराला आळा घालण्याचे प्रयत्न करण्यात आले. अलीकडे तर वैद्यकीय क्षेत्रातील संशोधनाला आधुनिक तंत्रज्ञानाची जोड मिळू लागली आहे. त्यामुळे दुर्धर आजारावरील प्रभावी उपचार पद्धती अस्तित्वात आणणे शक्य होत आहे. अशा तर्‍हेने अनेक वर्षापासून वैद्यकीय क्षेत्रात संशोधन सुरू आहे. त्याद्वारे तत्कालीन आजारांबाबत रुग्णांना दिलासा मिळणे शक्य झाले.

Monday, July 24, 2017 AT 11:42 AM (IST)

गोरक्षकांचा हिंसाचार म्हणजेच गोमांस खाण्यावरून एखाद्याला ठार मारणे. हा प्रकार भारतात एक नव्याने समस्या म्हणून पुढे आला आहे. हा प्रकार संपुष्टात आणण्यासाठी काय करता येईल? जेव्हा हरियाणा व महाराष्ट्रात भाजपचे सरकार आले आणि त्यांनी गोमांसावर बंदी घातली, त्यानंतर गोमांस खाण्याच्या मुद्द्यावरून हत्येचे प्रकार वाढू लागले आहेत. गेल्या काही आठवड्यांतच हा हिंसाचार भारतभर कसा वाढतो आहे, याची काही उदाहरणे आहेत.

Monday, July 17, 2017 AT 11:34 AM (IST)

© Copyrights 2014 Dainik Aikya.com - All rights reserved.
of
Powered By: